تامر حسني يكشف عن جزء ثاني لـ فيلم «البدلة»

كشف الفنان تامر حسني عن وجود جزء ثاني لفيلم البدلة، الذي عرض في عام 2018، وشاركه به الفنان الكوميدي أكرم حسني ونال اعجاب الكثير.

وعلق تامر حسني على منشور للمخرج محمد العدل، شارك به جمهوره عبر حسابه الشخصي بموقع التواصل الاجتماعي فيسبوك، وجاء محتواه صورة من كواليس فيلم البدلة، وكتب تامر حسني: واحشني يا مندو إنت وكل فريق الفيلم العسل ده، ومبروك ليك نجاح مسلسلك ومبروك لكراميلة حبيب قلبي كسر الدنيا السنادي بمسلسله العسل، وإن شاء الله نبسط الجمهور مرة تانية بالبدلة الجزء التاني.

تامر حسني وهنا الزاهد من فيلم بحبك

وكان قد شارك الفنان تامر حسني، صورة تجمعه بالفنانة هنا الزاهد، عبر حسابه الشخصي بموقع التواصل الاجتماعي، لتبادل الصور والفيديوهات القصيرة، انستجرام، وعلق قائلًا: مساء الهنا على اغلى ناس على قلبي انا دي صور من اول يومين تصوير لفيلمنا الجديد ( بحبك ).

وواصل: طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً.

وأردف: الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد، مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم، ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله.

وأختتم تامر حسني قائلًا: للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل” اللي هيكون ليها مستقبل كبير ان شاء الله، وفرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي.