معلومة عن ما بين الوردي والرمادي.. - افاق عربية

معلومة عن ما بين الوردي والرمادي.. - افاق عربية


شوفت سحر الحب عامل فيا ايه..

دوشة حلوة زي ما تكون سيمفونية..

حتى قلبي اتجن وبيرقص باليه..

بكلماته  وصف صلاح جاهين بداية الحب، وبصوت مليان بالخفة والبهجة غنت سعاد حسني اللي الحب والهوى مخلينها شايفة حتى الضلمة “بمبي”، زيها زي كل اللي بيقعوا في الحب، وبيعيشوا حلاوة وسحر بداية بداياته، البدايات اللي بالرغم من جمالها إلا إنها ممكن تكون مخادعة، والحب اللي كنا فاكرينه أبدي يخلص، والعلاقة تنتهي أسرع ما كنا نتخيل، علشان كده الأبحاث والدراسات بتقدم شوية علامات ودلائل تساعدك تعرف العلاقة دي ليها مستقبل وهاتكمل ولا دي مجرد علاقة عابرة وهاتنتهي بسرعة، إجاباتك على الخمس أسئلة دي هاتوضح لك حاجات كتير:

 

  • إلى إي مدى تشبهوا بعض؟

 

وهنا أنا ما أقصدش صورة البروفايل اللي مقسومة نصين، نص وشك ونص وش حبيبك ومكتوب تحتها “ملامحك كلها مني يا دوب الاسم متغير”، أنا أقصد التشابه في الاهتمامات، القيم، الأفكار، المعتقدات، الأهداف، طريقة التفكير، مدى التفتح وتقبل الآخر، حتى الذوق والتفضيلات، لإن الدراسات بتقول إن الأشخاص بينجذبوا غالبًا للشركاء المختلفين عنهم في العلاقات القصيرة، لكن في العلاقات الطويلة المستقرة اللي بتنتهي بالالتزام العاطفي بينجذب الشخص للطرف الل بيشبهه، والتشابه ده مش معناه  تطابق، لإن مفيش اتنين نسخة بالكربون، لكن تكون نسبة الحاجات اللي انتم متشابهين فيها أكتر من الاختلاف بينكم.

 

  • هل عينيك ما بتشوفش غيره؟

 

أي حد لما بيقابل شخص من الجنس الآخر بيفكر فيه ولو لحظة هل ده يصلح يكون شريكه العاطفي!،  وده ما بيحصلش في حالة واحدة إنك تكون في علاقة جدية محققة لك الاكتفاء وملتزم ومخلص لشريكك العاطفي، والدراسات أثبتت إن العلاقات الثابتة القوية بتخلي حواس وعقل الشخص ما يتشتتش بالمغريات والاحتمالات حواليه، بس لو كان واحد من الطرفين بيتعامل إنه لسه مش مرتبط ولما بيقابل حد جديد  بيفكر إنه ممكن يكون حبيب محتمل له، بيقارن وبيفكر هل يصلح له ولا لأ، ده معناه إن علاقتكم مجرد اندفاع وتسرع ملهاش مستقبل.

 

  • هل انت خايف تفضل “سينجل”؟

 

ساعات الخوف من الوحدة، والرغبة في إنك تدخل في علاقة، وإن يكون عندك حبيب تعيش معاه الأجواء الرومانسية، حاجتك إن يكون فيه شخص معاك سواء لإنك أصلًا وحيد وزهقان، أو لإنك ما بتقدرش تقعد وقت طويل من غير ما تكون مرتبط، فبتخرج من علاقة تدخل في غيرها بسرعة، أو لإنك حاسس إنك كبرت وخايف تفضل أعزب، ده ممكن يخليك تقلل معاييرك في اختيار شريك حياتك، وطموحك العاطفي يقل، وتتصرف بتهور واندفاع عاطفي بيخليك مش عارف تفرق بين الأشخاص اللي يستحقوا حبك واهتمامك وبين اللي ما يستاهلوش، فلو انت ارتبطت في الظروف دي راجع نفسك لإن ده مؤشر إن اختيارك مكنش سليم بشكل كبير، وممكن علاقتكم ما تكملش.

 

  • هل اتعرفت على أصحابه وأهله، والعكس صحيح؟

 

“الأهم من إنك تخليها تحبك وتوافق عليك، إنك تخلي صاحباتها تحبك وتوافق عليك” الجملة دي حقيقة بشكل كبير لإن الأبحاث أثبتت إن كل ما زاد عدد الأصدقاء اللي حابين ومستلطفين شريكك العاطفي، كل ما زاد الاحتمال إن العلاقة دي تكمل، فلو انت علاقتك جدية وناوي تكمل، أكيد هاتعرّف الشخص اللي انت مرتبط بيه على اصحابك وأهلك بعد ما تكون حكيت لهم عنه، وتبدأ تدمجه في دايرة معارفك وشبكاتك الاجتماعية، والمفروض الطرف التاني كمان يعمل كده، ولو ده محصلش يبقى فيه طرف مش متأكد إنه عايز يكمل.

 

  • رد فعله بيكون ايه لما بتيجي سيرة الجواز؟ 

 

 لما بتيجي سيرة الجواز، الأفراح، الأولاد والبيت، هاتيجي تقابل بابا امتى، بيكون رد فعله ايه، بيتهرب وبيغير الكلام، بيستخدم أساليب المراوغة، بيخترع خناقة علشان ينهى الحوار، بيتجنب القعدات اللي بتكلموا فيها عن طبيعة علاقتكم، بيخاف لما العلاقة بينكم بتتطور، وبتقربوا من بعض أكتر، كلامه عام مفيهوش أي تلميح للمستقبل، كل دي علامات أكيدة إن علاقتكم مش جدية.

