شيرين تعلق لأول مرة على أزمتها مع بهاء الدين محمد.. ماذا قالت؟

علقت المطربة المصرية شيرين عبدالوهاب لأول مرة على أزمتها الأخيرة مع الشاعر بهاء الدين محمد بسبب أغنية، مبدية تعجبها من حديثه عنها.

وأجابت شيرين عن سؤال إحدى متابعاتها، عبر خاصية "ask" على موقع الفيديوهات والصور "أنستقرام"، بشأن أزمتها مع الشاعر المصري.

وكان الشاعر الغنائي أعلن قبل أيام عن غضبه الشديد عبر موقع التواصل الاجتماعي فيسبوك، بعد إعلان شيرين عبدالوهاب ندمها على غناء أغنيته "متجرحنيش".

وقالت المتابعة للمطربة: "إيش رأيك بكلام بهاء الدين محمد"، وردت شيرين: "والله أنا مش شايفة ليه أي مبرر".

أزمة شيرين عبدالوهاب وبهاء الدين محمد

بدأت الأزمة بين الطرفين عندما أعلنت شيرين عبد الوهاب ندمها على غناء أغنيته "متجرحنيش"، ليعبر الشاعر الغنائي عن غضبه الشديد.

وكتب بهاء الدين، عبر صفحتها الرسمية على موقع "فيسبوك" قبل أيام: "الناس اللي بتبقى غلطانة غلط كبير وعشان قولنالها عيب تشغل وتستخدم لجان تشتم وتغلط وتلعن بأقذر الألفاظ.. الناس دي المفروض مانسلمش عليها طول العمر والواحد يندم على إنه كتبلها ولو سطر واحد.. بس أنا ح أرد بنجاح اللي يستاهلوا النجاح".

وأضاف: "مش متعود أرد على أي حد ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجي عند بعض الأسماء ويحاسب، ويخلي باله، وخاصة لما حد ف كل كارثة يدافع عنها وهتكلم باختصار جدا".

وتابع: "المشهد الأول: أول يوم دخلت شيرين عبدالوهاب مكتبي كانت مع الأستاذ نصر محروس اللي هو صاحب الفضل في تقديمها وبعد دقائق من اللقاء لقينا شيرين بتبكي وسألها نصر بتعيطى ليه ردت علشان أنا قاعده مع الأستاذ بهاء، والمشهد الثاني رشحتها تغني أغنية كتير بنعشق ولولا موافقة نصر احتراما للعشرة اللي بينا ماكانتش هتغنيها لأنها كانت موقوفة من النقابة، والمشهد الثالث لما فوجئت بمدير أعمالها الرجل اللي أنا بأحبه وباحترمه لقيته بيكلمني نيابة عنها ويقولي سمعني الجديد، وده طبعا خطأ لأن اللي بيغني مهما كان اسمه مش المفروض يغلط غلطة زي دي لأن المشهد ده مش لايق على المشهد الأول".

واختتم بهاء: "المشهد الرابع والأخير أغنية ماتجرحنيش أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء".