مدحت صالح: عزيز الشافعي بيكسب أي مطرب يشتغل معاه.. وخالد النبوي عشرة عمري

مدحت صالح: عزيز الشافعي بيكسب أي مطرب يشتغل معاه.. وخالد النبوي عشرة عمري

قال الفنان مدحت صالح إن أغنية تتر مسلسل “راجعين يا هوى”، كانت قرفتها حلوة، فهي من كلمات تامر حسين وألحان عزيز الشافعي اللى أعمالهم دايما قريبة من قلوب الناس، وهما ذاكروا حدوتة المسلسل وقدروا يصيغوها في أغنية كويس أوى، جاء ذلك خلال مداخلة هاتفية لبرنامج فن مشكل الذي يذاع علي شعبي اف ام و البرنامج من تقديم ليلي بدران.

و أَضاف: “عزيز الشافعي من الملحنين القليلين اللى بيريح أي مطرب بيشتغل معا، أما خالد النبوي عشرة عمر وصديقى واشتغلنا مع بعض زمان في فيلم “إحنا ولاد النهارده”، وخالد من النجوم اللى بتقدم فكرة تفيد الناس ومواضيعه مميزة”.

مدحت صالح: عزيز الشافعي بيكسب أي مطرب يشتغل معاه.. وخالد النبوي عشرة عمري

وعن مدحت صالح كممثل فقال: “بحس إنى ضيف على زمايلي وحبايبي وأصدقائي فى التمثيل، وبرتاح أكتر لما بحس إن شغلتي الأساسية هى الغناء.
أما أغنية “ما بحبش حد يصيحيني” ليها قصة وهى إنى كنت قاعد مع أصدقاء دراسة ولينا ذكريات مذاكرة مع بعض وكانت أهم حاجة وقتها النوم.. فلما عمرو الشاذلي الملحن بعتهالى هو ومحمد شفيق الموزع وتأليف إيهاب عبد العظيم .. حسيت كأنهم كانوا سامعين إحنا بنرغي فى إيه و الأغنية دمها خفيف وحبينا نرسم الابتسامة لولادنا عشان الارتباك والتوتر فى الامتحانات”.

واختتم قائلا: “الفترة الجاية إن شاء الله هتنزل أغنيات تباعا كل أسبوعين، و دلوقتي بستعد لحفلات الصيف.. عندي حفلة فى مكتبة الإسكندرية فى أغسطس”.

 

Print Friendly, PDF & Email