ذهبت البلوجر آية الزيني إلى مستشفى 6 أكتوبر الجامعي مع صديقها بسبب أنها تعاني من الآلام الشديدة في بطنها، وذلك في تمام الساعة الـ 5:30 فجراً ودخلت الطوارئ، ووجدت الطبيب الذي وجهت له اتهام بالتحرش بها وهو يدعي “ع. ا”، وشرحت له كل ما تعاني منه وطلب من صديقها أن يخرج إلى أن ينتهي من الكشف عليها، واستلقت على السرير وخلال الكشف عليها وضع يده على أجزاء حساسة في جسدها.

البلوجر آية الزيني تتهم طبيب بالتحرش بها

وحررت البلوجر آية الزيني محضر حمل رقم 12300 لسنة 2023 جنح أول 6 أكتوبر، واتهمت فيه طبيب الطوارئ بمستشفى 6 أكتوبر أنه هتك عرضها وتحرش بها بالقوة، وهي من أبرز القضايا التي أثرت على الكثيرين في كافة الأنحاء.

وبدأت القصة بوقوف آية أمام جهات التحقيق وسردت لهم ما حدث من طبيب الطوارئ لها، وقالت “اللي حصل إن إن النهارده الاثنين 2023/11/6 حوالي الساعة 5 الفجر حسيت بألم شديد في بطني فكلمت أختي عشان تيجي تساعدني قالتلي إنها في المنصورة، ومش هتلحق تيجي دلوقتي وقالتلي آخذ مسكن، فأخدت مسكن بس ماجبش نتيجة بس الألم كان بيزيد”.

ما حدث لـ آية الزيني

وقالت آية الزيني “فكلمت صاحبي يوسف عشان هو ساكن في زايد قريب مني وقولتله إني تعبانة وحاسة بألم في بطني، فقالي إن هو هيعدي عليا يأخذني ونروح المستشفى، وفعلا عدى عليا بعربيته وأخدني على مستشفى 6 أكتوبر الجامعي اللي في الحي السابع في أكتوبر، ووصلنا هناك وكانت الساعة حوالي 5:30 الفجر”.

واستطردت قائلة “ودخلنا من باب الطوارئ اللي علي الطريق ولما دخلنا الاستقبال، لاقينا ممرض قاعد على مكتب فشرحتله حالتي وبعدين جه الدكتور اللي اسمه عبد الوهاب وقالي نامي علي السرير فنمت على السرير، وكان لسه فاتح الستارة اللي حوالين السرير وكان يوسف واقف فلاقيت الدكتور بيقول ليوسف مش هينفع تقف هنا واستنى بره”. وتابعت قائلة “فـ يوسف قاله ليه فقاله عشان عايز يسألني أسئلة معينة مينفش يسمعها، وبعدين لاقيت الدكتور سألني عن يوسف إذا كان خطيبي أو جوزي فقولتله لا هو مش جوزي ولا خطيبي، فأنا رحت قلت ليوسف طب خلاص خليك بره لغاية لما أخلص وفعلا يوسف طلع وقف بره قدام باب الطوارئ، وبعدين راح الدكتور قفل علينا الستارة بتاعت السرير، وبدأ يكشف بإيده علي بطني من فوق التيشيرت، وبعدين سألني إن ممكن الألم ده يكون من الزايدة فقلتله أنا عاملة عملية الزائدة من كذا سنة”. وأنهت آية قائلة “لاقيته بيقولي طب وريني كدة وراح رافع التي شيرت بتاعي لحد فوق معدتي، وكانت بطني بس اللي باينه، وبعدين شاف التاتو اللي أنا عملاه مطرح عملية الزايدة، وبدأ يضغط على منطقة التاتو وحاول يحسر ملابسي فقولتله استني انت بتعمل إيه الخياطة آخرها هنا ملكش دعوة بالتاتو”.