فتح عمار الضوء ليجد ملك تبكي فتحدث بقلق : انت كويسة؟؟ ملك : طلقني يا عمار ذهب عمار لي ملك وكان سيتحدث معها ولكنه اشتم تلك الرائحة... ظل عمار ينظر حوله ليجد زجاجة ملقي علي الارض فتحدث بغضب : انت ايه اللي خلاكي تشربي من الزجاج دي ملك بشمزاز :يع...المايه دي طعمها كان مقرف اوي عمار بغضب : دي ماكنتش ماية دي كانت كحول ملك بثمل وهي تضحك : يعني انا دلوقتي عملة دماغ عمار بعصبية : انت لازم تنامي دلوقتي... الصبح نبقي نتكلم.. لانك اكيد مش في وعيك دلوقتي نهضت ملك اتجه ناحيت عمار وكانت علي وشك الحدث لكنها سقطت علي الارض وكان هذا بسبب مفعول الكحول... حملها عمار ووضعها علي السرير و كان سيذهب لتمسكه ملك من يده اغمضت ملك عينها وهي ممسكه بيد عمار وقالت : علي فكرة يا عمار... انت كنت اكتر انسان انا بكره في حياتي بسبب كل اللي حصل... بس لما شفتك بتهتم بكل الناس اللي حوليك وان فيك جانب كويس مقدرتش اكرهك... انا كمان ممكن اكون حبي........... نامت ملك ونظر عمار لها وظل يحدق في وجهه لان ملك كانت تبدو مثل الاطفال وهي نائمة...وبدون وعي قبل عمار جبهة ملك بكل حب.. ابتعد عمار بسرعة عنها عمار في نفسه : انا عملت كده ليه ؟ اه انا مبقيتش قادر افهم نفسي نهض عماره وكان سيذهب ولكن ملك كانت ممسكة بيده... فك عمار يد ليل وذهب الي الشرفة وكان يقف و يذكر زوجته الأولى وحب حياته... كان عمار يشعر باختناق ولم يكن يعلم لما هو منزعج هكذا زوجت عمار ببسمة : عمار حبيبي... انت سرحان في ايه عمار بصدمة : انت موجودة بجد الفتاة : انا علي طول جنبك يا عمار عمار بحزن والدموع في عينه : انا اسفة اني مقدرتش احميكي... كل اللي حصلك ده بسببي الفتاة ببسمة وهي تعانق عمار : لا مش بسببك وبعدين ده حصل وخلاص،،، اشارت الفتاة علي ريم ،،، انت المفروض تركز علي مستقبلك والواقع اللي انت عايش فيه لان الحاضر اهم كتير من الماضي... حاول متخسرهاش.. سلام يا عمار عمار : لأ استني..... نظر عمار ف لم يجد زوجته وعلم انه كان يتخيل هذا لا اكثر... ظل عمار ينظر الي اللا مكان وكان شاردا وظل هكذا لبعض الوقت ثم نهض واتجه الي الأريكة وكان ينظر بتجاه ملك وهو لا يعمل ماالذي يحدث معه ........................ في اليوم التالي . ملك بتعب : اه يا دماغ اللي خلفوني... اه ده املا فين الولا الي اسمه عمار خرج عمار من الحمام ملك وهي ممسكة راسها : عمار مش ممكن الاقي معاك بنادول اخذ عمار الجاكيت دون ان ينظر حتي لي ملك وكانه لم يسمعها ملك في نفسها : استني عندك انت السبب في كل اللي حصلي امبارح وعايز تهرب.. ده علي جثتي ذهبت ملك ناحيت عمار بغضب وقالت بصوت عالي : اقف مكان لا تتحرق عمار بسرحان : ايه.. في ايه... انت كنت بتقولي حاجة ملك وهي تعقد حاجبيها : اه... انت مالك انهاردة كده عمار بعدم فهم : في ايه ملك : مش عارفة بس حاسة ان انت مش انت عمار بسخرية :طب لما انا مش انا.... انا مين دلوقتي ملك ببسمة : ايوا انت كده عمار الرخم.... يا راجل قلقتني عليك عمار : ايه لزمت قلقك عليا بعد الرخم ملك : يا عم بهزر معاك... تصدق انك رخم بجد دلوقتي عمار بغضب : انت عايزني اتخانق معاكي صح ملك ببلاهة : هو مش كده بس خنقتنا بيبقي ليها طعم... تصدق انا اتعودت عليها عمار : يابنتي قولي لو انت مجنونه وانا هعلجك عادي انا جوزك ستر وغطاء عليكي ملك بعيون لامعة : بما انك جوزي ف مراتك عايزة منك حاجة عمار : اه فهمت... قولي انك دخلة علي طمع... عايزة ايه ملك : حد الله بيني وبين الطمع بس انا عايزة علبة شكولاتة زي بتاعت امبارح لان هي كانت حلوة اوي و كلتها و كنت عايزة ادوقها لي نور... شوفت انا طيبة ازاي عمار بسخرية : كلتيها كلها لوحدك وعايزة علبة غرها علشان تدوقي نور... وكده انت مش طماعة ملك بغضب : انا كنت عارفة انك بخيل و مش هتجبهالي عمار بغضب شديد : معاكي حق انا بخيل ومش هجبهالك ذهب عمار وهو غاضب لتوقف صوت ملك ملك ببسمة : سلام يا عمار عمار ببرود : بردوك مش هجبلك الشوكولاته ملك بغضب : تصدق انا حيوانة اني ودعت عيل رخم و بخيل زيك عمار بغضب شديد : ماشي يا ملك صبرك عليا ذهب عمار الي الشركة وجاءت نور للتتحدث مع ملك ملك ببسمة شريرة : اهلا بالي باعتني امبارح نور بخوف : اهدي واعقلي لاني مفيش حيل اجري ملك بخبث : انا عاقلة خالص انت شيفاني بشد في شعري نور بقلق : بصتك دي مش مطمئناني ملك بجدية : خلاص انا هتكلم بجد... نور كان في خاجة كنت عايزة اسالك عليها بس خايفه لا تزعلي نور ببسمة رقيقة : انا مش هزعل منك ابدا انت بالنسبة ليا زي عمار اخويا ملك : بغض النظر عن ده مدح ولا ذم بس انا هدخل في الموضوع علي طول... نور انت كنت متجوزة واحد اسمه ادهم وسابك نور بحزن : ايوه وكنا احنا الاتنين بنحب بعض ملك بحزن : هو فعلا سابك بعد ما استغلك واخد منك الفلوس بتعاتك نور بحزن وعيونها مليئة بالدموع : عمار اللي قالك كده صح...