📣 ضحية الغدر.. مصرع شاب فى مشاجرة قبل خطوبته بدقائق في واقعة مأساوية أثارت الحزن والغضب بين أهالى الإسكندرية، لقي شاب يدعى أحمد مصرعه قبل دقائق من حفل

🔸 ضحية الغدر.. مصرع شاب فى مشاجرة قبل خطوبته بدقائق

في واقعة مأساوية أثارت الحزن والغضب بين أهالى الإسكندرية، لقي شاب يدعى أحمد مصرعه قبل دقائق من حفل خطوبته.

🔸 آخر مكالمة

تروى خطيبته شيماء تفاصيل اللحظات الأخيرة قائلة: "كنا بنجهز لحفل خطوبتنا، وآخر مكالمة بينا كانت وهو بيقولي إنه في السوبر ماركت بيجيب الحاجة الساقعة، وهيجي في عشر دقايق، مكانش في أي حاجة غريبة في كلامه أو تصرفاته".

وأضافت: "بعدها بدقائق، جارتنا جت بتجري، وقالت إن أحمد بيتخانق في الشارع. نزل أهلي بسرعة، لكن الصدمة كانت إننا لقيناه مات.

وأضافت: "أحمد كان شخص طيب جداً، بيحب كل الناس وبيساعدهم، وكان دايماً يقول لي إنه بيحلم يبني بيت وأسرة".

🔸 ضحية الغدر

والدة شيماء تحدثت بحزن عن خطيب ابنتها قائلة: "كان زي ابني، مشفتش حد زيه في أخلاقه. كان دايماً بيقولى إنه عايز يستقر ويفرح شيماء. أحمد كان طيب ومحبوب من كل الناس، عمره ما كان بتاع مشاكل".

وأضافت: "لما عرفنا عن الحادث، مكنتش مصدقة إنه مات. كنت بقول تلاقيه متعور، محدش يستوعب إنه حد بالطيبة دي يموت بالشكل ده".

🔸 حلم البيت والأسرة

شيماء، التي فقدت شريك حياتها المستقبلى قبل لحظات من حفل خطوبتيهما، ناشدت العدالة قائلة: "أحمد كان حلمه الوحيد إنه يكون بيت وأسرة. كان بيقولي إنه عايز يستقر ويبني حياة. أنا بطالب بالعدل والقصاص، عشان اللي غدروا بيه يدفعوا الثمن".

وأضافت: "لو الزمن يرجع، كنت هقوله إني أسعد واحدة عشان هتجوزه.. مفيش راجل زيه دلوقتي".

🔸 صدى الجريمة في الإسكندرية

الجريمة أثارت غضباً عارماً بين أهالي الإسكندرية، الذين أكدوا أن أحمد كان محبوباً من الجميع، ولم يكن له أي أعداء. الجميع وصفوه بالشاب الخلوق، الذي كان يمد يد العون لكل من حوله.