رواية الكمين الفصل الثالث عشر 13 بقلم سهيلة سعيد ونور عمر
رواية الكمين الجزء الثالث عشر
رواية الكمين البارت الثالث عشر
رواية الكمين الحلقة الثالثة عشر
عيسى وهو بيقوم : بعدين هقولك ، خليكي زي م انتي
( يمشي عيسى بسرعة ، تبصله نارين ب قلق وعدم فهم ، يلمحها قاسم )
قاسم ل هادي : طيب ارجع انت ولو في اي جديد بلغني
هادي : اوك
( يمشي هادي ، يقرب قاسم ع نارين )
قاسم وهو بيقعد : ايه ي عم هتلففني عليك ??♂️
نارين ب توتر : غصب عني والله ، عيسى اتصل بيا وطبعاً ميعرفش إني كنت عندك ?
قاسم : اخوكي دة بييجي ف اوقات ?
نارين : معلش هنروح من بعض فين
قاسم : ع رأيك ، م انا مش هفلتك من ايدي
( تتخض نارين من جواها )
قاسم : اصل انا الي بيدخل دماغي بتربس عليه ، م بالك بقا بلي دخلت قلبي ?
نارين ب توتر : ههههه ههه ?
( بعد شوية ، نارين ف اوضتها ، تمسك فونها )
نارين : الو
عيسى : طلعتي ؟
نارين : ايوة ، انت مشيت فجأة ليه ؟!
عيسى : الشاب الي كان معاه دة انا قابض عليه قبل كدة
نارين ب خضة : ينهار اسود !!
عيسى : لو كان شافني كنا هنروح ف داهية
نارين : احيه ?
عيسى : الحمدلله إن انا الي شفته الأول
نارين : الحمدلله ??♀️
عيسى : كنت شايفك من فوق قاعدة معاه ، اتكلمته ف ايه ؟
نارين : مش حاجة مهمة ، احنا كدة هنطر نستنى يوم عشان نعرف مكان التسليم
عيسى : للأسف اة ، مفيش معلومات كاملة
نارين : بلغت الأدارة ؟
عيسى : اكيد
نارين : تمام
( يخبط باب اوضة نارين )
نارين : خليك معايا
عيسى : اوك
( تقرب تفتح الباب ، تلاقيه قاسم )
قاسم : مساء الفل
نارين والفون ف ايدها : مساء الخير !
قاسم : انا بصراحة فاضي ف قلت اشوفك ، وراكي حاجة دلوقتي ؟
نارين : لأ
قاسم : طب م تيجي ننزل السويت بتاعي نقعد براحتنا ، عاملك جو تحفة ?
( يتخض عيسى وينتبه للكلام )
نارين : بقولك ايه ي قاسم
قاسم : نعم ؟
نارين : انت قلتهالي قبل كدة ، انا مش سهلة ، ف متتعاملش معايا ع الأساس دة ??♀️
قاسم ب ابتسامة : عندك حق ?
نارين : اتفضل لو سمحت عشان عاوزة انام
قاسم : هتنامي حالاً !
( يبص ف ساعته )
قاسم : دة الساعة تمانية !
نارين : شوية وهصحى
قاسم : ماشي ي عم ، اتقل براحتك ?
نارين : بعد اذنك
( تقفل نارين الباب )
نارين : الو
عيسى : الولا دة ذودها اوي !
نارين : عادي فكك ، انا بعرف اوقفه عند حده
عيسى : لا مهو واضح ، إنه اصلاً يتطاول لدرجة إنه يقولك كدة يبقا انتي مدياله سكة
نارين : م انت فاهم إن لازم اشد وارخي عشان الي احنا فيه ??♀️
عيسى : بس خدي بالك انتي رخيتي بذيادة !
نارين : انا عارفة انا بعمل ايه ي عيسى ، متتعاملش معايا كأني عيلة صغيرة !
عيسى : تمام
( يقفل ف وشها )
نارين ب غيظ : ي حيوان ?
( تتصل بيه تاني )
عيسى : عايزة ايه ؟
نارين : انت بتقفل ف وشي !
