حرصت الفنانة رحمة حسن، على طمأنه جمهورها ومحبيها، على
حالتها الصحية، بعد تعرضها للعض من كلب شرس في الأسبوع الماضي.
ونشرت رحمة صورة لها من أحدث ظهور، عبر حسابها الرسمي بموقع التواصل الاجتماعي “إنستجرام”، وكتبت: “الصورة دي علشان اطمن الناس اللي سالت عليا انشالله ابقي كويسة واحدة واحدة .انا لسة بكمل الحقن و بغير علي الجرح كل يوم بس الصورة دي علشان تطمن اصحابي و كل الناس الغالين .شكرا جدا .ادعولي اني ابقي احسن حقيقي”.
View this post on Instagram
A post shared by Ru (@realrahmahassan)
رحمة حسن تتعرض للعض من كلب شرس: عضني في منطقة حساسة والجرح بينزف
من جانبها، تعرضت الفنانة رحمة حسن، للعض من كلاب ضخم أثناء نزولها من المنزل لشراء بعض احتياجاتها، ولم تستطع الفرار منه وهاجمها على الفور واستطاع النيل منها، مشيرة إلى أن حالتها الصحية في تدهور بعد العضة.
وكتبت رحمة حسن، عبر حسابها الرسمي بموقع التواصل الاجتماعي “إنستجرام”: “مساء الخير..امبارح الساعة ١١ بليل كنت نازله اجيب حاجه من السوبر ماركت جمب البيت ،وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته ،طبعا حاولت اجري لكن للأسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضة كبيره وغويطه بنابه في منطقه حساسة . صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة ان من امبارح الجرح بينزف دم كتير ،وانا طبعا خايفة ومصدومة”.
وأضافت: “وتعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي .. انا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه ، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح ،وصاحبه مسؤل مسؤليه كامله عنه ويحاسب علي اهمال مسؤليته ، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف”.
واختتمت رحمة حسن: “انا كنت بحب انزل احط اكل ومايه للكلاب والقطط تحت البيت، دلوقتي انا حقيقي مرعوبة اقرب منهم وخايفه جدا..انا اسفه طولت عليكم بس انا بجد مَش عارفه المفرود اعمل ايه عشان محدش تاني يتأذي”.