حمو بيكا: أنا سبت مصر واستقريت في دبي عشان اشتغل |فيديو

حمو بيكا: أنا سبت مصر واستقريت في دبي عشان اشتغل |فيديو

أوضح مطرب المهرجانات حمو بيكا، آخر تطورات أزمته مع نقابة الموسيقيين بعد وقفع عن الغناء، مشيرًا إلى أنه ترك مصر منذ حوالي شهر ويعتزم على الاستقرار في دبي.

وقال بيكا في مداخلة هاتفية ببرنامج “كلام الناس”: “انا سبت مصر واستقريت في دبي عشان اشتغل، وانا بقالي هنا حوالي شهر”.

واستطرد: “انا نفسي اني انزل مصر واشتغل فيها طبعا وهي وحشتني، لكن مش عارف اعمل ده، عشان كده انا قاعد هنا وشغال”.

وأضاف: “انا بعاني مع النقابة بقالي 6 سنين، ومش عارف اي حاجة، وكل شوية وفي مشاكل، انا نفسي المشاكل دي تخلص وصعبان عليا اني قاعد بره مصر”.

 

حمو بيكا: صعبت عليا نفسي لما طيارة امستردام فاتتني عشام مبعرفش اتكلم انجليزي

كما كشف مطرب المهرجانات حمو بيكا، عن موقف محرج اتعرض له أثناء سفره إلى امستردام، وهو الذي دفعه لتوجيه نصائح في منشره الأخير لطلاب الثانوية العامة.
وقال بيكا في مداخلة هاتفية ببرنامج “كلام الناس”: “الكلام الحلو ده من اللي انا شوفته، حصل معايا موقف قبل كده ساعة سفري لامستردام، وعشان انا مش متعلم معرفتش وقتها اطلع من المطار ولا اكلم حد، وفضلت واقف بكلم نفسي”.

وأردف: “لو انا متعلم مكنتش احتاجت لحد ولا كانت الطيارة فاتتني، كان كله بيتكلم بالانجليزي، ومش عارف طبعا ولا اقرى ولا اكتب، وبقيت واقف اكني اطرش واعمى ومش شايف اي حد اكلمه اصلا، وصعبت عليا نفسي أوي”.

واستطرد: “حسيت ان العلام كل حاجة، وانا اه نجحت بس نجاحي من غير علام ولا فارق معايا في اي حاجة”.

 

Print Friendly, PDF & Email