??????????????? 87 ..
? ? ?? روايـــــــــــــة
✍?{
قبل الورق وانتي في بالي قصيدة
وبعد
الورق ضيعت أنا كل الأشعار }
?? @storykaligi
??رفع نفسه رعد من الكرسي و أستعدل في جلسته رفع حاجبه لما فهم كلامه و فهم اساسًا جيته لهنا كان حاس ان فيه رابط بينه وبين عبدالعزيز و الحين
عرف مربط الفرس : ليش ناوي تاخذ وحده من البنات ؟
اومئ له منصور بابتسامه واسعـّه : ابيها من زمان
ميل شفته رعد بلا مبالاه : بس يمكن متزوجه ١٦ سنه اكيد تغيرت حياة اللي تبيها و اختلف حالها و ممكن تزوجت لا تربط مصيرك فيها ولا تحط عندك أمل .
قاله رعد بخوف انه يفكر بـ قوت و لو كان يحبها و عرف بمكانها بيسبب لهم مشاكل مالها نهايـه.
منصور عصب شوي و قال بنبره حاده : مستحيل تاخذ غيري .. لانها تحبني و احبها
ابتسم له رعد بسخريه من حاله وصدق من قال راعي الهوى مفضوحّ مستغرب كيف بالسهوله ذي يعشقون و يحبون ؟
لان يحسها خرافات مافيه حب فيه عادات وتقاليد و اكتمال الديـن فقط : كل غايب له عذر معه لو جيتها وهي متزوجه اكيد لها اسبابها و اعذار طول هالسنين وهي بعيده عنك ظنك بتتذكرك ؟
منصور ببحه و انحفر كلام رعد بقلبه :
كل غايب عذره معه الا هي معاها الدنيا كلهـا و لا افكر أتخلى عنها حتى لو هي متزوجه .. على العموم وافقت تاخذ القضيه و الا اشوف احد غيرك يساعدني فيهـا
رعد وهو حزم أمره وقراره : باخذ القضيه و اربحها باذن الله لكن اللي عليك تصبر علي لين القى نواة مشاري
ابتسم منصور بفرح و هم و انزاح .. عكس رعد اللي يفكر بالبنت اللي يحبها منصور مافيه الا وحده من الثنتين يـا قوت او الاء استبعد استبرق لان مستحيل كائن بشري يحبها لما يعرف اطباعها و حركاتها الخبيثه تصلح في الاستخبارات
ضحك بهدوء على تفكيره و قام بعد ماشاف منصور وقف بيمشي طلعوا مع بعض و توادعوا في الباركينق و اتفقوا على موعد ووقت يقابلون فيه بعض
•
•
في سيـارة سلمان .. من ركبت معه ما نطقت بحرف واحد يقطع الصمت الكئيب اللي عم السياره ناظرها للحظات ثم رجع نظره للطريق : بعد يومين بيسوي عمي حفله لنا
امجاد باستغراب : عمي من
سلمان : علي .
امجاد باستغراب : ماقالي شي غريبه
سلمان : يمكن أنشغل
امجاد ردت بحقد وكره بعد ما راجعت قراراتها : بس حسافه يسوي حفله و بالاخير مو متوفقين مع بعض ، و الصراحه انا ما ابيك ولا اقدر اعيش معاك اكثر بالعربي الفصيح ابيـك تطلقني انت في طريق وانا في طريق
انصدم سلمان : احد ضاربك على راسك ؟
ضحكت امجاد بسخريه : لا بس ضربتين بالرأس توجع وانا انسانه عايفتك اللي يشك و يأذي زوجته على شي مو بيدها و المصيبه انك تعرفني لو ما تعرفني لقيت لك عذر بس انت بالذات مالك عذر !
رمقها بنظره حاده و التفت لطريقه و النار تكويّ قلبه
.
.
باسـل :
يمشي بالطرقات و بـاله باللي صار
قبل ساعه مع امجاد .. خاف و ماينكر انه خاف كل ماتذكر ذيك الليله يحس ببراكين متفجرّه بداخله
.
فـلاش باك
نزل من سيارته ناظر البيت بنوع من الفضول عمه متزوج سنين وما عمرهم قربوا بيته او دخلوه و هذي أوامر من جدهم وآباءهم
في هذه الأثناء :
مشاري بنبره ماكره وعينه على استبرق اللي تضوي من العصبيه والقهر : لو تتمادين اكثر و أسمعك تقولين هالكلام مره ثانيه بسويلك شي مايعلم فيه غير رب العالمين اتقي شـري مثل ما اخذت كليتك ، أبيع شرف اختك بريالين لاول شخص تطيح عيني عليـه بالشارع
اندفعت استبرق و بحده و صوت عـالي : اذبحك بيديني لو فكرت تسوي شي لخواتي الدنيا سايبه عندك سهالات و اللـه ما تمس يدك القذره خواتي والا بتنكسر و تنـذبح هذاني أحذرك !
لمعت عيون مشاري بشر كبير و حقد كل ماله يكبر بداخله تجاه المخلوقات اللي قدامه : قد كلامك يابنت عبدالعزيز ؟
استبرق بقوه مزيفه عكس مشاعرها العاثره و الخايفه : قد كلامي ، مو أنا اللي اسحب كلامي مثل أشباه الرجـال اللي انت تعرفهم عدل .
انصدم مشاري من قوتها و ردها الجريئ أول مره ترد عليه و ترفع نبرتها تجمعت شيطاين الانس و الجن حوله و كل ما جال في راسه فكره مطرزه بالخباثه : اوريـك مثل ما قلت لك أول شخص تشوفه عيني اخليه يلعب بشرفك
بلعت غصتها الاء من شـافت نظراته عليها و الواضح انها المقصوده تقلص قلبها بخوف همست لاستبرق اللي بدت تنهار من خوفها وقلقها على أختها : تأسفي الشرف مو لعبه و هو يقدر يسوي فينا اللي يبيه لا والـي ولا تالي
طلع من عندهم مشاري و ركضت استبرق للمطبخ و لحقتها الاء اللي عقدت حواجبها بعدم فهم .. فتحت الدرج وسحبت منه سكينه و سـاطور مدت الساطور لا الاء و السكينه خبتها تحت بلوزتها
?? @storykaligi
?????????????????