عيسى : اة حصل
نارين : خالصة يابا هانت خلاص
عيسى : ايوة وبعدين ؟ هتعملي ايه يعني ؟
نارين : لينا ادارة نتكلم فيها
عيسى : دة إن شفتي وشي هناك اصلاً
نارين : اة م اكيد بعد المهمة الي هتبوظ ب اذن الله بسببك هتترفد
عيسى : لا ي حلوة ، حضرتك الي هتطيري
نارين : اة دة عند امك ?
عيسى ب خضة : ايه !!
نارين ب ارتباك : اااا عند مامتك ?
عيسى : تعرفي انتي لو قدامي كنت ……..
نارين : كنت ايه ي باشا ، هتمد ايدك ع انثى !
عيسى : وهي فين الأنثى ؟
نارين : ههههه صح هي فين الأنثى ، ف شاغل دماغك بيا ليه بقا ?
عيسى : دة عشان متحاسبش عليكي بس ?
نارين : لا ريح بقا ، انا كفيلة بنفسي ، خليك ف حالك وف ست اروى ??♀️
عيسى : تمام ، مترجعيش تعيطي
نارين : لا متخافش ?
عيسى : اقفلي عشان مش فاضيلك
نارين : ليه إن شاء الله
عيسى : عندي ميعاد مع اروى
نارين : ميعاد ليه ؟!
عيسى : خليكي ف حالك ، ياريت متخرجيش من اوضتك ، باي
( يقفل عيسى ، تتغاظ نارين وتقعد ع السرير ، يعدي الوقت ، اروى قاعدة مع عيسى ف مطعم الأوتيل )
عيسى : بلغت بابا بتفاصيل الأرض والمكان وبعتله الصور ، اول م يرد عليا هقولك
اروى : انا متأكدة إنها هتعجبه ?
عيسى : إن شاء الله
اروى : عيسى
عيسى : امممم ؟
اروى : مش ناوي تتجوز ؟
عيسى : عندك عروسة ؟
اروى : اخس عليك ، انت عاوز تفلت مني ?
عيسى : لا خلاص بقا ، مقدرش ?
اروى : ايوة كدة ?
عيسى : في شوية دربكة كدة ف شغلي ، اخلص منها بس وهفكر امشي ف خطوة العيلة دي ف حياتي
اروى ب فضول : انت ليك شغل تاني غير العقارات ؟
عيسى : امممم
اروى : ايه هو ؟
عيسى : تجارة
اروى : ف ايه بالظبط ؟
عيسى : مش ضروري تعرفي
اروى : هتخبي عليا !
عيسى : مطر
اروى ب فهم : ليك فيها ?
عيسى : وليه دة توقعك ؟!
اروى : باينة يعني ??♀️
عيسى : يمكن
اروى : عيسى
عيسى : نعم ؟
اروى : قول ، مش يمكن افيدك
عيسى : مظنش
اروى : جربني
( يتنهد عيسى )
عيسى : اروى انا مبحبش اتكلم ف تفاصيل شغلي مع حد
اروى : يبقا لسة معتبرني غريبة ، اسفة إني ازعجتك ب اسألتي ، مش هتتكرر ?
عيسى وهو بيمسك ايدها : انا مش قصدي ازعلك
اروى : وانا عاوزة اخفف عنك مش اكتر
عيسى : هقولك ف الوقت المناسب
اروى : وانا هستناك تحكي ?
( ف اوضة نارين ، قاعدة مع چاسمين )
جاسمين : هو انا ممكن اقول حاجة ؟
نارين : م انتي عمالة ترغي م الصبح جاية تستأذني دلوقتي !
جاسمين : انتي حبتيه !
نارين ب استغراب : حبيت مين ؟!
جاسمين : عيسى باشا
نارين : انتي هبلة ي بت انتي ، بقولك مش طيقاه ومتغاظة منه ??♀️
جاسمين : مهو عشان حبتيه ، تصرفاته مع اروى دي مضيقاكي
نارين : مفيش الكلام دة ?
جاسمين : وع فكرة وهو كمان ، باين عليكوا اوي ?
