نجل حميد الشاعري: حلمي بكر عبرة لكل نفسية فاسدة

نجل حميد الشاعري: حلمي بكر عبرة لكل نفسية فاسدة

سلمى فيصل

علق الموزع الموسيقي الشاب نديم الشاعري على الانتقادات المستمرة من الملحن حلمي بكر لوالده الفنان حميد الشاعري، في البرامج التلفزيونية في الآونة الأخيرة.

دافع نجل الشاعري عن والده منتقداً بكر لحديثه المستمر عن والده، كاتباً عبر حسابه على فيس بوك: “أستاذ حلمي لو محتاج مساعدة ماديا أو نفسيا الكابو مش هيتاخر عليك، لكن ما ينفعش كل ما تتزنق تروح برنامج تجيب سيرة حميد الشاعرى اللي للأسف تاريخك ميجيش تمن تاريخه ولا فنيا ولا أخلاقيا.. للأسف حلمي بكر ٣٠ سنة من عمره ما بيعملش حاجة في حياته غير التقليل من الناس ومن الفنانين ومن أعمالهم”.

نرشح لك: نصائح شريهان أبو الحسن وهيدي كرم لتحسين الحياة الزوجية

ووصف نديم، حلمي بكر، بصاحب النفسية الفاسدة في المجال الموسيقي، كاتبا: “اوعى حضرتك تفتكر إنك محطوط في خانة الإنسان المحنك، لا أنت عبرة لكل نفسية فاسدة منتهية الصلاحية فنيا وأخلاقيا. فرق التربية كبير أوي بينك وبين الكابو حتى في الفكر الموسيقي والمعاملة مع الناس.. الكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد. لكن ولاده كبروا ومش هيسمحوا إنك تقطع في أبوهم”.

تابع: “هو حضرتك بجد فاكر إن حميد هو اللي بوظ المزيكا فى مصر؟! المقسوم اللي حضرتك بتتكلم عليه هو اللي واكل بقاله ٣٠ سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن فى الودن”.

واختتم نديم الشاعري تعليقه كاتبا: “حاول يا أستاذ حلمي تكسب الناس عشان الدنيا فانية. متبقاش خسران السيرة الطيبة وكمان الناس”.

يذكر أن الموزع الشاب نديم الشاعري تعاون مع الهضبة عمرو دياب في ألبومه الجديد “كل حياتي”، وذلك من خلال أغنية “ملاك الحسن” ويعد أول تعاون عملي يجمعهما بعد أن جمعت والده حميد الشاعري سنوات عمل طويلة مع الفنان عمرو دياب.