اسمعوا كلام السيسي: هتلاقوا كل الأسعار نزلت 50 % وأكتر

في 3 أيام بس مقاطعة، أسعار السمك في معظم مدن الساحل نزلت 60% والتجار اضطرت ترمي السمك اللي عندهم بعد ما باظ.. حملة “خليها تعفن” لازم تبقى درس لكل محافظات مصر يطبقوه على كل حاجة سعرها يزيد.

خليها تعفن.. حملة مقاطعة للأسماك انطلقت من محافظة بورسعيد بعد ما سعر الأسماك وصل فيها لأسعار عالية وغير منطقية بالمرة، هيستمروا فيها لمدة أسبوع لغاية الأسعار تنزل وترجع لطبيعتها.
وانتشرت المبادرة وطبقها أهالي 10 محافظات لحد دلوقتي لدرجة إن فيه تجار رموا بضاعتهم لأنها باظت مع توقف حركة الشراء.
وبالفعل بدأ التأثير يظهر، فمثلا في محافظة دمياط نزلت الأسعار للنص
يا سلااام بقى لو عملنا مقاطعات مشابهة على اللحمة والفراخ وأي سلعة تاني يرتفع سعرها بجنون غير مبرر.
وطبعا حد هيقول هنقاطع ايه ولا إيه، هنقولك إن الأسماك بالنسبة لأهالي المدن الساحلية أساسيات بياكلوها 3 أو 4 مرات على الأقل أسبوعيا.
خلينا نقضى على جشع التجار زى معظم محافظات الساحل ما عملت كدا.. لو انت قادر تشترى فى ناس كتير مش قادره تشترى . المقاطعة هى الحل لأزمات كتير ..