الحاجة دي رجعت من الحج تكدب علي الناس وتشهر بوزارة الداخلية: إخص
ده المنشور
السلام عليكمانا بكتب ال post دا بعد ما ترددت لاني مكنتش عايزه اقول اني حجيت السنة دي بس اللي حصل ف حج قرعة الداخلية ٢٠٢٧ ابشع من ان واحد يقدم تفضيلاته الشخصيةحج قرعة الداخلية هو اقل مستوى حج، اقل مستوى بس انت بتدفع فيه رقم ممكن تقعد تحوش له سنينفندق مكة قريب من الحرم، البعثة الطبية من افشل ما يمكن. جايبين طقم تمريض، واحدة مسنة تشتكي لهم ان ضغطها عالي يدولها مرهمالادوية مش موجود غالبها، بيدولك الدوا ممكن بالحبة مش بالشريط حتى، اللي هو صاحبتي بتقوله ايه دا. بيقوله خديها و بعد ٦ ساعات انزلي عندنا تاني عشان تاخدي حبه تانيةللي ميعرفش، مناسك الجج الحقيقية بتبدا من يوم التروية، اللي هو سنة عن الرسول – صلى الله عليه و سلم – و اللي الداخلية كانت بت skip النسك دا عشان تلحق تروح عرفات يومها و تتجنب زحمة الاوتوبيسات، مش كدا وبس، لا كان مسؤولي البعثة بيتخانقوا مع اي واحد يكلمهم ان عايزين نمشي المسار الطبيعي للنسك، كانوا بيزعقوا للناس ولا كانهم جايبنهم من الشارعتقسيمة الخيام و شركة الضيافة و مهازلهاخيم عرفات بشعة، حاطين فيها اكتر من ١٨٠ فرد، على مراتب عرضها ميزيدش عن ٧٠ سم و طولها لا يزيد عن ١٧٠ كدا، المراتب بتكون لازقة ف بعض، لك ان تتخيلالاكل بشع، بيدوا شنطة حلويات ف اكياس زبالة، شنطة حلويات كلها قرف، شيبسي و بيبسي و بسكوتات، الوجبات اليومين بتستلمها بكوبون، فروح حارب بقى عند الكشك اللي هو مطبخ لو قربت منه ممكن ريحته تخليه تقرف من الاكل مدى الحياةالحمامات بقى، دي قصة، الحمامات دي مبتتغسلش، الحمامات عرضها اقل من عرض اي ستة كبيرة ف السن، الحمامات ريحتها ابشع من حظيرة الحيوانات، الحمامات ممكن تلاقي حد بيعمل بيبي ف مكان الوضوء لانه مش لاقي مكان. مستوى اهانة للبني ادم والله حاجة خلت ناس تصوت و تنهارالاوتوبيسات اللي المفروض تودي الناس من عرفة ل منى، بتعمل workaround مقرف اوي، تقعدك ف الاوتوبيس ٧ ساعات انتظار، تقولك انزل مزدلفة صلي ركعتين و بسرعة نطلع على منى. طيب يا جماعة فين المبيت ف مزدلفة، مفيش. اوتوبيسات سابت ناس ف الشارع و كبار السن و ناس مريضة و ناس وقعت من طولها، اوتوبيسات قديمة و هلكانة و بتعطل ف الطريق، سواقين الاوتوبيسات اصلا بيتوهوا، بيسيبوا الناس ويمشوا، مبيعرفوش يستخدموا GPSمخيمات منى بقى، مخيمات منى دي اللي القشة اللي الناس كلها مستحملتهاش، منى المفروض تحقق فيها المبيت غالب الليل، و ترمي ف ايام التشريق بالنهار، ف البعثة تخترع دين جديد و تقول “بصوا احنا هنرمي بالليل عادي و الدين يسر و لا يكلف الله نفسا” كل دا عشان يتجنبوا اي زحمة ف المواعيد الطبيعية للرميالحمامات قذررررررة قذرة لابعد درجة، لمدة ٣ ايام الحمامات