خناقة أحمد فلوكس مع محمد رمضان بعد سخريته من والده: عريان ما دريان
لايف ستايل

خناقة أحمد فلوكس مع محمد رمضان بعد سخريته من والده: عريان ما دريان

جاءت خناقة أحمد فلوكس مع محمد رمضان بعد سخريته من والده الفنان فاروق فلوكس، وذلك بسبب تجسيده دور “صبي الرقاصة” في أحد الأعمال الفنية، وغضب كثيراً منه في الساعات الأخيرة الماضية.

تصريحات محمد رمضان المثيرة للغضب

وقام الفنان محمد رمضان بالتحدث في لقاء له مع الإعلامية نجوى إبراهيم على قناة النهار، قائلاً “في  فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير”.

تطورات خناقة أحمد فلوكس مع محمد رمضان بعد سخريته من والده

ورد عليه الفنان أحمد فلوكس من خلال حسابه الشخصي على موقع التواصل الاجتماعي “فيس بوك”، قائلاً “شوف  يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان”.

وتابع فلوكس قائلاً “نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان”.

واستكمل قائلاً “أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان”.

وأنهي قائلاً “وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار”.

تريند أفاق عربية

To Top