"كنت خايفة وارتحت".. هالة صدقي تتذكر تعامل عادل إمام معها في البلاتوه
أعربت الفنانة هالة صدقي عن سعادتها بالعمل مع النجم عادل إمام في فيلم “زوج تحت الطلب” ومسلسل “عفاريت عدلي علام”.
وقالت هالة صدقي في تصريحات خاصة لـ“افاق عربية”، بالتزامن مع عيد ميلاد الزعيم: “اشتغلنا أنا والزعيم عادل إمام في (زوج تحت الطلب) وبعدين قعدنا 20 سنة منشتغلش مع بعض وبعدين في (عفاريت عدلي علام) هو اللي رشحني للدور وأصر عليا”.
عادل إمام وهالة صدقي في مسلسل عفاريت عدلي علامالشغل مع عادل إمام
وتابعت: "خوفوني من الشغل مع عادل إمام، لكن لما اتعاملنا سوا ارتحت وعرفت إن المشكلة فيه إنه بيحب شغله وبيحترمه جدًا، لكن لما يكون فيه ممثل صغير هيقف قدامه مش حافظ ولا فاهم بيضايق".
عادل إمام وهالة صدقي في زوج تحت الطلب
وأضافت: “كان في مشهد بيجمعنا وكان طويل جدا 3 صفحات وهو مبيتكلمش وكان المشهد مهم بالنسبة لي، لكن تاني يوم قال لي لازم نشيل من المشهد شوية، قلت له تمام عندك حق، لكن أنا جاية حافظة، وكان رامي ابنه قاعد معانا، فقلت له أنا مذاكرة مشاعر وريأكشنات المشهد فخايفة لما تشيل اتلخبط فنصور زي ما هو وفي المونتاج لو لقيت ينفع يتشال منه عادي زي ما هو عاوز”.
عادل إمام وهالة صدقي ومحمد ثروت في مسلسل عفاريت عدلي علامالثقة بالنفس
واختتمت: "عملنا المشهد وهو قام سقف لي والمونتير من كتر ما عجبه المشهد عمل المونتاج في وقتها، وقال حلو أوي وزي ما هو كدا تمام مش هيتشال منه، ولقيت الزعيم بيكلمني بيسقف لي ويقول لي برافو المشهد زي ما إنتِ قلتي بالضبط مش طويل وطلع حلو لأن اللي عامله واحد واثق من نفسه جدًا".
[embed] “عفاريت عدلي علام”
يذكر أن مسلسل “عفاريت عدلي علام” سبق عرضه لأول مرة عام 2017، وضم نخبة من الفنانين أبرزهم: “عادل إمام، وهالة صدقي، وغادة عادل، ومي عمر، وكمال أبو رية، ومؤمن نور، وغيرهم من الفنانين”.
--اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!