أثار فيلم “فاميلي بيزنس” للفنان محمد سعد حالة من الجدل عبر مواقع التواصل بسبب قلة إيراداته منذ بداية العرض حتى الآن، حيث كان الفيلم أول عمل سينمائي كوميدي لمحمد سعد بعد غياب
ماذا قدم محمد سعد في أول عمل كوميدي له بعد سنوات من الغياب
وحرص الناقد عماد يسري على التعليق على أداء محمد سعد في فيلم “فاميلي بيرنس”، معبرًا عن استيائه الشديد منه وتمنى لو يعتزل محمد سعد الفن نهائيًا
وقال عماد يسر لـ “ مصر”: "أنا بصراحة مش هخش فيلم لمحمد سعد، لأني عارف إن فيلمه فاميلي بيزنس فاشل من قبل ما أشوفه، والفيلم محققش إيرادات كويسة علشان محمد سعد موجود رغم إن كان في نجوم كبيرة تانية معاه"
استنساخ فيلم فاميلي بيزنس
وتابع: “مشكلة فيلم فاميلي بيزنس في محمد سعد، والناس بقي عندها مشكلة معاه، يعني نفس اللي بيقدمه بقاله سنوات هو هو اللي بيقدمه دلوقتي، والمشكلة إن الفيلم متاخد من فيلم أجنبي”
فيلم فاميلي بيزنس
وأضاف: “فاميلي بيزنس حالة من الفشل بسبب اللجوء إلى استنساخه من فيلم أجنبي دون الإشارة إليه حتى، كمان الجمهور مبقاش يتقبل من محمد سعد نفس طريقته في الكوميديا، ولو فيلم الدشاش نجح فده علشان محمد سعد كان في حالة تانية خرج برة العباءة القديمة اللي كان بيقدمها”
عماد يسري: أتمنى اعتزال محمد سعد
واختتم: “وأنا بتمنى لمحمد سعد الاعتزال وكفاية كدا عليه، ده الفيلم من أول ما اتعرض لحد دلوقتي محقق 14 مليون بس، ولو داخل عمل درامي زي ما سمعنا هيبقي داخل على فشل جديد، وهو عمره ما نجح في الدراما فكدا المشكلة فيه هو”
الأداء الكوميدي محمد سعد في فاميلي بيزنس
بينما قالت الناقدة ماجدة خير الله لـ “ مصر” عن محمد سعد في فاميلي بيزنس: “محمد سعد مبقاش عارف يقدم كوميديا زي الأول علشان كدا فيلم فاميلي بيزنس محققش إيرادات كويسة في موسم العيد، وكان لازم يفهم من بدري إنه مبقاش قادر يضحك الناس زي زمان”
وأضافت: “الشباب الحاليين بيقدموا كوميديا بشكل أكثر عصرية وعندهم تنوع في الموضوعات إنما هو للأسف مش قادر يفهم إن الزمن اتغير، وبردو الدشاش رغم إنه نجح كإيرادات بس مكنش حلو هو بس علشان مختلف ومكنش في كوميديا والناس حبت تشوفه”
فيلم الدشاش
واستكملت: “محمد سعد كان لازم يعيد تفكير في أسلوبه وفي اللي بيقدمه وهو معملش كدا علشان مش مدرك إن الكوميديا بتختلف من زمن للتاني هو عايش لسه في زمن اللمبي واللي بالي بالك والحاجات دي”
إيرادات فيلم فاميلي بيزنس
جاء فيلم “فاميلي بيزنس” في المركز الرابع بشباك التذاكر بموسم عيد الفطر، وحقق أمس إيرادات بلغت نحو 279 ألفًا و619 جنيهًا، وذلك تزامنًا مع عودته إلى الأدوار الكوميدية بعد غياب استمر لعدة سنوات، ضمن منافسات موسم عيد الفطر 2026
أما عن إجمالي إيرادات الفيلم منذ بداية عرضه حتى الآن، فوصلت الإيرادات لـ 14 مليون جنيه فقط، وهو ما اعتبره البعض رقم ضئيل للغاية مقارنةً بباقي الأفلام الأخرى المنافسة له
قصة فيلم فاميلي بيزنس
وتدور أحداث الفيلم، حول عائلة بسيطة تكافح من أجل العيش عبر تنفيذ سرقات صغيرة، بينما يسعى الأب لتأمين مستقبل أفضل لأبنائه، وبعد واقعة كادت أن تودي به إلى السجن، يقرر الابتعاد عن الجريمة، لكنه يصطدم بواقع صعب لا يمنحهم فرصًا حقيقية
فيلجأ إلى خطة مبتكرة، حيث يتسلل كل فرد من العائلة للعمل بشكل منفصل داخل منزل أسرة ثرية، دون أن يكشفوا صلتهم ببعضهم البعض، ومع تزايد الضغوط والمواقف التي تمزج بين الكوميديا السوداء والتوتر، يهدد حدث مفاجئ بكشف الحقيقة، لتطرح تساؤلات حول إمكانية تحقيق نهاية سعيدة قائمة على الخداع
أبطال فيلم فاميلي بيزنيس
فيلم "فاميلي بيزنس" بطولة محمد سعد وغادة عادل، ويشاركهما البطولة دنيا سامي وهيدي كرم وأحمد الرافعي ومحمود عبدالمغني وأسامة الهادي، وهو من تأليف ورشة 3Bros، وإنتاج محمد رشيدي، وإخراج وائل إحسان