نارين ب احراج : متروحي اوضتك ، روحي اتخمدي ، يلاااااااا ?
جاسمين ب ضحك : ماشي قايمة ?
( تقوم چاسمين تمشي ، تفتكر نارين كلامها تبتسم ، تقوم تمسك فونها وتشغل عليه اغاني ، بعد شوية ، عيسى ف اوضته ، لسة هينام يسمع اصوات اغاني ، يستغرب ، يقوم يطلع البلكونة ، يسمعها من اوضة نارين لإنها جنبه ، جوة الأوضة ، واقفة نارين ع السرير بترقص وتغني )
نارين : الليل فارق سكوووووونه والجو بونو بونوووو واخر سلطنة ، وانا وانت ف اللذاذة وبنقضي الأجااااازة حلوين انت وانا ، مادام مفيش مضايقة تبقا الغزالة رايقة ، تبقا الغزالة رايقة وانا وانت لوحدنا ، انا وانت لوحدناااااا
( يبتسم عيسى ع صوتها المندمج ف الأغنية ، يرن فونها ، تمسكه )
نارين وهي بتنهج : الو
عيسى : ايه ي ست مش كدة ، الأوتيل كله صحي !
نارين : ايه دة بجد سامعني ?
عيسى : مصر كلها سمعتك
نارين : هههههه معلشي ?
عيسى : دة انا فكرتك نايمة عشان كدة مكلمتكيش
نارين : انت لسة طالع ؟
عيسى : اة من شوية
اروى : طب م تقولي حصل ايه
عيسى : بكرة بقا فاصل
اروى : ي سيدي متحمسنيش ?
عيسى : طب اطلعي البلكونة انا برة
اروى : اوك باي
الحلقة الرابعة عشر { ١٤ } ?
( تقفل نارين ف ترجع الأغنية تشتغل ، تطفيها وتغني هي )
نارين وهي طالعة البلكونة : انا دايماً ف احتياجك وكل الي ف مزاجك ي سيدي انا هعمله ?
( تغمز ل عيسى ، يبتسم )
نارين : مادام قلبك ف ايدي انا طوع امرك سيدي ، وطريقنا هكمله ?
عيسى : ي رايقة ?
نارين : بعشق عباسط
عيسى : اممممم
نارين : قولي جرا ايه ؟
عيسى : مش حاجة مهمة ، بس لمحت ب شغلنا الشمال
نارين : وكان رد فعلها ايه ؟
عيسى : عندها فضول تعرف وزعلت لما مرضتش اقول
اروى : وبعدين ؟
عيسى : قلتلها هقولها ف وقتها
نارين : وهتقولها ؟
عيسى : بكرة لو سألت تاني هقول ، يمكن تقول هي كمان
نارين : يارب تقول يارب ??♀️
عيسى : إن شاء الله ، وانتي ايه الي مروق مزاجك كدة ؟
نارين : عادي يعني ، كنت زهقانة ?
عيسى : اممممم ، انا هدخل انام احسن فاصل خالص
نارين : ماشي ، تصبح ع خير
عيسى : وانتي بخير
( تاني يوم الصبح ، عيسى ف اوضته بيتكلم ف الفون )
عيسى : ايوة يفندم ، انهاردة بالليل هعرف العنوان ، اة التسليم الفجر ، لا مفيش جديد ، إن شاء الله ، مع السلامة
( يقفل عيسى ، يرن فونه تاني ، يلاقيها اروى )
عيسى : الو
اروى : صباح الخير
عيسى : صباح النور
اروى : صاحي ولا صحيتك ؟
عيسى : لا صاحي من بدري
اروى : اومال منزلتش ليه ، انت كويس ؟
عيسى : مرهق شوية بس
اروى : طب م تنزل اعملك ماساچ
عيسى : طب م تخليه بالليل ، عشان مستني مكالمة مهمة من بابا
اروى : اوك ، خلينا بالليل ?