انت عارفة يا ملك... ادهم عمره ابدا ما بص لي الفلوس بتاعتي لاني حولت اساعد ادهم كتير بس هو كان بيرفض كان علي طول بيقولي ان دي فلوسي وانا هو المشاكل اللي هو فيها هتتحل بس لما حب يبعد خلي الموضوع يبان بالطريقة دي... انا مش عارفة ايه اللي خلي ادهم يطلاقني بس انا متاكده انه بيحبني زي ما بحبه ملك بغضب وهي تبكي : وانت ازاي لسه بتحبيه لما سابك في اشد وقت انت كنت محتاجه فيه ومشي هو ميستهلش حبك لانه لو كان بيحبك بجد كان هيقف جنبك مهما كانت الظروف ملك بغضب وهي تبكي : وانت ازاي لسه بتحبيه لما هو سابك في اشد وقت انت كنت محتاجه فيه ومشي هو ميستهلش حبك لانه لو كان بيحبك بجد كان هيقف جنبك مهما كانت الظروف نور ببسمة بشوشة : انا بحبه واللي بيحب بيسامح... انا معرفش هو عمل كده ليه... ممكن يكون عنده في حاجة خليته يعمل كده ملك بحزن : انا اسفة يا نور نور بمزاح : انت معملتيش حاجة غلط علشان تتاسفي عليها وعمار لو شافك بتعيطي كده ممكن يزعل مني ويفتكرني السبب ملك ببسمة : وهو ايه اللي هيخليه يزعل.. ده هيموت ويشوفني بعيط بسبب اللي بعمله فيه نور ببسمة : حرام عليكي ده عمار طيب وابن حلال ملك بصدمة : مين!!؟ عمار جوزي!!! ده طيب من اين ناحية بالظبط نور : علي فكرة عمار بيحبك يا ملك ملك : ملك دي اللي هي انا صح... يا بنتي انت مبتشفيش احنا بنعمل ايه في بعض.. دحنا من كام يوم كنا عملين زي توم وجيري من فترة نظرت نور في الساعة نور ببسمة : تعالي ننزل لان في حد عايز يشوفك ملك : يشوفني انا!! نور :ايوه انت هو في هنا حد غيرك... ويلا بسرعة سحب نور ملك من يدها ونزلت بها لغرفة الجلوس لتجد ملك ولدتها وتجري عليها وتعنقها وتبكي سميرة (ام ملك):مالك يا بنتي بتعيطي ليه ملك ببسمة وهي تمسح دموعها : وحشتني اوي يا سمارة ابعدت سميرة ملك عنها ونظرت لها بقرف : سمارة في عينك.. بت انت لمي نفسك ملك ببسمة : بهزر معاكي يا سوسو.. هو فين بابا مجاش معاكي ليه؟؟ سيمرة ببسمة حنونه : كنا هانجي انا و أبوكي بكرة بس انا مقدرتش استني... علشان وحشتني و وحشني جنانك... وحسيت كان البيت بقي فاضي من غيرك نور بتاثر : اطمني انا كده كده كام يوم و هجنن عمار وارجع اقعد معاكي تاني سميرة بحزن : عمار ده طيب... من بعد ما اتجوزتم وهو علي طول بيجي عندنا وبقعد يطمنا عليكي... انا عايزة اعرف ازاي واحد زي عمار ربنا بليه بي بلوة زيك ملك : طيب انا بلوة دي حاجة ممكن اتقبلهة عادي لكن عمار مين اللي طيب... لان اكيد عمار ده حد تاني مش عمار جوزي سارة : انتم قاعدين بترغو كده ونسيني خلاص... وانت يا ندلة كده متعزمنيش علي فرحك ملك ببسمة :ايه ده... بت يا سارة انتي جيتي امته... نط في حضن اخوك يا فواز سارة بغضب : امشي يا بت... انت افتكرتني دولقتي ملك : انت الحته اللي جوه يابت سارة : لا انا زعلانة منك ملك بسخرية : اتفلقي انا ناقصة وجع دماغ... كفاية عليا عمار اللي لسه لحد دلوقتي مش عارفه هو طيب ازاي سارة ببسمة : اه صح انا سمعت ان عمار ده مز اوي.... وشوفت صور ليه سميرة : بنت... عيب كده ملك : علي فكرة يا سارة عمار فعلا مز وامي ونور بيقوله عليه طيب لو عايزة ممكن تاخدي عادي انا متنزلك عنه سارة وهي تبتلع ريقها بخوف : ....... ملك ببسمة : السكوت علامة الرضي... ايه يا بنتي انت خايفة كده ليه... اطمني عمار مش بيعض... نقرأ الفتحة سارة برعب : احنا شكلنا فعلا هنقراء الفتحة بس هنقراهة عليكي.. تقدري ماتبصيش بس في حد وراكي استدارت ملك لتجد انه عمار وكان ينظرة لها نظرة شيطانية ملك ببسمة : ابن حلال انا كنت لسه بجيب في سرتك بالخير وكنت بقولهم انت طيب وان انت مفيش منك اتنين مش كده يا جماعة اقترب عمار من ملك وهمس في اذنها بنبرة ارعبتها : حسابك تقل معيا اوي ملك الكلب وصدقيني هتشوفي مني وش تاني خالص بس استني عليا شوية تحولت نبرة عمار و ابتسم وذهب وسلم علي سميرة : اهلا يا طنط .. مش كنت تقولي انك جاية انهاردة وانا كنت عديت عليكي وجبتك معيا بدل ما تجي لوحدك ملك في نفسها وهي تنظر لتحول عمار المفاجئ : انا دلوقتي عرفت ليه هم بيقولو عليه طيب... انا كنت فكرة ان انا المخدوعة بس اكتشت انكم كلكم مخدوعين سميرة : ملوس لزوم يا بني انا مش عايزة اتعبك معيا احنا كده كده كنا مشين عمار : مينفعش كده... هو انا لحقت اقعد معاكي سميرة بسعادة : انا متاكدة ان ربنا رزق بنتي بزوج صالح يحميها ويحافظ عليها ملك بصوت واطي : انا عايزة اعرفة انت جايبة ثقتك دي من اين ياريتك كنت سمعتي هو قالي ايه من شوية سميرة : بتقولي حاجة يا ملك ملك ببسمة : عمار معه حق مينفعش هو لسه جي خليكي قعدة شوية جلس الجميع يتحدثون قليلا الي ان جاء احمد احمد : السلام عليكم... انا ممكن اجي في وقت تاني عمار : تعالي اقعد سارة لملك بصوت منخفض :مين الواد المز ده ملك : مش عارفة.. بس اكيد صاحب عمار نظر احد لي سارة وابتسم لا ارديا لانه سمع كلام سارة عمار بغضب لجاسر : مالك يابني ما تقعد قرر جاسر ان يجلس معهم وكان كل تركيزه مع سارة سميرة : احنا لازم نمشي دلوقتي علشان الوقت اتاخر... يلا يا سارة عمار : طب استنوا اوصلكم سميرة : ملوش لزوم نتعبك معنا تحدث احمد بسرعة : استني يا عمار انا هوصلهم انا كده كده ماشي دلوقتي هاخدهم في طريقي سميرة : ربنا يخليكي يا بني احمد وهو ينظر لي سارة : انا تحت امرك 😏 ذهب الجميع ولم يبقي سوي عمار وملك ونور.. كانت نور ستصد الي غرفتها ملك وهي تحاول ان تهرب : استني يا نور انا عيزاكي في حاجة امسكها عمار :انت فكرة نفسك رايحة فين ملك ببسمة :انا!! انا كنت ريحة انام... عايز حاجه يا عمار عمار ببسمة خبيثة : طب كويس انا كمان عايز انام ملك ببسمة : اه صح... انا كنت جعانة وهاكل تقدر تطلع تنام انت وانا لما اخلص هاجي وراك امسكها عمار وحملها وكنت ملك في حالة صدمة وكان يصعد بها للغرفة ملك باحراج : انت بتعمل ايه يا مجنون عمار : ......... ملك : طب خلاص سبتي وانا هطلع معاك لم يرد عليها عمار وصعد بها للغرفة ثم انزلها واغلق الباب ↚ امسك عمار ملك بقوة وحصرها في الحائط عمار بغضب : انت مش هتبطلي تصرفات العيال دي ملك ببلاهة : ليه!! انا عملت ايه!؟ عمار وهو ينظر لها بعيون نارية : و بالنسبة للي انت قولتيه لصحبتك ده كان ايه ملك : قصدك لما قولتلها ان انا متنزل عنك ليها.. كونا بنهزر عادي... انت مكبر الموضوع علي فكرة عمار : انت شايف ان ده هزار،،اقترب منها بغضب،، يعني انا ممكن اعمل اي حاجة وبعدين اقول ده هزار... صح ملك بغضب :انت متضايق ليه... احنا متجوزين بس قدام الناس... لكن في الحقيقة انت متجوزني علشان تقدر تنتقم وانا بالنسبة ليا انت مش جوزي اصلا لان انا مكنتش موافقة علي الجوزاة دي عمار بغضب وهو يقترب منها : خلاص انا هخلي جوازنا ده حقيقة ملك بخوف : انت هتعمل ايه يا عمار... ابعد كده ظل عمار يقترب من ملك التي اغمضة عينها كانت ملك تشعر بالخوف لدرجة ان جسدها باكمله كان يرتعش عندما نظر عمار لي ملك و وجدها هكذا ابتعد عنها وهو يشعر بالغضب وخرج و اقفل باب الغرفة بقوة كبيرة... فتحت ملك عينها و بعد ان غادر عمار وشعرت بالحزن ولم تكن تعرف لماذا تشعر بهذا ............. في إحدى الملاهي الليلية عمار في نفسه بغضب وهو يشرب كاس من الخمر : ملك معاها حق انا اتضايق ليه لما قالت كده وحسيت بحزن... انا مش عارف انا ايه اللي بيجرالي بس انا متأكد ان انا مش مضايق من اللي هي قالته ممكن اكون اضيقت لان انا مش فارق بالنسبه ليها... فتاة الليل ببسمة : اهلا يا قمر ممكن تصب ليا كاس نظر لها عمار بدناوة : اسف مليش في الوا..سخة فتاة ببسمة : ليه... انا همتعك !؟ كان عمار سيصرخ بها ولكن بسبب مفعول الكحول قد رآها ملك... نهض عمار ولم يتكلم وكان عاد الي المنزل ................. ملك بقلق : عمار اتاخر اوي ياتري هو فين دلوقتي ممكن يكون حصل له حاجة.. اكيد لا كانت ملك قلق علي عمار ولا تعلم لماذا تشعر بهذا القدر من القلق ملك في نفسها : انا ليه قلقانة كده... هو ممكن اكون حبيت عمار... لأ اكيد لأ... انا قلقانة لان لو حصل حاجة هكون انا السبب عاد عمار ودخل الغرفه وكان في حالة ثمل ملك بفرحة : انت جيت... الحمد لله ذهب عمار ناحيت ملك و عنقها بقوة.. وكانت ملك مصدومة عمار بثمل : انا مش عارف ده حصل امتي بس انا بحبك يا ملك... ممكن ننسي كل اللي فات ونبدأ من جديد انا وانت اشتمت ملك رائحة الكحول المنبعثة من عمار ملك وهي تبتعد عن عمار : انت مش في وعيك يا عمار عمار بغضب : انا عارف انا حساس بي ايه كويس جدا وعارف ان انا بحبك ملك :......... حمل عمار ملك و وضعها علي السرير واستلقي بجنبها وهو يعانقها تولت ملك بالكامل لي اللون الاحمر وهي تحول ان تتحرك لتبتعد عم عمار : عمار انت بتعمل ايه... ابعد كده عنقها عمار بقوة اكبر وقال بحزن : ارجوكي يا ملك خليكي جانبي... انا مش عايزك اخسرك زي ما خسرت ريم... ارجوكي يا ملك خليكي معيا شعرت ملك بالحزن من كلام عمار وبدات تربت علي راس عمار وقالت : خلاص.. انا معاك و هفضل جنبك على طول نام عمار وهو يحتضن ملك وظلت ملك مستيقظ قليلا تفكر ملك في نفسها : ممكن يكون عمار بيحبني بجد ولا علشان هو سكران... انا ليه قولتله كده...هو ممكن اكون انا كمان حبيت عمار نامت ملك من كثرة التفكير وفي صباح اليوم التالي استيقظ عمار ليجد ملك النائمة في احضانه وهو لا يفهم اي شيء.. حول عمار تذكر ما حدث ليلة امس ولكن كل ما كان يذكره بعد الأحداث المتقاطعة و تذكر عندما قالت له ملك انها ستبقي بجانبه الي الابد وابتسم بتلقائية ونظر لي ملك النائمة و اقترب منها وكان سيقبلها لي تستيقظ و يبتعد عمار بسرعة عمار بتوتر : صباح الخير ملك : من لله يا عمار انا ضهري اتكسر بسبب النومه الهباب بتاعت امبارح انت بعد كده تنام علي الكنبه بتاعتك عمار بغضب : مش معني ان انا سايب لك السرير يبقي انا هنام علي الكنبة علي طول... انا بعد كده هبقي انام علي السرير لو مش عجبك تقدري تنامي ٠ححجح الكنبة،،تابع بخبث وهو يغمز لها،، لو عايزة تنامي جانبي انا معنديش مشكلة في الاول والاخر انت مراتي حبيبتي ملك بصوت واطي : حبك برص عمار : بتقولي ايه!!؟ ملك ببسمة : العب باليه عمار بستغراب : ايه!!!!!؟ ملك بضحك : قلبظ بجنه عمار بغضب ونظر لها نظرة مرعبة : ملك ملك بخوف : في ايه!؟ عمار : العبي باليه ملك ببسمة : انت طلعت حلو وبتعرف تالش... خليك كده علي طول ربت عمار علي راس ملك وقال وهو يبتسم بعفوية : مجنونة ملك : طب ليه الغلط بقي محنا كنا مشين حلو عمار : تصدقي انا بدات احبه ملك : هو ايه ده !!!!!؟ عمار بسخرية : هبالك ملك : متشكرين.. خلينا نقفل كلام لحد كده علشان منخسرش بعض ضحك عمار علي ردود ملك وبدل ملا بسه وذهب للشركة .............. عندما ذهب عمار للشركة و دخل عمار مكتبه وجد احمد جلس مع ادهم... تحول عمار و فقد السيطرة علي نفسه وذهب ناحية ادهم ولكنه بقوة في وجهه عمار بغضب : ايه اللي جاب الحقير ده هنا احمد : اهدي بس يا عمار ادهم عنده كلام مهم لازم تسمعه عمار : انا مش عايز اسمع حاجة منه... اطلب الامن وخليهم يرمو الكلب ده برا ادهم بهدوء : حتي لو الموضوع ده يخص مراتك... ↚ عندما ذهب عمار للشركة و دخل عمار مكتبه وجد احمد جلس مع ادهم... تحول عمار و فقد السيطرة علي نفسه وذهب ناحية ادهم و لكمه بقوة في وجهه عمار بغضب : ايه اللي جاب الحقير ده هنا احمد : اهدي بس يا عمار... ادهم عنده كلام مهم لازم تسمعه عمار : انا مش عايز اسمع حاجة منه... اطلب الامن وخليهم يرمو الكلب ده برا ادهم : حتي لو الموضوع ده يخص مراتك شعر عمار بالغضب ولكن احمد كان يهده واستمع عمار لما كان يريد ادهم ان يقوله وجلسوا يتحدثون ............. ملك وهي تجري علي عصام (ولد ملك) : بابييييييي عانقت ملك عصام و الذي عنقها هو الاخر عصام ببسمة : اعقلي يا بت... انت مش هتكبري ابدا ملك ببسمة : لا... سميرة : وانا يا بت مش هترحبي بيا ولا ايه ملك وهي تعانق سميرة : وانا اقدر يا سوسو ده انت الحته اللي جوه سمرة : وانت كمان وحشتيني.. اه صح هو فين عمار ملك : شوية وهتلاقيه جاي... هو بيظهر فجأة كده من العدم سارة : اهلا يا اونكل... اهلا يا طنط... اتفضلوا نتكلم جوا سميرة و عصام : اهلا يا بنتي ذهب الجميع وجلسوا في غرفة المعيشة عصام ببسمة : انت عملة ايه يا ملك و عملة ايه مع عمار ملك ببسمة : انا تمام يا حج بس بالنسبة لي السوال التاني عايز الصراحة ولا اكذب عصام بقلق : انت ليه بتقولي كده.. عملتي ايه في الراجل تذكرت ملك كل المواقف التي حدثت بينها وبين عمار وتحدثت ببسمة بريئة : هو انا ممكن اعمل حاجة وحشة... انت تعرف عني كده ياحج عصام : هو انا اعرف عنك غير كده... عملتي ايه في الراجل يا اخرت صبري ملك : انتم ظلمني علي فكرة... ده حتي عمار بيحبني حب.. معتقدش ان عمار يقدر يعيش من غيري يوم واحد سارة : عمار... ملك بخوف : هو ورايا ولا ايه سارة : لا ملك وهي تتنهد : الحمد لله سارة بضحك : عمار واقف جنبك نظرت ملك لتجد عمار واقف جنبها وتضحك وهي تقول : مش قلت لكم ان هو بيظهر فجأة عمار ببسمة : السلام عليكم.. اهلا ياعمي عصام هو : اهلا يا ابني عمار : اهلا يا طنط سميرة : اهلا يا بني جلس عمار بجانب ملك وكان قريب جدا منها شعرت ملك بالاحراج وهمست لي عمار : المكان واسع ممكن تبعد شوية عمار ببسمة : انا مقدرتش ابعد عنك ثانية واحدة مش يوم واحد شعرت ملك بالاحراج وتورد خديها عصام ببسمة : انا دلوقتي مطمئن علي بنتي خلي بالك منها يا عمار.. هي ممكن تكون مجنونة شوية بس صدقي هي طيبه جدا وهبلة وبكلمة حلوة تكسبها عمار ببسمة : مش محتاج توقلي يا عمي انا شفت جنونها كله ملك : ما خلاص يا جماعة انا حساسة ان في تنمر جمعي عليا عصام ببسمة : تعالي معيا يا عمار عايز اقولك حاجة عمار : حاضر يا عمي ذهب عمار مع عصام وتحدث معه قليلا ثم عادوا واخذ عصام زوجته وذهب وصعد كلا من عمار وملك وسارة الي غرفهم.. كانت ستتجه ملك ناحيت السرير ولاكن سبقها عمار واستلقي هو علي السرير ملك : انت بتعمل ايه عمار : هنام.. انت شايفة ايه ملك : طب وانا هنام فين عمار ببسمة : انت مراتي ميردنيش انك تنامي علي الكنبة تعالي نامي جنبي ملك : لا انا هنام علي الكنبة اكرم لي عمار : تمام بس يا ريت متجيش تنامي جنبي في الاخر ملك وهي تذهب ناحيت الكنبة : ده مش هيحصل حتي في احلامك استلقت ملك علي الكنبة ولكنها لم تستطيع ان تظل هكذا لي اكثر من خمس دقائق لان الكنبة كانت متحجرة وغير مرحية ملك :عمار... ممكن اسالك سوال عمار : عايزة ايه ملك ببسمة : هو انت زينا كده وبتحس عادي عمار ببسمة سخرية وهو فهم قصدها : الكنبة مريحة صح ملك : انت بتتريقة... معاك حق ما انت نايم علي السرير و سيبني انام علي الكنبة نهض عمار و ذهب عند ملك ملك بتوتر : عايز ايه حملها عمار ثم تحدث : انا مش عايزك تنامي علي الكنبة.. انت اللي اخترتي انك تنامي عليها ذهب عمار ناحيت السرير وهو يحملها و وضعها علي السرير ملك ببسمة : انت هتسبني انام علي السرير وانت هتنام علي الكنبة استلقي عمار علي السرير وتحدث بغضب : تصدقي انا غلطان.. تقدري تروحي وتنامي علي الكنبة وقت ما تحبي ملك ببسمة: انت ليه افوش كده احنا ممكن نوصل لحل وسط عمار : ده اللي هو ازاي وضعت ملك وسادة كبيرة بينهما : ايه رايك.. حل يورضي جميع الاطراف عمار وهو يفكر في ما قاله ادهم له حول عمار انكار كل الكلام الذي قاله ادهم ولاكن لايعلم لماذا يشعر وكان ادهم صادق في كلامه ملك : عمار... عمار انت هنا ملك بصراخ : عمار عمار : في ايه ملك : انت اللي في ايه... انا بقالي ساعة بنادي عليك عمار : عايزة ايه ملك : انت كويس.. لانك شكلك سرحان كده ومش عارفه عمار ببسمة : ليه انت قلقانة عليا !؟ شعرت ملك باحراج : لا انا كنت بسال من باب الفضول عمار : مفيش حاجة.. تصبحي علي خير ملك : وانت من أهله ملك في نفسها : انت مالك كده يا ملك هتضعفي ولا ايه هو الواد مز وكل حاجة بس انت اجمد من كده استيقظ عمار في اليوم التالي ليجد ملك تعانقه عمار ببسمة : الي حط القوانين هو اللي كسرها ظل عمار ينظر لي تلك النائمة وبعد فترة تستيقظ ملك ايضا ملك وهي تبتعد بسرعة : انت بتعمل ايه احنا اتفقنا ان محدش بيجي ناحية التاني عمار بسخرية : ده علي اساس ان انا اللي كنت حضنك وبعدين انا متحركتش من مكاني... بصي كده مين اللي جه عند التاني ملك باحراج :انا اسفة ممكن اكون اتحركت وانا نايمة عمار بخبث : لا انا عايز تعويد ملك : نعاااااام عمار : ايوه انتي اللي عدتي الحدود لازم تستحملي عواقب افعالك ملك بغضب : انت عايز ايه دلوقتي عمار وهو يشير علي خده : بوسة... هنا ملك بصدمة : ........ ↚ عمار وهو يشير علي خده : عايز بوسة... هنا ملك بتوتر : هزارك تقيل اوي علي فكرة كانت ملك ستتركه وتذهب لي يعنقها عمار عمار ببسمة وهو يغمز لها : انا مش بهزر... وهعد لحد تلاتة لو معملتيش كده... هعمل انا حاجة تانية ملك بخجل : بطل الهزار ده يا عمار عمار : واحد ملك بتوتر وهي تحاول ان تتحرك : سبني يا عمار عمار وهو يقترب منها : اتنين ملك : عمار ارجوك بلاش الهزار ده اقترب منها عمار اكثر بنظرة خبيثة : تلا..... لم يكمل كلامه وكانت ملك قد قبلته فعلا. ابتسم عمار و نظر لي ملك التي كانت قد اصبحت مثل الطماطم عمار ببسمة : اول مرة اشوف وحده تتكسف لما تبوس جوزها ملك وهي تتجنب نظرات عمار : ممكن تسبني بقي عمار : مش عارف.. انا عجبني الوضع.. انت ايه رايك دفعت ملك وابتعد عنه وهي تشعر بالخجل : انا بكرهك يا عمار ذهب عمار خلفها وامسك يدها : بس انا بحبك يا ملك ملك بخجل وتحدثت بتوتر : انت انا بتحب.. اصدي انا انت بتحبني عمار بحب : ايوه انا بحبك ومش عارف بدات احبك امتي وعارف ان جوازنا ده مش عن حب وعارف ان انت ممكن تكوني كرهني بس ممكن تدني فرصة ولو لقيتي نفسك مش حبني انا هتقبل ده برده ومش هجبرك علي حاجة ملك :لو وافقت بس محبتكيش وطلبت الطلاق هتطلاقني عمار وهو يبتسم بحب ورجع خصلات شعرها خلف اذنها : زي ما خليتك تتجوزي انا متاكد اني هعرف اخليكي تحبني.. وسواء حبتني او لا مفيش طلاق ملك بسخرية : بس انت لسه قايل ان انا لو محبتكش مش هتجبرني علي حاجة... ودلوقتي بتقول سواء حبيتني او لا مفيش طلاق...ايه التناقض ده.. انت اتجنتت يا عمار عمار بسخرية : اتعلمت منك وبعدين هو في حد ممكن يقعد معاكي ويفضل عاقل ملك : عارف يا عمار... انا لو كنت ممكن احبك بعد اللي انت قولته ده انا مش عايزة اشوف وشك تاني عمار ببسمة : بس انا بحب جنانك ملك ببسمة : لو الموضوع كده .. خلاص هفكر في اللي انت قولته عمار وهو يمسك بعلبة من الشكولاته : ايه رايك دلوقتي ملك ببسمة : خلاص انا موافقة.. هات الشكولاته بقي اعطي عمار الشكولاته لملك وبدات ملك تاكل الشكولاته بسعاده وكان عمار ينظر لها بحب عمار ببسمة : مش هتدني واحدة مدت ملك يدها بقطعة شوكولاتة لي عمار الذي امسك يدها واكل الشكولاته من يدها وشعرت ملك بالحرج... نهض عمار وبداء يبدل ملابسه وذهب الي الشركة.. نهضت ملك ولكنها وجدت هاتف عمار سارة خارج الغرفة : ممكن ادخل ملك : اتفضلي فتحت سارة الباب ودخلت سارة : في ايه.. مش ده موبيل عمار ملك : ايوه.. عمار نسي ياخده سارة : ايه رايك تروحي تدي لعمار في الشركة ملك ببسمة خبيثة : تصدقي فكرة اطب عليه هناك اشوف بيعمل ايه بدلت ملك ملابسها وارتدت فستان ابيض عليه كلماتك بالون الاسود يصل الي الركبة وبنطلون استريتش اسود وارتدت حجاب اسود اظهر ملامه وجهها الرقيق.. ذهبت ملك الي الشركة السكرتيرة : اهلا ممكن اعرف حضرتك عايزة ايه ملك ببسمة : انا عايزة اقابل عمار السكرتيرة : قصدك مستر عمار المدير ملك ببسمة عريضة : ايوه السكرتيرة : طيب ممكن اسم حضرتك علشان اشوف لو عندك معاد ملك بسخرية : انا مش محتاجة معاد..قوليله بس مدام ملك عايزك دخلت السكرتيرة المكتب الخاص بي عمار عمار : في ايه السكرتيرة : في واحده عايزة تقابل حضرتك اسمها مدام ملك لم يخطر ببال عمار انها ملك زوجته : انا معنديش معاد مع وحده اسمها مدام ملك خليها تاخد معاد وتبقي تجي بكره لان انا مش فاضي دلوقتي السكرتيرة : مستر عمار رفض يقابل حد بس ممكن احدد لك معاد بكره لانه مش فاضي دلوقتي ملك : مش فاضي.. ليه هو بيعمل ايه السكرتيرة : انا اسفة بس مستر عمار مشغول لو مش عايزة تحددي معاد ممكن تتفضلي تجهلتها ملك واتجهت ناحيت مكتب عمار واكن اعترضت السكرتيرة طريقها السكرتيرة : انت رايحة فين حضرتك ملك : ممكن تبعدي كده.. وبلاش كلمة حضرتك حضرتك علشان مكسرش الباب علي نفوخ حضرتك السكرتيرة : لا انت اكيد مجنونة.. اطلبوا الامن يخرجوا المجنونة دي برا ملك بنفذ صبر : انا مجنونة.. المجنونة دي تبقي انت سمع عمار اصوات الصراخ خارج مكتبه ولم يستطيع التركيز في العمل وخرج ليراي ما الامر عمار بغضب : السبب الفوضى دي كلها يعتبر..... لم يستطيع عمار ان يكمل كلامه من الصدمة المنظر الذي رآه وكان المظهر كال تالي.. كانت الامن يمسكون بملك التي كانت في يدها بعض الشعر المقطوع والسكرتيرة تبكي علي الارض وشعرها في حالة فوضي ملك وهي تبتسم لعمار : اهلا انت وحشتني فقولت اجي اشوفك.. انا بقالي ساعة بقول للجبال الي مسكني دي ان انا مراتك