رانيا فريد شوقي تحيي ذكرى وفاة والدها: "اتحرمت من حنيتك"
أحيت الفنانة رانيا فريد شوقي، ذكرى وفاة والدها الفنان الراحل فريد شوقي، الـ 26، من خلال نشر فيديو يجمع أعماله.
وقالت رانيا فريد شوقي عبر منشور من خلال موقع تبادل الفيديوهات والصور إنستجرام: “26 سنة علي رحيلك اتحرمت منك ومن حنيتك ودلعك كنت أميرتك ماكنتش بشيل هم حاجة لأنك كنت سندي وضهري وقوتي مصدر العطاء والسعادة وحصن الأمان”.
وأضافت "ساعات بسأل نفسي لو كنت لسه عايش ياترى أنا كنت همر بكل اللي حصلي في حياتي الإجابة أكيد لا كنت دايما بتتكلم معايا وتقنعني وتنصحني وتحميني حتى من نفسي”.
وتابعت “أموت ولا تزعل مني أنت وحشتني أوي أنا دايما بتكلم معاك حتى لو مش سامعني بس برتاح لما أفضفضلك طب عارف إيه إللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها”.
واختتمت "سنة قاسية أوي عليا يا بابا بحاول أتعايش وأهرب للشغل أنا حقيقي وحيدة من غيركم، مافيش حاجة تعوض الأب والأم يارب قويني وصبرني”.
ورحل وحش الشاشة فريد شوقي عن عالمنا يوم 27 يوليو عام 1998.
-----