بعد التصوير و البلاغ عنهم.....المتحرشين بالفنانة هنا الزاهد في قبضة الشرطة المصرية | أفاق عربية

هنا الزاهد تشكر وزارة الداخلية المصرية لسرعة استجابتها في بلاغ التحرش الذي تقدمت به منذ أيام والقبض علي المتحرشين فى وقت قصير .

وكتبت هنا عبر حسابها بتطبيق Instagram: “الحمد لله رب العالمين. شكرا وزارة الداخلية. شكرا الشرطة المصرية”.

‎‎

يذكر أن هنا الزاهد كشفت عن تعرضها للتحرش، وأوضحت في مداخلة هاتفية مع الإعلامي وائل الإبراشي ببرنامج “التاسعة” على القناة الأولى المصرية، أنها تتعرض لمثل هذه المضايقات دوما، وفي كل مرة كانت تخاف وتجري بسيارتها بعيدا، قائلة: “لكن المرة دي الناس زودوها لدرجة وحشة جدا، خوفوني، كانت الساعة 9 ونص بالليل يعني بدري مش متأخر ووسط الناس كلها وعمالين يزنقوا عليا وبيجروا ورايا وسامعة كلام وهما عارفين إننا ممثلة.. كنت خايفة في الأول لقيتهم جريوا ورايا بالعربية”.

تابعت: “رجالة كتير وصوتهم عالي.. يا إما همسك الموبايل عشان أصورهم يا إما هيوقفوني عشان ياخدوا الموبايل.. قعدت 5 دقايق تقريبا كلها مرعوبة طلعت الموبايل لقيتهم جريوا وخبوا وشهم”.

أشارت هنا إلى أن الشرطة تواصلت مع زوجها الفنان أحمد فهمي، وبدورهم وجهوا لها العديد من الأسئلة لكي يتمكنوا من ضبطهم، مؤكدة أن البحث لا يزال جاريا عن هذه السيارة والأشخاص الذين تواجدوا بها، مضيفة: “أنا بشوف المعجبين دايما في الشارع ناس محترمة جدا.. لكن دول مش محترمين خالص”.

تابعت: “التحرش سببه المتحرش نفسه، ولا يوجد سبب آخر، لما بسافر برا بكون واخدة حريتي في اللبس سواء شورت أو غيره، عمري ما لاقيت حد يتحرش بيا.. لكن هنا في ناس محجبة ومنقبة وأطفال بيتم التحرش بيها، فا مفيش أي مبرر”.