ومحدش مصدقني.. ممكن تقولهم ان انا مراتك احد افراد الامن : هي المدام تبقي مراتك يا عمار باشا عمار وهو ينظر لها بغضب : سبوها و روحوا شوفوا شغلكم.. اما انت استنيني في المكتب وانا هوريكي يا ملك ملك : طب متزواش نظر لها عمار بنظرة قاتلة جعلت الدم يتصلب في عروقها و تحرك وجلست في مكتب عمار بنتظاره بدون قول كلمة واحدة ذهب عمار ناحيت السكرتيرة وساعدها علي ان تقف نهضت السكرتيرة وكانت قريبة من عمار ملك بصدمة وهي في المكتب : ايه المحن ده بقي عمار لي السكرتيرة : انا متاسف علي اللي حصل تقدري تاخدي باقي اليوم اجازة و انا ها عودك عن كل اللي حصل لم تستطيع ملك ان تظل اكثر من ذالك وذهب ناحيت عمار والسكرتيرة وقالت بغضب : ما تبوسها من بقوها لاني حاسة انه هي لسه خايفة.. واهي بالمرة حاجة تهديها تجاهل عمار ملك وتحدث السكرتيرة : امشي انت دلوقتى ذهبت السكرتيرة واخذ عمار ملك ودخل المكتب وطلب عدم دخول احد ابدا ملك : سبني... هبقي انا والسكرتيرة عمار بغضب : انت ايه اللي جابك هنا ملك بتريقة : جيت علشان اشوف الفيلم الهندي اللي حصل من برا من شواية عمار بنفاذ صبر : شوفتي الفيلم ياختي تقدري تروحي وحسبي معاكي لما ارجع يا ملك الكلب ملك بسخرية : اه صح انت مواصلتهاش ليه حرام كده البنت هتمشي لوحدها وهي في الحالة دي خبط عمار علي المكتب بقوة وشعرت ملك انها سيقضي عليها كان الجو مشحون بين عما وملك ↚ كان الجو مشحون بين عمار وملك.. دخل احمد وهو يشعر ان هناك شرار خارج من عمار و ملك بتجاه بعضهما احمد بتوتر : انا بقول اجي في وقت تاني احسن عمار وهو يذهب ناحيت ملك : لا... كويس ان انت جيت..خليك هنا لاني هامشي انا وملك ملك : وانت مين اللي قالك ان انا هامشي معاك.. انا.... لم ينتظر عمار ان تكمل ملك كلمها وسحبها وذهب احمد بعد فهم : هو ايه اللي حصل دلوقتي ترك عمار ملك وفتح باب السيارة : يلا ادخلي ملك ببسمة سخرية : انا عايزة اعرف انت جايب ثقتك دي من اين.. انا قول ان انا مش هروح معاك عمار :وانا مسمعتش انت قولتي ايه ويلا اركبي لم ترد ملك علي عمار وكانت ستذهب لي يحملها عمار ويضعها في السيارة وصعد عمار الي السيارة و بدأ يقود السيارة بسرعة ملك بخوف : هدي السرعة شوية يا عمار زاد عمار السرعة :........ ملك بخوف هستيري : انا اسفة يا عمار علي كل اللي حصل بس وحيات امك هدي السرعة بداء عمار يهدأ السرعة الي ان توقفت السيارة ونظر عمار لملك التي كانت تضع يدها علي اذنها و مغمضة عينها بقوة وكانت الدموع تنهمر من عينيها بشدة عمار بتوتر وخوف : اهدي يا ملك.. خلاص العربية وقفت.. اهدي يا ملك في ايه لم تستجيب ملك وكانت علي نفس وضعها وتبكي بشدة وجسدها باكمله يرتعش عندما وجدها عمار هكذا عنقها بشكل تلقائي عمار وهو يعانق ملك ويتحدث بتلقائية : خلاص اهدي يا ملك انا معاكي... خلاص محصلش حاجة نامت ملك ونظر لها عمار ولم يكن يعلم ما الذي حدث معها ولماذا تصرفت هكذا.. شعر عمار بخوف علي ملك . __________________ عندما كان احمد في طريقه للمنزل وجد فتاة يضايقها بعض الشباب وكان احمد ذهب لمساعدتها وعندما وصل عندها وجد شابين ملقيان علي الارض تحدثت الفتاة بسخرية وعلي وجهها ببسمة نصر : وحشني جو الاكشن ده بس انتم ضعاف اوي.. يلا اديني اتسليت شوية.. ابقوا تعالو تاني وقت ما تحبو وانا في الانتظار احمد في نفسه وهو ينظر الي تلك الفتاة : دي شكلها مجنونة عندما استدارا الفتاة وجدت احمد ونظر الاثنين لبعد بصدمة وتحدث الاثنان في نفس الوقت : هو انت/ي _________________ تستيقظ ملك وتجد نفسها علي السرير و تشعر بالخوف عندما تتذكر ماحدث في السيارة وكان عمار مستلقي بجنبها وتحدث عمار بقلق : انت كويسة.. انا مش عارف ايه اللي حصل بس انا اسف ملك بيكاء : مش انت السبب.. انا خوفت لما انت زوت السرعة لاني في حادث حصل ليل وانا صغيرة ومن سعتها وانا بخاف اني اركب اي حاجة ممكن تمشي بسرعة عمار بحزن : ممكن تقوليلي ايه اللي حصل بس لو هيداك خلاص تحدث ملك : كنت راكبة الباص بتاع المدرسة ومرة وحدة لاقيت الباص ساق بسرعة كبيرة جدا والأطفال كله كانوا بيصروخو وبعد كده الدنيا ظلمت وبعد فترة لقيت نفسي علي الارض وبفتح عنيا لقيت الباص مقلوب وكان في ناس يخرجوا الاطفال وانا كنت رايحة ناحيتهم لقيت طفل وكان مغطي بالد..ماء انا كنت خايفة جدا بس هو فتح عينه و اول ما لقيت فتح عينه بدات اصرخ واطلب ان اي حد يسعدنا وبعد كده مش فاكرة ايه... وبعد فترة لقيت نفسي في المستشفي وسالت علي الطفل كل الناس بصولي بصدمة وقالوا ان هو تمام بس انا سمعت سعتها حد بيقول انه ما..