احتفلت الفنانة وفاء عامر بعيد ميلادها الموافق اليوم 25 مايو على طريقتها الخاصة، مستعينة بعبارة شهيرة للزعيم عادل إمام في أحد أفلامه
ونشرت وفاء صورة لها مرفقة بعبارة "مش أنا عيد ميلادي النهارده؟" عبر إنستجرام وعلقت: "النهاردة مش مجرد عيد ميلادي، النهاردة بداية نسخة جديدة مني سنة كاملة عدت بحلوها ومرها ضحكت فيها من قلبي واتكسرت واتعلمت وقمت تاني"
وفاء عامر: كبرت سنة وذكريات هتفضل جوايا طول العمر
وأضافت وفاء عامر: "كبرت سنة بس كبرت معاها خبرة ونضج وحكايات وناس راحت وناس جت وذكريات هتفضل محفورة جوايا طول العمر"
واختمت وفاء عامر رسالتها: "يا رب السنة الجديدة تبقى أخف على قلبي، مليانة سلام وضحك ونجاحات وحب حقيقي وفرص أكبر وأحلام تتحقق واحدة واحدة"
وفاء عامر عن سبب اختفائها الأخير: كنت براقبهم عشان أجيب حقي
وكانت الفنانة وفاء عامر قد خرجت عن صمتها لتتحدث لأول مرة عن فترة غيابها الأخيرة، مؤكدة أنها لم تختفِ كما اعتقد البعض، بل كانت تتابع كل ما يُنشر عنها
وقالت وفاء عامرعلى هامش لقاء صحفي سابق في حفل توزيع جوائز الإعلامية آمال العمدة والمحاور مفيد فوزيردًا على سؤال حول سبب ابتعادها مؤخرًا: “أنا مختفيتش أنا كنت براقبهم عشان بجيب حقي، أنا بحب أجيب حقي في سكوت، أنا ممكن أقولك كل صفحة قالت إيه، وكل صفحة نشرت وشالت إيه، وكل بوست نزل في حقي، وبشكر كل زمايلي وكل وزارات مصر عشان كلهم وقفوا جنبي”
وعن الدروس المستفادة من الأزمة، أكدت عامر ثباتها على مواقفها دون تغيير، قائلة: “أنا مش هتغير أنا هفضل زي ما أنا عشان أنا معملتش حاجة غلط، لو أنا طلعت بتغيير جديد من اللي حصل يبقى دا معناه إن أنا أكيد أخطأت في حاجة معينة لكن أنا معملتش حاجة غلط”
وفيما يتعلق بمشاريعها الفنية المقبلة، أوضحت وفاء أنها تستعد لعدد من الأعمال في الفترة المقبلة، مؤكدة: “بحضر حاجه واتنين وتلاتة وخمسة وعشرة كمان”
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!