حورية فرغلي تنفي تعرض منزلها للإقتحام (خاص)

نفت الفنانة حورية فرغلي ما تم تداوله عبر مواقع التواصل الاجتماعي بشأن تعرض منزلها للإقتحام.

وقالت حورية فرغلي في تصريح خاص لـ : الكلاده ده كله كدب ومحصلش حاجة من دي، وصفحتي على فيسبوك مسروقة من 5 سنين، معبرة عن استيائها الشديد، حيث أعلنت عن اتخاذها كافة الإجراءات القانونية.

وتم تداول فيديو أمس عبر مواقع التواصل الاجتماعي لإقتحام أحد الأشخاص منزل حورية فرغلي.

وفي وقت سابق، كشفت حورية فرغلي حقيقة خلافها مع الفنان محمد رمضان، وعدم تبادله السلام معها أثناء تصويره لمسلسله الشهير الأسطورة، وخاصة بعد نجاحهما سويًا في فيلملي عبده موته وقلب الأسد.

وقالت حورية فرغي خلال لقاؤها مع الإعلامية إنجي هشام ببرنامج “كشف حساب”، المذاع عبر قناة “هي”: لأ محصلش أني رحت لمحمد رمضان الكواليس لما كان بيصور الأسطورة ومرضيش يسلم عليا، أنا كنت بصور قريب منه وقتها فيلمي طلق صناعي، وعرفت انه في نفس المكان رحت سألت عليه قالولي بيصور قولتلهم قولوا له اني عايزه اسلم عليه، وبعدها اليوم خلص وانا كملت شغلي عادي.

وتابعت حورية فرغلي: مقولتش إني مثلت معاه مجاملة، قولت كلمني وأنا بصور حكايات بنات، واشتغل قبلها في دوران شبرا كأول مسلسل ليا، لقيته بيكلمني وبيقولي يا أستاذة لقيت المنتج اللي هيعملي أول فيلم في السينما، كنت عايز أطلب من حضرتك طلب،ـ البنت اللي المفروض اللي تبقى قدامي مش لاقيين الحد المناسب، قالي حضرتك ممكن تيجي مكانها، قولتله طبعا يا حبيبي، ورحتله عند أحمد السبكي، وكنت أول مره أعمله، ومضيت عبده موته، وقولتله ده كادوه مني ليك، وبعدين عملنا قلب الأسد ومخدتش أجر.

📚