ت وانا من سعتها مش قادرة انسي شكل الطفل وبخاف وبحصلي زي ما انت ما شوفت لما اركب حاجة بتمشي بسرعة عمار بحزن : انا اسف.. انا مكنتش اعرف.. اكيد الموضوع كان صعب عليكي لانك كنت صغيرة وقتها ملك ببسمة مزيفة والدموع تزل من عينيها : انا بقيت احسن بعد ما حكيت شكرا يا عمار عنقها عمار بقوة وكان يريد ان يخفف من حزنها ولم يكن يعلم ما الذي عليه فعله ______________ عندما استدارا الفتاة وجدت احمد ونظر الاثنين لبعد بصدمة وتحدث الاثنان في نفس الوقت : هو انت/ي اشار احمد علي الاشخاص علي الارض : انت بتعملي ايه هنا... و ازاي عملتي كده سارة ببسمة : عادي.. هما حبو يستظرفو معيا و دي النتيجة احمد بمزاح : انا علي كده اخاف منك بقي سارة : لا اطمن انا مش بازي حد احمد بسخرية وهو ينظر علي الشباب : اه ما انا شايف سارة : طب سلام بقي احمد : ليه انت رايحة فين سارة : انا هروح.. انت ليه بتسال هتواصلني ولا ايه.. انت خايف عليا احمد بمزاح : اه هواصلك بس مش علشان خايف عليكي علشان احذر اي حد من انه يجي جنبك سارة بضحك : تمام ذهبو وعندما وصلت سارة الي المنزل سارة : سلام وشكرا انك وصلتني احمد : استني هو انت مرتبطة سارة وهي تعقد حاجبيها : قصدك ايه احمد : يعني مخطوبة او مقري فتحتك سارة ببسمة : لا.. بس انت بتسال ليه انت ناوي تتقدملي ولا ايه احمد بمزاح : الصراحة انا كنت بفكر لكن بعد اللي شفته بقيت خايف سارة : تمام يا خفيف.. سلام بقي احمد : استني هتكلم بجد سارة : سماعك احمد : بصراحة انا اعجبت بكي لما شوفتك عند عمار سارة : كمل احمد : ممكن نبقي.... سارة : نبقي ايه احمد : ممكن نبقي... سارة بملل : نبقي ايه يا عم ما تخلصني احمد : ممكن نبقي صحاب سارة : انا هعتبر نفسي مسمعتش حاجة علشان انت واحد حقير ومتستهلش اني ارد عليك احمد امسك احمد يد سارة : استني ممكن بس..... لم يستطيع احمد ان يكمل كلامه لان جزمة سارة قد طبعت علي وجهه ثم تركته سارة وذهب وهي تسب و تلعنه _________________ ملك : عارف انا عمري ما قدرت اتكلم علي الحادثة مع حد انت اول واحد اقوله عمار ببسمة : طول ما انت معاكي مش هخلي الموضوع ده يحصل تاني ابدا... وبعدين انت ايه اللي جابك الشركة انهاردة حاول عمار تغير الموضوع من حتي لا تفكر ملك في الحادث ملك ببسمة : انت نسيت الموبيل بتاعك وانا كنت عايزة اجبهولك.. لحد ما شوفت سكرتيرة الغبرة.. انت المفروض ترفد البت دي عمار بضحك : بطلي افتري بقي يعني انت قطعت لها شعرها وبهدلتيها عايزاني ارفدها ملك : هو كده يا انا يا السكرتيرة في البيت ده عمار : انت عبيطة هي السكرتيرة عايشة معنا ملك بضحك : هو كده مليش دعوه عمار ببسمة : طب نامي دلوقتي وبكرة نتكلم في الموضوع ده ملك : تصبح علي خير عمار : وانت من اهله ↚ استيقظ عمار ووجد ملك نائمة بهدوء ونظر لها وتذكر ما حدث بالامس.. نظر عمار لملك بحب وقبلها علي راسها بحنان.. استيقظت ملك ملك : صباح الخير يا عمار عمار بحب : صباح الخير يا ملاكي ملك ببسمة : هو في ايه.. وايه ملاكي دي عمار : في ايه يعني.. هو غلط لما ادلع مراتي حبيبتي ملك ببسمة بسخرية : انت كويس ياعمار عمار بحب : انا ببقي كويس وانا معاكي شعرت ملك بالاحراج : ممكن تبطل علم عمار ان ملك شعرت بالاحراج فابتسم وربت علي راسها وقال بحب : انت لازم تتعودي علي كده بدل عمار ملابس وكان سيخرج ليوقف صوت ملك ملك : عمار عمار : نعم ملك باحراج : مع السلامه.. وخلي بالك من نفسك عمار بمزاح : انت عايزة شكولاتة تاني ولا ايه ملك : لا مش عايزة عمار ببسمة : خلاص متكسفيش وتقوللي انك مش عايزة.. خلاص انا هجبلك شكولاتة معيا ملك بفرح وهي تعانق عمار : بجد... شكرا يا عمار ثم ابتعدت ملك سريعا عن عمار ملك باحراج : انا اسفة بس انا كنت فرحانة قبلها عمار علي جبينها بلطف : اسفة علي ايه انا جوزك عادي ذهب عمار وكانت ملك تقف وتحدث نفسها بي هيام : انا شكلي بحبه ولا ايه _________________ في الشركة احمد وهو يكي لي عمار : بعد ما وصلتها قولتلها ممكن نبقي صحاب عمار : وهي كان ردها ايه احمد : هو ماردتش.. يارتها كانت قالت حاجة عمار : ايوه يعني هي عملت ايه احمد بحزن : انا بعد ما قولتلها كده لقيت الجزمة بتاعتها طبعت في وشي من حيث لا ادري انفجر عمار من الضحك ولم يستطيع ان يتوقف احمد بحزن : يعني انا بحكيلك علشان تضحك.. علي العموم متشكرين بس لما توقع في مشكلة متجيش تقولها لي علشان احلهالك عمار بضحك : يعني البنت محترمة وشخصيتها قوية رايح تقولها ممكن نبقي صحاب..بجد هو انت كنت مستني حاجة غير كده احمد بغضب : انا كنت عايز اتعرف عليها لاني اعجبت بها عمار بسخرية : تقوم قايلها ممكن نبقي صحاب احمد بغضب : يعني اعمل ايه دلوقتي عمار : البنت دي مش زي البنات الشمال الي انت تعرفهم فلو عايز تصلح اللي انت عملته ده رزح وادخل البت من بابه واتقدم لها احمد ب اقتناع : ايوا انت معاك حق انا لازم اعمل كده بس... عمار : بس ايه احمد بحزن : انا لسه صغير علي ان انا اتجوز والكلام ده.. انت فهمني انا لسه العمر قدامي عمار بغضب : صغير مين ده انت داخل عندك 27 سنة.. تصدق هي كان معها حق انت انسان حقير و تافه ويلا اطلع برا علشان انت عصبتني احمد : وهو في حد قالك ان انا عايز اقعد معاك اوي هو بس لولا اكل العيش لاكان زماني قعد باكل فشار في البيت و بتفرج علي التلفزيون عمار : تصدق القاعدة في البيت وانك تاكل فشار و تتفرج علي التلفزيون احسن من الشغل احمد : اكيد طبعا عمار : علشان كده انا قررت اريحك.. تقدر تعتبر نفسك مرفوض من انهاردة وابقي كل فشار براحتك احمد بتوتر : انت صدقت ولا ايه اكيد الشغل احسن.. انا كنت بهزر معاك عمار : انا قولت كده بردو..