 

ما تفتكرش إن الإجابة على الأسئلة دي هاتكون سهلة، وهج الحب هايكون مشوش رؤيتك، ومراية الحب مش هاتخليك تشوف الحقيقة بسهولة، فالإجابة محتاجة منك كتير من الهدوء والموضوعية، ولازم كمان تحط في اعتبارك إن فيه أسباب تانية كتير ممكن تخلي العلاقة ما تكملش، لكن احنا هنا بنشاور لك  على الأسباب الرئيسية اللي لازم ناخد بالنا منها بدل ما الحياة اللي لونها بمبي تتحول للون الرمادي في علاقة مش واضح معالمها، لحد ما تنتهي بعد ما تكون سرقت كتير من طاقتنا ونفسيتنا ووقتنا.

 

إذا كنت تعاني من اضطراب نفسي ولا تجد من ينصت لك أو يقدم لك يد العون، فلا تتردد في التواصل مع فريق أطباء شيزلونج ليكون رفيقك في رحلة التعافي النفسي.

 

إيمان السيد

كاتبة صحفية ومهتمة بالشأن النفسي

 

المصادر:

http://www.psych.nyu.edu/amodiolab/Publications_files/Amodio_Showers_2005.pdf

http://psycnet.apa.org/record/2001-17979-002

https://www.semanticscholar.org/paper/Avoiding-entangling-commitments-%3A-Tactics-for-a-Jonason-Buss/38b6fc85bcb998e73bb0f0885537425fe80247d8

https://static1.squarespace.com/static/56cf3dd4b6aa60904403973f/t/5717915562cd94792b6d605c/1461162326373/the-implicit-cognition-of-relationship-maintenance.pdf

http://www.individual.utoronto.ca/sspielmann/Spielmann_et_al_inpress_JPSP.pdf

 

#ما #بين #الوردي #والرمادي #افاق عربية #Magazine

معلومة عن ما بين الوردي والرمادي.. - افاق عربية

تعليقك ورأيك يمكنك كتابه مشكلة او أستفسار !

ترند أفاق عربية اليوم والأكثر زياره للساعه

رقم المقال الصورة اسم المقال عدد الزيارات

أحدث وأهم الترندات و عمليات البحث الرائجة الأن في السعودية والعالم !

أحدث المقالات من أفاق عربية

تفاصيل الخطة الزمنية لأعمال التقييم والتحقق والبرامج العلاجية لمدارس التعليم الفني
تفاصيل الخطة الزمنية لأعمال التقييم والتحقق والبرامج العلاجية لمدارس التعليم الفني

#تفاصيل #الخطة #الزمنية #لأعمال #التقييم #والتحقق #والبرامج #العلاجية #لمدارس #التعليم #الفني أعلنت وزارة التربية والتعليم والتعليم الفني، تفاصيل الخطة الزمنية لأعمال التقييم والتحقق والبرامج العلاجية للإدارة المركزية لمدارس التعليم الفني لأعمال التقييم والتحقق للبرامج الدراسية ذات المناهج المبنية و…

رابط موقع Egybest ايجي بست 2024 لمشاهدة افضل مسلسلات وافلام ايجي بست مجاناً now
رابط موقع Egybest ايجي بست 2024 لمشاهدة افضل مسلسلات وافلام ايجي بست مجاناً now

رابط موقع Egybest ايجي بست 2024 لمشاهدة افضل مسلسلات وافلام ايجي بست مجاناً الان نقدمه امام حضراتكم لكونه من أفضل المواقع الموجودة فى الشرق الاوسط التي تعمل بدون اعلانات عليه كل مؤشرات البحث على جوجل أصبحت مرتفعة ومتزايدة بشكل كبير من أجل الوصول لرابط الموقع والذي سوف نتابعه الان امام حضراتكم فى ظل …

سعر اختبار التوفل في السعودية
سعر اختبار التوفل في السعودية

your_code_for_ad_1 يسعدنا من خلال موقعنا أن نقدم لكم مقال بعنوان هو سعر اختبار التوفل في السعودية ، يعتبر التوفل إحدى أبرز شهادات الدورات التدريبية وهي تكون باللغة الإنجليزية من أجل تفتح مجال كبير أمام حامل الشهادة وحصول على الأعمال و تمكنهم من التقدم في العملية التعليمية والمهنية بالعالم السطور التالية سوف نتع…

مسلسل لحظة غضب الحلقة 14.. صبا مبارك ترتكب جريمة قتل جديدة
مسلسل لحظة غضب الحلقة 14.. صبا مبارك ترتكب جريمة قتل جديدة

your_code_for_ad_1 في الحلقة 14 من مسلسل لحظة غضب، تعيش الفنانة صبا مبارك «يمنى» حالة من التوتر، إذ تأكدت عائلة محمد فراج «شريف»، أنها من قتلته بعد اكتشاف أحد الصيادين جثته التي تخلصت منها من قبل.  أحداث الحلقة 14 من مسلسل لحظة غضب وشهدت الحلقة 14 من مسلسل لحظة غضب، تعرف محمد شاهين «مصطفى»، على جثة شقيقه «شريف»…

لا يوجد رقم id للصفحةلا يمكنك تنفيذ هذا الأمر