نعى الفنان الفنانة حياة الفهد التي رحلت عن عالمنا، وعلق على صفحة الفيس بوك قائلا: راحت خالتي قماشة راحت مبروكة راحت سبيكة راحت أم هارون راحت حياة الفهد، أول ممثلة أشاهدها في حياتي وأنا طفل في دولة الكويت كنت مع والدي في الشغل وكانو بيصوروا مشهد الأخير في مسلسل ( على الدنيا السلام ) وهما بيجروا هي وسعاد عبد الله ربنا يديها الصحة بيرجعوا تاني المصحة هرباً من عمهم المرحوم الممثل علي المفيدي وشافتني وسلمت عليا وأنا كلي انبهار بعالم الممثلين ولوكيشن التصوير.
وأضاف يمكن ده زرع جوايا حب الفن والتمثيل وقتها وأنا لسه 7 سنين وفاكر وشها وحنيتها وهي تقولي كل زين انت ضعيف ليه زي الصوص الممصوص ضحكت وكان ده شكلي وقتها بحبها قوي وتعبها ربنا يجعله في ميزان حسناتها وخبر رحيلها أثر فيا بشدة.
وأشار "كان عندي أمل ترجع تاني، وتمتعنا تاني شريط كامل من ذكرياتي وحياتي مر قدامي أدوارها محفورة في قلبي، الكوميدية والدرامية كانت شعلة من الفن والموهبة والصدق تستحق لقبها سيدة الشاشة الخليجية، حقيقي لابد من الحداد بالكويت لوفاة حياة الفهد، ممثلة صنعت الكتير وخلقت تاريخ بأعمالها محفور في الوجدان العربي للابد .. بحبك يا أم سوزان كان نفسي أحقق أمنيتي وحلم الطفولة، بالوقوف أمامك لكن ربنا اختارك جمبه، وده الافضل طبعا.. وداعاً حياة الفهد في الجنة ونعيمها نلتقي بإذن الله".
ورحلت عن عالمنا صباح اليوم الثلاثاء، الفنانة الكويتية القديرة حياة الفهد، عن عمر يُناهز 78 عاماً، بعد معاناة مع المرض.