عيسى : اوك
( تحت ف المطعم ، قاعدة نارين بتاكل ، يقرب عليها قاسم )
قاسم : صباح الفل
نارين وهي بتبصله : صباح الخير
قاسم وهو بيقعد : عاملة ايه ؟
نارين : الحمدلله ، وانت ؟
قاسم : فل ، بقولك ايه ، انهاردة يوم مهم بالنسبالي ، انا عاوز اسهر معاكي
نارين : تمام اوك
قاسم : نطلع برة الأوتيل
نارين ب خضة : برة ليه ؟!
قاسم : في مكان جامد لازم نروحوه
نارين : مكان ايه ؟
قاسم : night club برضو ، بس ميجيش شكة ف الي هنا ?
نارين : طب م الي هنا تمام ، عشان عيسى ?
قاسم : لا معلش شوفيلك حل مع عيسى ، بقولك انهاردة يوم مهم بالنسبالي وهيفرق اوي ف حياتي ، انا عاوز اقضيه معاكي بعيد عن هنا ، اخر مرة جه اخوكي وبوظ السهرة ??♂️
نارين ب قلق : طب هشوف طيب !
قاسم : مفيش هشوف ، هنروح
نارين : مش عارفة بجد ، متتعشمش عشان انا ………
قاسم : نارين انا هزعل بجد ، حاولي
نارين : هحاول ?
( بعد شوية ، نارين بتتكلم ف الفون )
نارين : م اروح يعني هيجرى ايه !
عيسى : اي مكان خارج الأوتيل مع قاسم لأ ي نارين
نارين : تاني طريقتك دي ، قلتلك مليون مرة انا مش ………
عيسى : انتي عارفة إن مش دة قصدي ، انا مش مستصغرك ي نارين ، بالعكس دة عشان انتي كبيرة انا خايف عليكي ، انهاردة يوم مهم بالنسبة ل قاسم واكيد هيبقا عاوزه يوم مميز ومش هيلاقي فرصة اهم ولا الذ منك قدامه ، ف ياريت تفهمي
نارين ب تنهيدة : طيب ي عيسى ، اقوله ايه ؟
عيسى : قوليله قلتيلي خارجة وانا موافقتش
نارين : تمام ، انت فين حالاً ؟
عيسى : ع الشط مستني اروى
نارين : ماشي ، ابقا عرفني عملت ايه
عيسى : اوك ، باي
نارين : باي
( تقفل نارين وتتنهد ب زهق ، بعد شوية ، عيسى واروى بيتمشوا ع الشط )
اروى : هتصدقني لو قلتلك كنت عارفة
عيسى ب استهبال : عرفتي منين ؟!
اروى : حسيت
عيسى : انا اول مرة احكي لحد حاجة زي كدة عن شغلي ، حتى نارين متعرفش لإنها ممكن تفتن
اروى : هو بباك ميعرفش ؟
عيسى : لأ طبعاً دة شغل ل حسابي
اروى : اممممم ، حلو ، ايه المشكلة بقا ?
عيسى : مع الناس الي بتسلم وتستلم ، المواعيد والنظام رايحين ف داهية
اروى : طب اعتبر إن دي اخر بضاعة هتستلمها منهم ، الجاي تبعي
عيسى : ازاي ؟!
اروى : مش انت لوحدك الي عندك اسرار ??♀️
عيسى : قصدك ايه ؟!
اروى : قصدي بما إن ليك فيها ف اظن انا اولى بيك م الغريب ?
عيسى : امممم ، انتي كمان ؟
اروى : اها ، ف ايه رأيك ، تحط ايدك ف ايدي ونكبرها ؟
( يسكته )
عيسى : نكبرها ?
اروى : حلو ?
( نارين ف اوضتها زهقت م القاعدة ، تطلع تقف ف البلكونة ، تلمح اروى وعيسى واقفين ع البحر ، تبصلهم ب انتباه ، يحط عيسى ايده ع خد اروى ويقرب وشه منها ، تتخض نارين )
نارين : لا مش هتعمل كدة ، لأ ?
( يبوسها ، تبصله ب زهول )
نارين ب غيظ : ي بن ال ?
( تدخل جوة وتفضل داخلة طالعة ، تطلع تاني تلاقيهم مشيوا )
نارين : ماشي ي عيسى
( تمسك فونها )
نارين : الو ، ايوة ي قاسم ، استناني انا جاية ?
