حسن شاكوش يعتذر لنقابة المهن الموسيقية

قدم الفنان حسن شاكوش، مطرب المهرجانات، اعتذارًا لنقابة المهن الموسيقية والفنان هاني شاكر، قائلًا: “عرفت غلطي الفترة اللي فاتت”، مضيفًا: “انا موقوف بقالي 9 شهور وأنا كان غصب عني، وغلطت ومفيش بني آدم مش بيغلط”.

وأضاف “شاكوش” في مداخلة هاتفية لبرنامج “على مسئوليتي” على فضائية “صدى البلد” اليوم الأحد: “كان لازم أطلع دلوقتي أعتذر للشعب المصري وكل الدول العربية وكل اللي بيسمعوني، وبقولهم ان شاء الله الفترة الجاية الواحد عرف غلطه، ومش هيسمعوا مني أي غلط تاني أو أي حاجه تسيء للشعب المصري”.

ووجه الشكر للرئيس عبدالفتاح السيسي، قائلًا: “الرئيس السيسي أبونا كلنا وربنا يخليهولنا على الإنجازات اللي بنشوفها في البلد”، مضيفًا: “بتأسف لنقابة المهن الموسيقية وإن شاء الله الغلط مش هيتكرر تاني”.

وتابع: “الأستاذ هاني شاكر حبيبنا كلنا وهو عارف وبعتذر للنقابة كلها وبقولهم إني همشي على الطريق الصحيح اللي هيقولولي عليه واللي الاستاذ هاني شاكر هيكلفني بيه، ومش هخرج عن أي سوء سلوك قد يسبب أزمة”.

وأردف: “أنا كنت منضبط في شغلي ومكنتش بقصر، ولكني غصب عني كانت مشكلة وأنا اتعلمت واتحاسبت واتوقفت ودلوقتي بعتذر للشعب المصري بالكامل”.

وأكد: “أنا قدمت تظلم مرتين لنقابة المهن الموسيقية ورفضوا وقدمت تظلم ثالث أتمنى من النقابة وأعضائها يبصوا فيه”، موضحًا: “أنا بشتغل خارج مصر ومش حاسس بطعم أي نجاح بره بلدي، وبيجي لي شغل في مصر لكني ملتزم بالقرار الذي أصدرته نقابة المهن الموسيقية ويستحيل قرار يطلع منهم وأنا أخالفه وأروح أشتغل”.

واختتم “شاكوش”: “التراب اللي بنشيله في بلدنا حاجه تشرفنا، وأنا مش حاسس بأي طعم لنجاح في أي بلد بروحها”، مؤكدًا: “ياريت اعضاء النقابة كلهم يقبلوا أسفي والاستاذ هاني شاكر فنان كبير واخونا وبتأسفله وبقولهم انا ابنكم وبقول للشعب المصري مش هتسمعوا حاجه مني تاني”.