حدوتة النهاردة: جورجينا طرد من السعودية والواد جونيور بقى أب

أهلاً بكم في أولى حلقات مسلسل “الهبد الفيس بوكي العابر للقارات”، السلسلة اللي بتألفها صفحات السوشيال ميديا وهي قاعدة على القهوة، وبتطلع منها سيناريوهات تفوق خيال هوليوود ونوليوود ومسلسلات رمضان مجتمعة

بطل الحكاية طبعاً هو الدون كريستيانو رونالدو، والضحية المعتادة هي السنيورة جورجينا رودريجيز، والجديد بقى إن الواد جونيور دخل في اللعبة

تعالوا نشوف صفحات الفيسبوك قررت تعمل إيه في عيلة الدون النهاردة

الحلقة الأولى: جورجينا في الشارع. رونالدو يطرد أم العيال من الرياض

المخرج “الفيسبوكي” صحي الصبح قرر إن جورجينا خلاص مبقتش تلزمنا في السعودية. نزل ببوست عليه موسيقى تصويرية حزينة وصورة فوتوشوب لجورجينا وهي شايلة “شنطة هدوم وبوكس ومقصوصة” وواقفة على باب المطار بتبكي

السبب في السيناريو؟ قال لك خانت الدون مع عارض أزياء، وكريستيانو قفش الشات وطردها برة المملكة بعبايتها

طبعاً الحقيقة إن الست قاعدة في قصرها بالرياض بتعمل ماسك دهب وتعد ملايين، والدون بيموت فيها، بس الهبدة لازم تاخد حقها في التفاعل

🔸 المفاجأة الكبرى: كريستيانو جونيور “بابا” والعروسة حامل

الهبد مأثرش بس في الكبار، ده دخل على العيال الصغيرة! الصفحات حبت تعمل حبكة درامية تانية، ونزلت بفيديو عنوانه “صدمة رونالدو في ابنه جونيور”. القصة إيه يا سادة

قال لك الواد اللي عنده 15 سنة صاحبته حامل، وجورجينا هي اللي كانت مخبية على أبوه

وطبعاً جايبين صورة جونيور مع واحدة زميلته في المدرسة ومكتوب عليها “شاهد قبل الحذف”. والجمهور في التعكومات شغال “سبحان الله، تربية الأجانب!”

📚