??????????????? 143 ..
? ? ?? روايـــــــــــــة
✍?{
نلتي مني و أنتصرتي }
?? @storykaligi
??طيف زادت شهقاتها : ولانها اختي ماني قادره انسى ولا قادره اتناسى لكن تصدق أوقات أقول ريماس معها حق بينت حقيقتك بلحظتها لو كنت فعلا تحبني كان سالتني كان تحريت عن الموضوع ، تتذكر وش قلت لي بلحظتها قلت انتهى ومشيت م حاولت حتى انك تسمعني او تعرف وش هي السالفه
عبدالعزيز : ادري انه غلطت لكن
طيف قاطعته : مافي لكن ، يلي صار بين حقيقتك بين انك م تقدر تحب و بين لي انك مو واثق فيني بين أشياء كثيره ي عبدالعزيز
عبدالعزيز : م بين لك انىِ احبك ؟
طيف ابتسمت بسخريه : قولي وش تفهم بالحب انت ؟
عبدالعزيز : م عرفت الحب الا من عرفتك ، ولا عرفت شعور الحب الا وقت اناظر عيونك ، ولا عرفت غصة الحب الا وقت اشوف دموعك
طيف حطت يدها على قلبها وهي تخبطه : انا قلت لك تكفى لا تروح لا تتركني قلت لك والله انا صادقه ي عبدالعزيز لكن انت تركتني ولا كانك تعرفني ،كنت ادري من البدايه انك مو لي لكن م قدرت امنع مشاعري تجاهك م قدرت اتجاهل رجفه قلبي وقت اشوفك ، وقت حبيتك حبيتك انت ي عبدالعزيز ما حبيت منصبك ولا جمالك ولا فلوسك ولا شي حبيت روح عبدالعزيز حبيت عيونه يلي تلمع وهو يسولف .. كملت وهي تبكي : تدري انه حاولت انتحر
ناظرها بصدمه وهمس : وشو ؟
طيف كملت وهي تهز راسها : والله كنت بنتحر وكنت بخسر الدنيا و الاخره عشانك كنت بعصي ربي عشانك بس الحمدلله صحيت ب اخر لحظه وربي صحاني ع صوت الاذان و ادركت بوقتها انك م تستاهل الحب يلي حبيتك إياه ، حبيتك وحبيتك حد الشقى
عبدالعزيز : خلينا نتزوج وننسى الماضي
طيف: نتزوج و ننسى الماضي
كملت وهي تصرخ بوجهه : ومين قالك انه الماضي ينتسى ومين قال أساسا انىِ ابيك و ابي اتزوج ..
وقفت بسرعه لكن وقفها وهو يمسك معصمها ويلفها لعنده : طيف لحظه
طيف نفلت يده بقوه : لا تلمسني فاهم ، كل يلي بقلبي قلته خلاص الحين ما ابي اقولك شي والكلام خلاص
عبدالعزيز : تكفين اسمعيني !
طيف : م ابي اسمعك لانه م يهمني وش بتقول ، تدري ي عبدالعزيز انه الحين فراقك م يهمني تدري ليه ؟ لانك تركتني عشان سمعت كلام الناس تركتني لانك صدقتهم هم وكذبتني انا ، معناه وجودك م عاد يهمني بالحياه
عبدالعزيز : من شوي قلتي انك تحبيني
طيف : ايه احبك و الحين بعد احبك ، اعترف انه انا احبك للمره المليون م اكذب مثل م انت تكذب ، لكن هالحب م ابيه ولا ابي اعيشه لانىِ من حبيتك لقيت الوجع ، يمكن م اقدر انساك بسهوله لكن صدقني راح اتعايش على بعدك و راح اتخطى كل هالوجع بس شويه صبر
عبدالعزيز حس احد يخنقه وهو يسمع كلامها ما توقع انه شايله هذا كله بقلبها حس الوصول لقلبها الحين صعب صعب مسك يدها بقوه رغم محاولات افلاتها : خلينا نبدا من اول وجديد
طيف هزت راسها : معك حق لازم نبدا من اول وجديد واقولك الحين اذا تبي تحميني احميني من نفسك و ابعد عني و عن طريقي ، الحين انا م ابيك و اذا ربي كاتب لنا أيام جديده فهو راح يدبرها ويدبر بداياتها
عبدالعزيز بلع غصته بقهر : يعني !
طيف مسحت دموعها و ابتسمت : انا راح ابدا حياة جديده و راح اشق طريقي لحالي ، يعني اقدر اقولك حان وقت الفراق
عبدالعزيز ناظرها لُبرهه وحس كلمتها كانت مثل الجبل يلي انحطت على قلبه ، اما طيف حست نفسها حُره وتحلق بالسماء .
قلبي وقلبك مثل الجبال م بيتلاقو
خريف وطارو أوراقه واخذو قلبي !
•
أن الله سبحانه قد أخبرك بأنه قريب، واختصر لك الطريق رحمةً بك، فلماذا تذهب إلى البعيد؟
قال تعالى: ﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ ﴾
مرت باقي أيام رمضان بسلام لكل ابطالنا ، كان في هدوء اخر ثلاث أيام من رمضان والكل اغتنمها واستغلها بالعباده و الدعاء ،
قلوب ابطالنا كانت مليانه حزن وهموم لكن ما يأسو من رب العباد وفاضت قلوبهم بالدعاء لعلا دُعائهم صادف ليلة القدر .
في اول أيام عيد الفطر المبارك
المساجد كانت تضُج بالتكبيرات رغم فضاوة الشارع من السيارات والارصفه من البشر ، ولأول مره ع التاريخ يمُر العيد والمساجد خاليه من المصلين
لكن مع هذا كله فرحة العيد م قلت ولا كانت عاديه ، الكل انتظر شروق الشمس عشان يتجهزو ويكشخو ويلبسو ب احسن الملابس .
?? @storykaligi
????????????????? 
