??????????????? 57 ..
? ? ?? روايـــــــــــــة
✍?{
قبل الورق وانتي في بالي قصيدة
وبعد
الورق ضيعت أنا كل الأشعار }
?? @storykaligi
??نزلت نظرها على جوالها اللي يهتز بين ايدينها يعلن عن وصول مكالمه لها رفعته و انصدمت و انقلبت ملامح وجها و تزاحمت الافكار السوداويه براسها عضت شفتها وهي تحاول تمنع جسمها من الارتجاف
شك فيها مشعل و بدون مقدمات سحب جوالها ناظر الاسم و زادت الشكوك فتحه و حطه على اذنـه بهدوء
مشاري : كأني ما تكلمت يا امجاد و سويتي اللي براسك تحملي اللي يجيك مني ما راح ارحمك ولا بقول هذي بنت اخوي
سكت مشاري يبي يسمع ردها لكن مشعل قفله اللي كان شاك من البدايه فيه ناظر امجاد بنظرات تلمع شر و هو يهز رجله بتوتر : عمي مشاري وش يهددك فيه ؟
دمعت عينها على طول مالها وجه تقوله اللي صار لو عرف بيذبحها مافيها كلام حتى لو كانت بريئه تعرف تفكير مشعل فيها ، نفس مستوى تفكير عمها نواف تمنت انها تبلع لسانها و تتوقف نبضات قلبها و تموت و تغادر الدنيا بسلام
قرب منها مشعل و رجعت على ورا برعب و دقات قلبها زادت و انفاسها تسارعات حط يده على كتفها و بنبره حانيه اول مره تسمعها من مشعل لان نادر مايكلمها بهالنبره : امجاد اعرف خباثة عمي مشاري حنا العيال وما سلمنا من شره كيف انتي بنت ضعيفه .. اكيد بيستغلك قولي لي
قبل لا يورطك في أعماله و ما اقدر اساعدك وقتها لا تنسين اني اخوك سرك وغطاك مهما كنت قاسي معك بالكلام لكن ببقى احبك و اذبح ولد الحرام اللي يحاول يأذيك .. ما اسمح بشعره منك تتأذى ما اسمح ولو على موتي ما يطولونك
بكت امجاد بقوه لما حست بأن الدنيا قفلت بوجهها .. تمنت تموت ولا تنحط في هالموقف التمست حب و خوف مشعل عليها لكن اللي مخوفها ردة فعله بعد مايعرف وش يسوي فيها
لأن اللي صار حساس جداً هذا شرف مو لعبه ومرعوبه من غضب اخوانها و ابوها ما تقوى على زعلهم بيموتونها اصلاً قبل لا تـزعل بيموتون عارهم
اندفعت عليها الافكار السلبيه السوداء حضنها مشعل و قال : امجاد عمي طلع من عندك وانتي كنتي في سابع نومه كان حاط في بيالتك منوم ؟
شدت على ثوبه و انهارت تبكي زياده ، اخذت وقتها من البكاء تركها مشعل تفضي الي بداخلها لمدة نصف ساعه وهي تشد عليه و تبكي بحضنه
مشعل : خلاص اتعبتي نفسك و عيونك والليله مو اي ليله هذي ليلة العمر
اخذت نفس بعد ما هدأت و قالت بغصه : اي ليلة عمر ! من هددني عمـ.ي و فراشي يشكي للوساده هالبنيه هذي تبكي بشكل يومي مشعل هددني بشي ما اقدر اقولهه لك
رجعت تبكي من جديد و قالت بصوت باكي : هذا عمك مايخـ.اف الله مايخافه و حقييير و نذل
انصدم مشعل وتقطع قلبه عليها طول هالفتره وهي تعاني من مشاري وهم ماحسوا .. مسح دموعها و قال بنبره صارمه و متملكه الغضب اللي يفوق نفسه غضب ينهي مشاري و يحوله من طين لـّرماد ينباع : انطقي وش سـوا والله لأجيب راسه لك واللـه !
قالت له امجاد كل اللي صار معها ، مشعل من كثر الغضب عيونه تحولت حمراء ممزوجه بلون بنفجسي و ملامح وجهه شوي و تنفجر من الحراره اللي سرت فيها و بجسمه اللي ينتفض و كأن صاعقه ضاربته ماتوقع يوصل مشاري للدناءه هذي
•
•
عند معرسنـا :
دخل مع العامله اللي شايله بشته بعد ما بخروه له و هو معه اكياس نزلهم والتفت لرزان اللي واقفه عند الباب قالت بضيق : ما عاد بتنام في هالغرفه ؟
ضحك سلمان : شفيك حسستيني بروح للمريخ
رزان : ماراح تروح للمريخ بتكون في الشقق اللي فوق ، و معك امجاد بتاخذ كل وقتك ياليت رعد اللي مكانك
ابتسم سلمان وهو يفكر في امجاد وده يذبحها ويشرب من دمها بعد ماسمع كلامها ورفضها له لو ماراح لها سوت اللي في رأسها
تصنمت رزان بمكانها لما سمعت صوت رعد وراها : و إذا صرت بمكانه وش بيصير ؟
قالت بهدوء وهي تبعد تاركه له مجال يدخل الغرفه : بنفتك منك اذا تزوجت ما تصير حولنا طول الوقت
انصدموا و بالاخص سلمان .. ناظرها رعد بحده :
ما توقعتك وقحه لهدرجه بس احب اقولك حتى لو تزوجت بتكونين تحت عيني على مدار الـ ٢٤ ساعه حلو !
اخذ نفس و قال : يالله اطلعي وسكري الباب وراك
طلعت رزان وهي مقهوره منه دخلت غرفتها وهي تدعي عليه من اعماق قلبها ، استرخت ملامحها لثواني و هي تتذكر ان استبرق بتكون من الحضور اليوم بزواج اخوهـا ويا فرحتها .
?? @storykaligi
?????????????????