( بعد شوية ، لبست نارين فستان سواريه مينت جرين توب طويل وليه فاتحة م الجنب من فوق لحد تحت ، تحط هي الميكب وترفع شعرها متطلبش چاسمين ، تلبس صندل ابيض وتمسك فونها )
نارين : الو ، انا خلصت ، طيب نزلالك ، باي
( تقفل نارين ولسة هتخرج م الأوضة تقف ، ترجع تحدف الفون ع السرير وتمشي ، تطلع م الأوتيل تلاقي قاسم مستنيها جنب عربيته ، يبصلها ب اعجاب ويقرب يفتحلها باب العربية ، يركبه ويمشوا )
قاسم ب استغراب : غيرتي رأيك يعني ، عيسى وافق ؟
نارين : مقلتلهوش
قاسم : بتهزري !
نارين : لأ ?
قاسم : ليه طيب ؟!
نارين : عشان هيرفض ، وانا زهقانة وعاوزة اخرج
قاسم : هو م الأخوات الي تخنق ولا ايه ؟
نارين : اوي
قاسم : بس حاسك مش تمام ، انتي كويسة ؟!
( مشهد عيسى واروى عمال يتكرر ف دماغها ، تتنهد ب ضيق )
قاسم : نارين !
نارين : مخنوقة ، عاوزة اغير جو ?
قاسم : اوعدك هترجعي ناسية اي حاجة مضيقاكي
نارين : ياريت
( يمسك ايدها يبوسها ، متهتمش ولا تنتبه اصلاً ، دماغها تايهة ، يعدي الوقت ، عند عيسى ، داخل اوضته بحماس وفرحة ، يمسك فونه ويتصل ، ف اوضة نارين ، عمال يرن فونها ، يستغرب عيسى إنها مبتردش )
عيسى : معقول نامت دلوقتي !
( يقفل ويتصل ب انور )
عيسى : انور باشا ، عرفت مكان التسليم ?
( ف ال night club واقفة نارين بترقص بهمجية وحماس مع قاسم وسمحاله يلمسها ويكون قريب منها ، عند عيسى ، يرن تاني ع فون نارين متردش ، يقفل ويطلع من اوضته ، يقرب ع اوضة نارين ويخبط محدش يرد ، يتصل تاني ، يسمع صوت الفون جوة ، يقلق ، يقفل ويتصل )
اروى : الو
عيسى : اروى معلش عمال اتصل ب نارين مبتردش لا ع الفون ولا ع باب الأوضة وانا قلقان عليها ، في مفتاح تاني للأوضة افتح انا اشوفها
اروى : اة اكيد ، دقتين وهكون عندك بيه
عيسى : اوك شكراً ، باي
( يقفل عيسى ويقف متوتر ، يتصل )
عيسى : ايوة ي چاسمين ، مشفتيش نارين ، من شوية او انهاردة عمتاً ، لأ ، تمام ماشي ، لا مفيش حاجة ، باي
( يقفل عيسى ويقف متوتر ، تقرب عليه اروى )
اروى : المفتاح اهو
( تقرب تفتح الأوضة ويدخله )
عيسى : نارين ، ناريييين !
اروى وهي بتمسك فون نارين : فونها اهو ، شكلها مش هنا ??
عيسى ب استغراب : راحت فين ، مقالتليش إنها خارجة !!
اروى : مش عارفة ??♀️
عيسى : هنزل ادور عليها تحت ?
اروى : وانا هسأل الأمن وهشوف قاسم
عيسى : اوك
( يخرجه م الأوضة وينزل عيسى يدور عليها ف الأوتيل ، تمسك اروى فونها ، ف ال night club ، عمال فون قاسم يرن ع الترابيزة وهو بيرقص مش سامعه ، تقرب اروى ع الأمن الي ع البوابة )
اروى : ناصر
الأمن : ايوة يفندم ؟
اروى : مشفتش الضيفة ؟
الأمن : اة يفندم ، خرجت مع قاسم باشا من شوية
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
