تحدثت الفنانة صفاء جلال عن تعاونها مع النجمة الكبيرة عبلة كامل في عدة أعمال، وكشفت عن طريقة تعاملها مع الفنانين في كواليس العمل.
وقالت الفنانة صفاء جلال خلال ظهورها على قناة صدى البلد في برنامج أنا وهو وهي: الحاجة عبلة كامل، أنا اشتغلت زمان في هوانم جاردن سيتي، أنا أصلاً من الفانز بتوعها، هي إنسانة هادية جداً ورقيقة، عاملة زي الطنط الحنينة اللي بتدلعك، وأنا بتابعها جداً وبتابع كل شغلها.
وأضافت: الشغل معاها متعة، واشتغلت معاها في مسلسل هيما وكان معانا أحمد رزق، وأنت بتتعامل هتعرف قد إيه هي كريمة وجدعة وقريبة جداً ،الشغل معاها ممتع جدا، وتحس أن فيه نسمة في الاستديو مش نجمة كبيرة، الواحد بيشوف فنانات صغيرين عايشين دور غريب بقولهم يا جماعة النجوم ما بيعملوش كده.
وتابعت: لما ظهرت في إحدى الإعلانات أنا فرحت أوي، وهي أصلاً مش بترد على تليفونات لكن ظهرت طمنت جمهورها قالتلهم: إزيكوا عاملين إيه. ، وهي أصلاً مش بتحب تظهر وأكيد هي مبسوطة من كدة.