يلا روح شوف شغلك احمد بصوت واطي : ربنا علي الظالم و المفتري عمار بغضب : انت بتقول حاجة احمد بغضب : مقولتش خرج احمد من المكتب وتابع عمار عمله __________________ في المنزل كانت نور وملك يتحدثون الي انا جائهم صوت امراه وكانت نور تعرف صاحبت هذا الصوت وشعرت بالصدمة المرأة : اهلا يا نور.. اموال هو في عمو عماد وطنط هناء نور بصدمة : ازاي.. انت ازاي ابتسمت المرأه بخبث : مش مهم ازاي المهم ان انا رجعت تاني.. انا موحشتكيش ولا ايه يا نور،، حولت نظرتها لملك ،، اكيد انت ملك مرات عمار و ضورتي ملك بعدم فهم : انت مين ابتسمت المرأة : انا ابقي... قاطع المرأة صوت وقع علبة الشكولاته من عمار الذي نظر لها بمزيج من الحزن والصدمة عمار بحزن :رهف ... انت بس ده حصل ازاي انا شوفتك جرت رهف ناحيت عمار وعانقته وبدات في البكاء : وحشتني اوي ياعمار طول الفترة اللي فاتت انت مكنتش بتفارق خيالي كنت مستنية اليوم اللي نبقي فيه مع بعض تاني عنقها عمار ايضا تحت صدمة ملك وتحدث عمار موجها كلامه لي رهف عمار بحزن : كنت فين طول الفترة اللي فاتت ومرجعتيش ليه انهارت رهف وكانت تبكي بشدة وصرخت : انا مش عايزة افتكر اللي حصل ابد... لا... لا عمار بقلق : اهدي.. انت اكيد تعبانة تعالي علشان ترتاحي ونبقي نتكلم بعد ما ترتاحي شوية اخذ عمار يد رهف وكانو يمشون تحت نظرات ملك.. وقعت رهف علي الارض عمار بخوف : انت كويسة رهف بدموع : رجلي بتوجعني اوي مش قدرة اقف عليها امسك عمار قدم رهف وكان هناك جرح اسفل قدمها ف حملها عمار وبعد ان حملها نظرت لملك ثم ابتسمت بخبث وامسكت في عمار بقوة وكانها تخبر ملك ان عمار ينتمي لها صعد عمار بي رهف لاحدي الغرف ووضعها علي السرير.. وفي الاسفل كانت ملك لا تفهم اي شي مما حدث غير شعورها بالغيرة علي عمار نور بصدمة : ده مستحيل ازاي هي هنا ازاي ملك : هي مين دي وايه اللي بيحصل.. انا مش فاهمة حاجة نور وهي تشعر بالحزن علي ملك : دي رهف.. مرات عمار الأولى وقعت كلمات نور علي ملك كالصاعقة ملك ببسمة هادئة : بجد.. طب دي حاجة كويسة.. لان عمار بيحبها.. اكيد عمار فرحان دلوقتي.. بعد اذنك لاني في حاجة عايزة اقولها لعمار شعرت نور بالصدمة من ردت فعل ملك الغريبة.. صعدت ملك وكانت واقفة امام الغرفة التي بها عمار و رهف ونظرت فوجدت عمار يعانق رهف شعرت ملك بوجع كبير في قلبها ولم تكن تعلم لماذا تشعر بهذا القدر من الالم.. خبتط ملك علي الباب ملك : بعد اذنك انا عايزة عمار علشان اقوله حاجة نهض عمار ليذهب لي ملك ولكن امسكته رهف رهف بخوف : ماتسبنيش يا عمار عمار : شوية وراجع رهف بحزن : منتاخرش يا عمار.. مستنياك __________________ في غرفة عمار وملك عمار بحزن : انا..... ملك ببسمة : استني يا عمار.. انا عرفت كل حاجة ومش جيباك علشان تبرر.. انا عارفة ان انت بتحب رهف وهي كمان بتحبك.. انا مش عايزة اي سوء فهم يحصل بنكم بسببي.. طلقني يا عمار ↚ ملك ببسمة : استني يا عمار.. انا عرفت كل حاجة ومش جيباك علشان تبرر.. انا عارفة ان انت بتحب رهف وهي كمان بتحبك.. انا مش عايزة اي سوء فهم يحصل بنكم بسببي.. طلقني يا عمار عمار بصدمة وهو يعقد حاجبيه : انت بتقول ايه ملك بهدوء : بص يا عمار لاني مليش في جو الدراما ده.. انت بتحب رهف و رهف رجعت فوجدي مش هيعمل حاجة غير المشاكل بنكم وبعدين رهف تعبانة و محتجاك جنبها دلوقتي.. انا مش عايزة افرق بين زوجين بيحبو بعض عمار بغضب : بس انا بحبك و عايزك معيا ملك ببسمة : انت مش بتحبني يا عمار انت ممكن تكون اتعودت علي وجدي في حياتك بس مش اكتر.. مينفعش انسان يحب اتنين وانت ياعمار بتحب رهف تنهد عمار وتحدث بهدوء : تصدقي انك معاكي حق.. انت طالق يا ملك . ملك ببسمة : شكراً يا عمار.. انا كنت عارفة انك هتتفهم الموضوع خرج عمار واغلق الباب بقوة وبدلت ملك ملابسها وكانت ستذهب ولكن اوقفها صوت نور نور : انت رايحة فين ملك : انا هروح اقعد مع ماما كام يوم كده نور بحزن : انا سمعتك انت وعمار.. انت ليه طلباتي من عمار انه يطلاقك عمار بيحبك انت يا ملك ملك : خلاص الكلام في الموضوع ده منتهي انا اتطلاق وخلاص عمر : ماماااااااااااااا جاء طفل و عانق نور ملك ببسمة : هو ده بقي عمر ابنك عمر بكسوف : مين دي يا ماما ملك بلطف : اخيرا شوفتك انا كنت فاكرة ان انا مش هشوفك خالص.. اه صح يا بت يا نور انا قاعدة معاكم بقالي كتير و ماكنتش بشوف عمر نور : لان عمر في مدرسة داخلية و ما بيجيش غير لما بتخلص الامتحنات كانت ملك تتحدث مع سارة وجاء عمار عمار : يلا علشان اوصلك ملك ببسمة : تمام ودعت سارة ملك وذهب ملك مع عمار وصعدو الي السيارة وبداء عمار يقود السيارة و اوصل ملك الي منزلها ونزلت ملك من السيارة ملك ببسمة : شكرا يا عمار ذهب عمار بدون قول اي شيء ودخلت ملك الي المنزل ثم خبتط علي الباب وفتحت لها سميرة سميرة : ملك!! مش كونتي تقولي انك جاية انهاردة.. اه صح هو فين عمار ملك ببسمة : طب نتكلم جوا احسن من الواقفة علي السلم ولا ايه سميرة : ادينا دخلنا... انت عملة ايه و فين عمار ملكه : عمار مش جاي.... سميرة : يعني انت جاية لوحدك ملك بهدوء : عمار مش جاي لان انا وعمار اتطلاقنا سميرة : انت مش هتبطلي حركاتك دي بقي ملك : انا وعمار انطلقنا بجد يا ماما وبعد اذنك بقي لان انا تعبانة وعايزة ارتاح
