انهارت الإعلامية رضوى الشربيني، بسبب تأثرها بحديث الداعية الإسلامية نيفين مختار، التي قامت باستضافتها في آخر حلقات الموسم السابع من برنامجها هي وبس، الذي يتم عرضه عبر شاشة قناة سي بي سي سفرة.
وطلبت رضوى الشربيني من متابعات البرنامج، بالالتزام على الدعاء دائمًا وفي كل وقت، خصوصًا مع اقتراب شهر رمضان، وقالت باكيةً: اتكلمي مع ربنا وادعي له باللي أنتي عايزاه في الدنيا والآخرة، اتكلمي معاه عن الناس اللي سابتك وسابت حياتك وتوفاها الله، وأد إيه هما وحشينك، وهو هيصبرك ويربط على قلبك، كلميه عن أذية الناس ليكي، قوليله يا رب يرضيك عبدك يؤذيني كدة.
وأضافت رضوى: حاولي تسامحي وتعدي واعرفي إن الدنيا لا هي سودا أوي ولا بيضا أوي، ومش هتفضلي حزينة طول الوقت أو مبسوطة طول الوقت، أو فاشلة أو ناجحة، المهم إنك تفتكري دايما أن يقيني بالله يقيني.
كما قدمت نصيحة للسيدات والفتيات، بعدم التوقف عن العمل أبدًا، قائلة: أنا بشتغل طول الوقت لأن العمل عبادة، وعندي يقين تام إنه لو اتقفل باب فيه أبواب تانية بتتفتح، وشهر رمضان جاي، ادعي ليه يارب افتحلي باب وعشرة وعشرين، وأنا ربنا رضاني في رمضان واستجاب لي، وأنتم ليكم فضل كبير عليا.
اقرأ أيضا
رضوى الشربيني للرجال: لو وحدة شربتك حاجة صفرا روح بلغ عنها
