??????????????? 66 ..
? ? ?? روايـــــــــــــة
✍?{
قبل الورق وانتي في بالي قصيدة
وبعد
الورق ضيعت أنا كل الأشعار }
?? @storykaligi
??سعد : ايه خوات قوت حرمة عمك بسام بيكونون فيها
انصدم رعد و حس روحه بتطلع مو ناقصه غير استبرق : جدي تتكلم من جدك
سعد بجديه : ليه قد شفتني امزح معك
دخل يدينه في شعره و طار تفكيره لبعيد كان حاس من البدايه استبرق تبي تستغلّهم مادياً ماقدرت على رزان و تمسكنت عند جده كان متوقع ان مشاري ماذيها بس خابت توقعاته بعد ماعرف نيتها الحقيقيه :
فاتحين بيوتنا لعابرين السبيل ، كيف تعطيهم شقه تعرفهم انت عشان تعطيهم ولا تبي تكرمهم و تاخذ فيهم أجر !
تنهد سعد : هذول يـا رعد بنات مها و اللي مايعرف مها ماعرف الحيـاه
ضحك رعد بالغصب و بسخريه :
شكلي للحين ماعرفت الحياه ، من هي مهـا هذي ؟
سعد بجواب صدمه : زوجة مشاري الاولى اللي توفت بتركيا البنت هذي قدمت لي ولمشاري معروف ما ينسى
و جاء الوقت اللي ارد نص جميلها
سرح رعد بكلامه ورجعت الشكوك و الظنون معقوله مشاري مسوي لهم شي وليش سكتت لما سألتها و تغيرت ملامح وجهها و امتلت نبرة صوتها بالعبرات اكيد مسوي شي ، وتبي تنتقم منـا .
استأذن من جده بعد ما وعده يسوي اللي يبيه قابل امه و خواته سلم عليهم .. ام رعد : وينك رايح من الصباح وانت برا ، أرهقت نفسك
جلس رعد جنب رزان اللي خافت وهي تناظره بنص عين من حالته وهدوءه نوعاً ما
رعد : الله يعين
انتبه لشنطة رزان وسحبها من يدينها وهو يفك الشال اللي عصب فيه راسه
تنهد رعد وصد عنها وبتعب نطق :
الحين الرجال اللي بيجون مين يقلطهم و سلمان للحين ماجاء
هديل : طاح بالعسل سلموا عليه ماراح يجي للغداء هو قالي
رعد : ماشاءالله ومتى قالك ؟
هديل : أمس يقول ماصدقت اتزوج عشان يربطوني ثاني يوم بغداهم
طلع جواله و دق عليه لكن طلع مُغلق : يالليل البزران ماودك تزوجهم
حصه : رزان قومي سوي فحم ببخر البيت ، وانتي ياهديل جيبي القهوه والشاهي وحطيه بصالة الاستقبال الناس بيجون الحين
ناظر رعد سـاعته وكانت 12 الظهر ، اخذ نفس وقام من عندهم
رزان : ماودك تنزل الشال اللي فوق راسـك ؟
رعد : لا عاجبني ، صداع نصفي صابني عسى الله يفك عوقي منكم
طلع رعد .. ودخلوا بعده سلمان وأمجاد .
•
•
الساعه 10:30 مساءاً
واقفين قدام المول ينتظرون السواق
استبرق : قوت كلميه صار له ساعه وهو يقول جاي
قوت بقهر : قفل جواله الحقير
مياسه بتردد : اكلم اخوي يجي ياخذنـا
قوت و استبرق بنفس اللحظه : لا
اتصلت قوت على وحده من المشرفات ما يقارب نص ساعه ورجعت لهم
قوت : ام فارس بتمرنا تاخذنا لأن السواق صار فيه عطل بسيارته ، والمديره كلمتها تأخذنا
هزت راسها استبرق .. مياسه : احس فشله يوديني لبيتي و بعدين يوديكم
قوت : شدعوه عادي
مياسه بقلة حيله وافقت .. دقايق ووصل فـارس
اتصلت المشرفه على قوت و مشوا له لمحت مياسه الجبص اللي بيده وهمست لقوت :
شوفي ايده منكسره ، كيف يسوق اخاف يدعم فينا
قوت بنفس الهمس : ماعندنا غيره
ركبوا بعد ما القوا السلام على ام فارس اللي ابتسمت لاستبرق و لمعت عيونها ، تضايقت استبرق و صدت وهمست : يالليل هذي شفيها لافه علي و تناظرني كذا ، كأنها تدور عروسه لولدها
قرصتها مياسه اللي تنحنحت باحراج ، قوت طاح وجهها وهي تسمع كلام استبرق
كتم ضحكته فارس و كان معطيها الحق بكلامها لان وضعية امه صعبه
لفت ام فارس و اعتدلت بمكانها و قالت : ماعندي الا ولد ومتملك
ناظرت المرآيا الاماميه و تصادمت نظراتهم ببعض
بهتت ملامحها لما شافته نفس النظره و العيّن
رجف قلبها و على طول ابعدت عيونها ونبضات قلبها مرتبكه
مـا كان اقل منها صدمه ، كان بين شك و يقين لين تكلمت قوت : مياسه عطيهم عنوان بيتك
لما نطقت باسمها وقف السيّاره لا شعوري و كأن الحياه رجعت له
خافوا من نظراته المتوجهه لمياسه ، ألا امه ماكانت منتبهة بحكم انها قدام : فارس شفيك وقفت ؟
وعى على صوت امه وحرك و نظره مثبت على الطريق مايبي يطالعها ويرجع له شعُوره القديم .. دس على قـلبك ولا تناظرهـا بتنكسر يا فارس بتكسرك من جديد لا تناظـر !
خرجت شهقه من مياسه اللي ملئ قلبها الضيق و الحزن و الشوق كلها تجمعت بوقت واحد كانت بتقوله نزلني لكنه في اللحظه هذي وقف عند باب بيتها .. ماكان بيتها يبعد عن المول المسافه صغيره و اللي اثار استغراب استبرق انه عرف البيت بدون لا يقولون له شي ، و مياسه تبكي تنهدت ورجعت جسمها لوراء و بداخلها تقول : انشغلي بمشاكلك و اتركي الناس
حرك فارس باقصى سرعه للميتم كانت عروق جسمه بارزه
?? @storykaligi
?????????????????