صدمت المذيعة داليا فؤاد متابعيها على موقع التواصل الاجتماعي “فيسبوك”، بعدما نشرت رسالة تهدد فيها بعزمها على إنهاء حياتها، موجهة كلمات مؤثرة لوالدتها طالبة منها مسامحتها
داليا فؤاد تهدد بإنهاء حياتها
وكتبت داليا فؤاد في رسالتها لوالدتها: "آسفة إني خليتك تحسي الإحساس ده، أنا متأكدة إنه مؤلم وصعب وبالذات إنك تعبتي معايا. بس الموضوع غصب عني مش قادرة أكمل مش قادرة أعافر ولا أحارب. والحياة محتاجة طاقة وقوة وقدرتي علي إني أكمل خلصت"
وأضافت داليا: "ممكن أكون ضعفت ممكن أكون غلط بس غصب عني. عاوزاكي تدعيلي وتفتكريني بالخير مهما حصل وخلي فؤاد يدعيلي. أنا يمكن اخترت في الأول كل حاجة في حياتي بعند وكبرياء. وحاولت أعافر علشان مخذلكيش وأكون ضهرك. بس تعبت وقوتي خلصت ووصلت لدرجة إني يا إما أكون وحشة بجد وبـ 100 وش علشان الناس تحبني أو أكون أنا وطبيعية"
رسالة داليا فؤاد لوالدتها
وتابعت: "مش ده أهم حاجة الأهم أنتي وفؤاد. بس حاسة إني مابقتش الظهر والسند. هتوحشيني بس اطمني هروح للي خلقني، صدقيني هيكون أحنّ عليا من أي حد، وعارفة إني عملت حاجة غلط بس طمعانة إن ربنا يسامحني. هو رحيم نجاني من محنتي"
واستكملت رسالتها المؤثرة: "تعبت من إني من جوايا منهارة بصرخ بصوت عالي وقدام الناس هادية. تعبت من تمثيلي إني على طول تمام وإني أخبي دموعي وحزني"
واختتمت رسالتها بوصية: "ظهري أتقسم من الحمل والمسؤولية. وصيتي ليكي خلي بالك من نفسك وفؤاد ومريم. والكلاب أمانة. سامحيني. بحبك"
قضية المذيعة داليا فؤاد
وفي نوفمبر 2024، رصدت إدارة مكافحة المخدرات، وجود شبكة لتوزيع المواد المخدرة GHP والمعروفة إعلاميًا بمخدر الاغتصاب على بعض العملاء، وأفادت المعلومات حينها بأن المذيعة داليا فؤاد من بين أفراد الشبكة
وعليه ألقت الأجهزة الأمنية، القبض على داليا فؤاد داخل فيلتها بالتجمع الخامس بمحافظة القاهرة بتهمة الاتجار بالمواد المخدرة
الإفراج عن داليا فؤاد
وبالتفتيش، عثر رجال الأمن، داخل فيلتها على زجاجة لمخدر الـGHB، و10 أقراص من مخدر ليريكا، ومبلغ مالي قدره 200 جنيه، ما أسفر عن القبض عليها بتهمة حيازة المخدرات، ولكن أفرجت عنها الجهات المختصة الشهر الماضي
