أكدت الفنانة المعتزلة والإعلامية ميار الببلاوي، على أن حالة ابنها الصحية سيئة، لدرجة أنه لا يتحمل الأكل والشراب.
وقالت “الببلاوي” في تصريح خاص لـ “أفاق عربية”: “ولا بياكل ولا بيشرب وبقاله يومين بيرجع ودرجة حرارته عالية جدًا، واخد مضاد حيوي وحقن عشان يقدر يمتحن”.
وأضافت: “ربنا ميأذنيش فيه يارب أنا معنديش غيره في الدنيا، وأنا كمان من بعد وفاة ماما بقى عندي هسهس وخوف عليه، ومبقتش بعرف أعمل كنترول على نفسي”.
تفاصيل أزمة ابن ميار الببلاوي الصحية
من جانبها، كشفت الإعلامية ميار الببلاوي، عن تعرض ابنها لوعكة مرضية شديدة، عبر حسابها الرسمي بموقع التواصل الاجتماعي “فيسبوك”.
وكتبت: “إيه ده، إيه الدنيا دي، الواحد عايش في كوكب، لوحده، ملهوش حد، ولا يفرق مع حد، كله بيقول يلَّا نفسي، ولو ليه مصلحة عندك؛ يعملك نفسه مروحة، ولو مالوش؛ ما يلزموش، دي كلمة ست طيبة لقتني ببكي في المسجد بتاع المقابر، وقالت ليا: دموعك غالية، وفَّريها، الجايات كتير، والله استغربت كلامها، وكأنها تؤهلني للي جاي”.
واستطردت: “النهاردة ابني من الصبح بيموت بين إيدي، بيرجَّع ويتلوَّى من المغص، ودكاترة داخلة، ومحاليل وحقن وأدوية، وبكره الصبح، امتحانه؛ لأنه في بكالوريوس، ودي آخر مادة، طبعًا كده خلاص، مفيش أمل إلا بمعجزة من عند ربنا؛ لأنه رايح والسخونية 40، ألاقي حد حقير كلمني، وبحكيلة أن ابني تعبان وبيموت من المغص وبيصرخ، يطلب الطلب اللي هو عاوزه ويقفل، عاوزه أقول: الله ما يحوج حد لحد، بس بعد الضنى مفيش، وكده حلو قوي”.