- •🔸 شريف مدكور يتحدث عن إصابته بالسرطان
- •🔸 موقف مؤثر في العمرة
- •🔸 إشارة من الله لشريف مدكور
- •🔸 رؤية شريف مدكور للدين
- •🔸 تأثير التنمر على حياة شريف مدكور
- •🔸 لماذا يرفض شريف مدكور الزواج
- •🔸 مفهوم الدين في حياة شريف مدكور
حل الإعلامي شريف مدكور، ضيفًا على برنامج “كلم ربنا”، وتحدث عن أبرز محطاته حياته، بعد أن اكتشف إصابته بالسرطان مصادفة، كذلك تطرق للحديث عن مشكلة “التنمر” الذي عانى منها بشدة طوال مسيرته الإعلامية في تقديم البرامج الاجتماعية والأسرية
شريف مدكور يتحدث عن إصابته بالسرطان
وكشف شريف مدكور خلال استضافته في برنامج “كلم ربنا” على راديو 90 90 تقديم الإعلامي أحمد الخطيب، أنه علم بإصابته بالسرطان مصادفة، رغم ذلك لم يشعر بالحزن، إذ اعتبر أن مرضه رسالة من الله، قائلًا: "اللي زعلّني ووجعني هو الناس اللي بتشتمني وتتنمر عليا وتخوض في شرفي، وبتأذيني وتقول عليا كلام بيجرحني، السرطان موجعنيش لكن التنمر وجعني!"
موقف مؤثر في العمرة
حكى مدكور عن موقف مؤثر واجهه بعد دعائه في الكعبة خلال أدائه لمناسك العمرة، يقول: "مرة رحت العمرة، ودخلت أصلّي في حجر سيدنا إسماعيل في قلب الكعبة، سجدت لربنا سجدة طويلة واشتكيت وقولت له: أرجوك انصفني وخدلي حقي من الناس اللي بتقول عليا شائعات علشان ده بيضايقني، بعدها علطول جالي شخص وقال لي: شريف، أرجوك سامحني. أنا كتير اغتبتك، الراجل ده اعتذر ومشي لكن قعدت أفكر وأقول: هو الراجل ده كان سامعني وأنا بكلّم ربنا في صلاتي، وبطلب منه ينصفني؟، يومها تأكدت إن ربنا سمعني، وإن رسالتي وصلت"
إشارة من الله لشريف مدكور
وأشار إلى أنه دعى الله أمام الكعبة قبل إصابته بالسرطان، وقال:" قعدت قدام الكعبة ولقيت نفسي بقول لربنا: أنا بحبك أوي، وإنت بتحبني، بس أنا عايز منك إشارة إنك بتحبني زي ما بحبك، بعدها بشهرين، جالي خبر السرطان العنيف، لكن اللي حصل فاجأني وهو إني لقيت كل الناس، اللي بيحبوني واللي ما بيحبونيش، متعاطفين معايا وبيدعولي، فافتكرت وقتها كلامي لربنا عند الكعبة، وفهمت إن دي كانت الإشارة اللي طلبتها، وأنا متعود من ربنا دايما بيديني إشارات وعلامات من خلال مواقف"
رؤية شريف مدكور للدين
وتحدث مدكور عن رؤيته للأديان، وموقفه من فكرة تعلم الدين من الكتب والتخصص في في المجال الديني كذلك، فيقول: “أنا شايف إن الدين مش لازم يكون حاجة تدرسها في كُتب أو تكون متخصص فيها، كل واحد لازم يكون شيخ نفسه، أنا بقرأ وبفهم مُراد ربنا، وبستفتي قلبي، لما حد يقول لي (اسألوا أهل الذكر)، بقول له: مين أهل الذكر؟ كل اللي عنده علم في مجاله هو من أهل الذكر”
تأثير التنمر على حياة شريف مدكور
أوضح مدكور أن التنمر أثر بشكل كبير على حياته، وأحزن قلبه لسنوات طويلة، وسرد موقفًا تعرض فيه للتنمر بعد صلاته في أحد المساجد، قائلا: “مرة كنت خارج من صلاة الجمعة، وسمعت شباب بيتنمروا عليا وقالوا لي إنت المفروض تصلّي مع السيدات، الكلام جرحني، ورديت عليهم، لكن بمنتهى الأدب”
لماذا يرفض شريف مدكور الزواج
ولفت مدكور إلى أنه يرفض الزواج لأن 90% من العلاقات تنتهي بالفشل، لأن الطرفين يكونان غير جاهزين للزواج ويفشلون في أن يكونوا أب وأم ناجحين
وأضاف: "أنا قررت إني مش هتجوز ولا أخلّف في الزمن ده، أنا دقيق ومُنظم زيادة، وده بيخلي عشرة الناس معايا صعبة، المجتمع للأسف بيعاني من عشوائية كبيرة في الفن والأغاني وفهم الدين، كل واحد عايز الناس تمشي على مزاجه، عشان كده اخترت إن ميكونش عندي زوجة ولا أولاد، وبعامل الناس بحسن نية وعلاقاتي دايما سوية"
مفهوم الدين في حياة شريف مدكور
تطرق مدكور لرأيه في الدين، قائلا: "الدين عندي هو إنك متأذيش حد، ولا تظلم حد، ولا تجرح حد، ولا تتدخل في شأن حد، ربنا هيحاسب كل إنسان بمفرده ولوحده، وربنا هو الأعلم بحال كل إنسان وافعاله، ونفسي الناس تفهم إن الدين هو إنك تكون نافع ورحيم بغيرك"
وتابع: "أنا بصلّي كل الفروض ومش بسيب فرض، وحريص على قراءة وحفظ القرآن وبحاول أكون إنسان صالح لديني وبلدي، عُمري ما حاولت أأذي حد، بس بصراحة أنا بعاني من التنمر، ومش قادر أسامح أي حد بيتنمّر عليا!"
وأكمل: "ربنا صديقي وحبيبي وبيكلّمني وأكلّمه ووقف معايا ضد المتنمرين وأكرمني في حياتى، وأنا معنديش دعوة شخصية، كل اللي بطلبه من ربنا إنه يحفظ مصر ويجبر بخاطر أهلها وناسها الطيبين يعيشوا في خير وسلام"
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!