رد ناري من مسلم على منتقدي خطوبته بعد انفصاله عن ميكا البغدادي

تعرض مطرب المهرجانات مسلم لحملة شرسة من الانتقادات وذلك بعد إعلان خطوبته بعد شهور قليلة من انفصاله عن زوجته وأم ابنه ميكا البغدادي.

أول تعليق من مسلم بعد خطوبته

وخرج مسلم عن صمته ورد عبر حسابه على موقع تداول الصور والفيديوهات إنستجرام على منتقدي خطوبته قائلاً: "الناس قلبت عليا السوشيال ميديا، معقبًا: ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا".

وتابع مسلم حديثه: "أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللى جو البيت بيدور أيه أو اللى جوه الحياة بيبقى عامل ازاى ومحدش يعرف ده عامل إيه وأنا مش بحب أتكلم عن حياتي وبيتي". 

مسلم عن ميكا البغدادي: لو طلعت أتكلم هبقى مش راجل

واختتم مسلم: أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.

انفصال مسلم وميكا البغدادي

جدير بالذكر أن مطرب المهرجانات مسلم أعلن انفصاله رسميا عن زوجته ووالدة ابنه ميكا البغدادي، في وقت سابق عبر حسابه على موقع تداول الصور والفيديوهات إنستجرام وكتب قائلا: "الحمد لله على كل شيء تم الطلاق رسمي بينى وبين ميكا البغدادى، للأسف مكنتش أحب تكون دى النهاية.. ويعلم الله إنني راعيت الله فيها، وتمسكت ببيتى أكثر من مرة، ولكن الحمد لله على كل شيء.. وإن شاء الله يكون بيننا كل احترام وتقدير، ودة علشان سلامة ابني، كل واحد من النهاردة فحاله، ربنا يكرمها بالأحسن ويكرمنى بالأحسن".

اقرأ أيضا..

 أسرار زيارة نادية مصطفى لحلمي بكر: «كان بيبكي وقاعد في الضلمة»