مبتتغسلش، حمامات والله تقرف تعدي قدامها، مش تدخلها، حمامات عادي ممكن تدخل تلاقي الماية قاطعةمخيمات منى الناس فوق بعضها اكتر من عرفات، وبيدولهم شنط الزبالة اللي كلها حلويات تموتك مش تخليك فايق للنسك، تلاقي ناس كبيرة شايله شنط من عرفات و شايله من منى و رايحه جايه و حاجة تقرفوجبات الاكل طبعا مش محتاجة اتكلم على العفانة. انا عمري ما اكلت ف منى، ٣ ايام عملت حسابي اروح الفندق وارجع مرتين عشان اتجنب ادخل الحمام و اتجنب اكل مقرف، اعرف انام وقت مزدلفة و يوم النحر دا انا كنت بموت لاني مكنتش رجعت اكل حاجة ولا شربت حاجة اكتر من ٢٤ ساعة، جسمي كله كان بيترعش من الضعفمخيمات منى فيها واحدة ست ماتت، ماتت وسط الخيمة و البعثة رفضت تتعامل وبتقول جايز تكون مهبطة، جايز تكون ف غيبوبة، الناس تقولهم دي قاطعه نبض، يقفوا يتفرجوا. مين طلع الست من الخيمة؟ الحجاج هم اللي اتصرفوا و دوا جثتها للهلال الاحمرحاج تاني اكتشفنا انه طلع الحج وهو مريض زهايمر معندهوش مرافق، تاه لما طلع من خيمته وبيسال الناس انا مين و انا هنا ليه و المفروض اقعد فينانا هتكلم تاني عن حج الداخلية اللي ضيعوا النسك علينا بسبب انهيارنا و انشغالنا بخناقات عشان بس نعرف نتعامل بشكل ادمي، تكلمهم يقولك “الحج جهاد يا جماعة” بيبررر تقصيره و فشله ف ادارة الناس ان دا اللي ربنا عايزه، لا دا يا فاشل اللي انت عايزه عشان تخليني ابوظ حجتي عشان بس اخد حقي، حقي اني ادخل حمام و اني اعرف اقعد وان لو حد مات ملاقيهوش جمبي محدش يشيله، حقي ان الاوتوبيس ميمشيش و يسيبني و الامهات الكبار من كتر الزنقة يعملوا حمام ف الطريق و هم بيعيطوا، جهاد الحج ف المناسك مش ف دخولي الحماماتبالنسبة لشركة اكرام الضيف هتكلم عليكم بردو عشان عايزه اعرف هو باقة البعثة المصرية معاكم كانت بيلاش عشان يبقى دا مستوى الخيام ولا ايه؟ وانتوا ليه مفروضين علينا كل سنة! ايه رغم الشكاوى بردو انتوا لسه موجودين ف شركات الضيافة ف السعودية! مانتوا بتعملوا خيم نضيفة لبعثات تانية، اشمعنى البعثة المصرية ولا كانكم جايبين الناس من الشارع و بتمنوا عليهمانا قاعدة بقول يارب انتقم من كل واحد اهان الناس، كلهم يتهانوا ف دنيتهم قبل اخرتهمانا اسفه ان بدل ما الواحد يشارك الناس الخبر وهو مبسوط، انا بشاركهم تجربة ذل واهانة ف رحلة الواحد بيعملها مرة ف العمر. ولما تشتكي يقولك دا AIمنكم لله و الدنيا دي هتخلص كدا كدا، بس يوم القيامة طويل، كل حاج هيقتص منكم ف فشلكم و اهانتكمياريت يا جماعة تنشروا posts تجارب الحج السنة دي عشان محدش يطلع حج الداخلية، والله لو حد كان قاللي ان الوضع كدا وفيه برامج تانية احسن مكنتش قدمت ف قرعة الداخلية#حج_قرعة_الداخلية_٢٠٢٧رئاسة مجلس الوزراء المصري
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!