تنهد بشبه راحة لما انتهى من باسل وخبر زواجه الدور على اللي ببيته العنيدة لازم يا...

تنهد بشبه راحة لما انتهى من باسل وخبر زواجه الدور على اللي ببيته العنيدة لازم ياخذ قرارها
ناظر لساعته وتذكر سند وإياس
واخذ جواله ودق على سند..
دقيقه وسمع"الو"
فارس:هلا سند الاخبار!
سند ابتسم:فل الفل.
ابتسم:حلو
سند:والصغير وصلته للبيت بأمان
فارس ضحك:يعطيك العافية بس لا يسمعك تناديه بالصغير
سند ابتسم:الصغير اليوم عطاني درس
فارس بتعجب:درس وشهو؟
سند:علمني ان "أحياناً المواجهة ممكن تكون هي التغاضي والسكوت"
عقد حواجبه فارس بتعجب:ووش مناسبة الحكمة؟
سند ابتسم بسرحان:حكمة بمضمون درس وانا تلميذ نجيب حفظته وفهمته
فارس بعدم فهم:والله اني مو فاهم عليك وينك انت الحين؟
سند:بالمركز
فارس:علمت الشباب باللي اكتشفناه وبخطتنا وراح نبدأ مجرد ما يوصل يوسف سليمان السالم
سند:وراح نكون انا ومجموعتي معكم
فارس:ان شاءالله واحتمال ما نحتاج لكم يكفينا نقبض عليه مجرد دخوله لسعودية
سند:ان شاءالله تأمر على شىء؟
فارس:سلامتك
سند:فمان الله
فارس بهمس:فمان الله وسكر منه
وسرح بالكلمة"فمان الله"
ابتسم بضيق بدون شعور من تذكر الكلمة وقصتها بعد ما عرف عن راكان الباسل وخطبته لتوق راح لها لشقتها وتكلم معها كـ اخر لقاء
ما يذكر كلامه لها لانه وقتها ما كان يبي يتكلم هو بس يبي يسمع صوتها لآخر مره اللي يتذكره زين هي كلمة فمان الله اللي كررها حتى بعد ما طلع من العمارة وحتى بعد ما ركب سيارته وحتى بعد ما ارسل لطلال بهذاك اليوم
كررها لدرجة كتب بيت قصير بدون شعور منه وسجله بملاحظات جواله يعلن نهاية قصته
"فمان الله ياحبٍ وقف ما كمّل المشوار
‏عرفنا مفرق الدربين مايحتاج تكميله"
‏ابتسم لذكرياته الاخيرة معها ونهايتها انتبه لااشاره ووقف من شافها حمرا وناظر لساعه ورجع ناظر لطريق
انتبه لصوت مزعج طالع من السيارة اللي وقفت بجنبه ولف وفتح القزاز وكان راح يتكلم بس سكت او لجم بمعنى اصح من استوعب ان الصوت ما كان الا صوت شيلة وصاحب السيارة يكرر فيها مالفته شىء كثر كلمات الشيلة
ومعناها اللي حس فيها
رمش بصدمه وذهول لدرجة ما انتبه لصاحب السيارة وهو يقفل المسجل ويلف له باستغراب كونه نزل القزاز ويناظره بصدمه
ناظر صاحب السيارة للاشاره اللي صارت خضرا
ولف لفارس وضرب له بوري وفاق فارس من ذهول وصدمته وناظر لصاحب السيارة
ورجع ناظر للإشارة وبدون شعور قال:وش كنت تسمع له؟
صاحب السياره اللي بعمر العشرينيات قال:وش تقول!!
ولف لسيارات اللي تضرب بوري وراه وتصارخ بتحرك
ولف لفارس اللي رفع صوته:وش اللي مشغله!!
صاحب السيارة باستغراب وتعجب:قصدك وش اتسمع له!! اي هذي شيلة فمان الله لـ سعود الصليلي ما تعرفهاااا؟؟؟
ناظره فارس وناظر لسيارات اللي زادت باصوات البوري واصحابها اللي بان عليهم الغضب
ولف لصاحب السيارة:لااا سلام
ومشى بسيارته وهو يكرر كلامه"
فمان الله ..فمان الله لسعود الصليلي!!"
اخذ جواله وشبكه ببلتوث سيارته ودخل اليوتيوب وكتب اسم الشيلة وأشتغلت معه
رفع حاجبه اليمين بإعجاب وذهول من صوت المنشد الهادي وكلمات الشيلة
كانت جميلة شارحه لتفاصيل حب أنتهى بفراق صار يضرب بإصبعه السبابة على المقود باستماع
ورمش بدون شعور من وصل"
عدالات المحبة بالهوا ترجع على الشخصين
وعدالات البلد لابد تحتاج للقاضي..."
كرر فيه لين حفظه
وسكر المسجل من وصل لمفرق بيته
?? @storykaligi ???
??
???
????
?????