كشفت الفنانة المعتزلة والإعلامية ميار الببلاوي، تفاصيل الحالة الصحية لابنها، الذي يدرس في الفرقة الرابعة في كلية الاقتصاد والعلوم السياسية، وذلك بعد تعرضه لوعكة مرضية شديد كادت أن تمنعه من حضور الامتحان.
وقالت “الببلاوي” في تصريح خاص لـ “أفاق عربية”: “الحمد لله قدر الله وما شاء فعل، هو دلوقتي احسن من الأول بكتير جدًا، وربنا كريم يعني، احنا كنا فين وبقينا فين”.
وأضافت: “والحمد لله هو راح امبارح الامتحان وهيعدي ان شاء الله من المادة، وطبعا مع الحالة الصحية الفظيعة اللي كان فيها وصحابة مسندينه وهو طالع ونازل من اللجنة، وجابوه لحد البيت، وربنا يعلم شكله عامل ازاي”.
تفاصيل أزمة ابن ميار الببلاوي الصحية
من جانبها، كشفت الإعلامية ميار الببلاوي، عن تعرض ابنها لوعكة مرضية شديدة، عبر حسابها الرسمي بموقع التواصل الاجتماعي “فيسبوك”.
وكتبت: “إيه ده، إيه الدنيا دي، الواحد عايش في كوكب، لوحده، ملهوش حد، ولا يفرق مع حد، كله بيقول يلَّا نفسي، ولو ليه مصلحة عندك؛ يعملك نفسه مروحة، ولو مالوش؛ ما يلزموش، دي كلمة ست طيبة لقتني ببكي في المسجد بتاع المقابر، وقالت ليا: دموعك غالية، وفَّريها، الجايات كتير، والله استغربت كلامها، وكأنها تؤهلني للي جاي”.
واستطردت: “النهاردة ابني من الصبح بيموت بين إيدي، بيرجَّع ويتلوَّى من المغص، ودكاترة داخلة، ومحاليل وحقن وأدوية، وبكره الصبح، امتحانه؛ لأنه في بكالوريوس، ودي آخر مادة، طبعًا كده خلاص، مفيش أمل إلا بمعجزة من عند ربنا؛ لأنه رايح والسخونية 40، ألاقي حد حقير كلمني، وبحكيلة أن ابني تعبان وبيموت من المغص وبيصرخ، يطلب الطلب اللي هو عاوزه ويقفل، عاوزه أقول: الله ما يحوج حد لحد، بس بعد الضنى مفيش، وكده حلو قوي”.