أثارت الإعلامية ياسمين عز، حالة من الجدل بعد تعليقها على الخروج المبكر لنادي الأهلي في بطولة كأس الكونفدرالية وتأهل نادي الزمالك
ياسمين عز تعلق على خسارة الأهلي
وخلال برنامج “كلام الناس” على شاشة MBC مصر، قالت ياسمين عز: "فيه معجزة حصلت مش قادرة أصدقها ولا عايزة أصدقها. عندي حالة إنكار. الأهلي خرج من بطولة أفريقيا والزمالك مكمل. دي ظاهرة محتاجين علماء الفيزياء والكيمياء والأحياء يجتمعوا يقولوا إزاي ده حصل. الزمالك طول عمره بيخرج من دور 64 قبل ما الأتوبيس يوصل الملعب والأهلي ما شاء الله محتكر البلس تسعين وبيكسب أفريقيا كل سنة كأنها دورة رمضانية "
واستكملت قائلة:" لكن الأهلي يخرج والزمالك مكمل ويوصل للنصف نهائي هو ده سبب إن أنا مستفزة النهاردة، بس الزمالك نادٍ مصري وكبير ولازم كلكم تقفوا جنبه وتشجعوه وعايزين الزمالك السنادي يأخذ أي حاجة بدل كل اللي اتاخد منك يا حبيبي"
موعد مباراة الزمالك وشباب بلوزداد
ويستضيف الزمالك نظيره شباب بلوزداد الجزائري في إياب نصف نهائي الكونفدرالية في السادسة مساء غدٍ الجمعة على استاد القاهرة الدولي
وحقق فريق الزمالك فوزًا غاليًا على شباب بلوزداد الجزائري بهدف دون رد في المباراة التي أقيمت بينهما على ستاد نيلسون مانديلا في مباراة ذهاب نصف نهائي كأس الكونفدرالية الأفريقية
