النجم تامر حسني يعلق على “سارة وفيق” مخرجة فيلم “مش أنا” | أفاق عربية

كتبت المخرجة سارة وفيق عبر حسابها على Facebook: “من ساعة ما خلصت تصوير الفيلم وأنا عاوزه أكتب حاجة لتامر حسنى بس كل ماجى أكتب حاجة أحس إن الكلام مش هيوفيه حقه فى وقوفه جمبى وإيمانه بيا من أول الفرصة العظيمة اللى أدهالى مرورا بوقوفه فى ضهرى أثناء تصوير الفيلم ودعمه الدائم ليا ومساندته فى كل تفصيلة فى الشغل وخوفه عليا شكراً أخويا تامر حسنى إنك ادتنى فرصه العمر وربنا يكتبلنا النجاح زى ماحلمنا تامر حسنى مصنع الطاقة الإيجابية”.

أعاد تامر نشر ما كتبته سارة عبر خاصية القصص القصيرة عبر حسابه على Instagram، وعلق كاتبا: “يا أستاذة سارة أنا اللي بشكرك على شغلك العظيم في الفيلم وأنا قدمتك بالفيلم دا ووثقت فيكي عشان رؤيتك المختلفة اللي حسيتها وشوفتها فيكي ولما اشتغلنا الفيلم حسيت إني واقف قصاد مخرجة بتخرج من 30 سنة من جمال وقوة رؤيتك أنا اللي فخور بيكي وبشغلك ربنا يكرمك يا سارة وكرمنا معاكي.. انتظروا بعون الله فيلم مش أنا إخراج الرائعة سارة وفيق”.

تامر حسني يرد على مخرجة فيلم مش انا

تامر حسني يرد على مخرجة فيلم “مش أنا”

تدور قصة فيلم “مش أنا”، حول حالة نفسية ما تصيب “حسن” تامر حسنى، وتربطه علاقة قوية جدا بوالدته المريضة وهى الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهى محور حياته”.

فيلم “مش أنا” يشارك فى بطولته بجانب تامر حسنى، كل من ماجد الكدوانى، سوسن بدر، حلا شيحة، بالاضافة لعدد كبير من الفنانين، الفيلم قصة وسيناريو وحوار تامر حسنى، وإخراج سارة وفيق. الفيلم انتاج مشترك بين شركة سينرچى وحسام حسنى وأحمد دسوقى.

المصدر: فى الفن


Click to comment

You must be logged in to post a comment Login

Leave a Reply

تريند أفاق عربية

To Top