صباحك غير.. ابدأ بآية في اول النهار
مش لازم تقري جزء كامل، ولا تحفظي سورة طويلة، أوقات كل اللي محتاجاه هو آية واحدة بس، تقريها بإحساس، وتسيبيها تدخل قلبك على هدوء.
الصباح اللي بيبدأ بذكر.. بيتفتح له باب واسع من الطمأنينة، والآية اللي تلمسك في أول اليوم، بتفضل ماشية جنبك في الزحمة، في الشغل، في التعب، وحتى في لحظة السكوت اللي بينك وبين نفسك.
صباحك غير.. ابدأ بآية في اول النهار
مش لازم تبقي في أفضل حالتك علشان تبدأي، ابدأي من مكانك، حتى لو كنتي متوترة أو لسه النوم جوه عينيك، خدي نفس، افتحي المصحف أو التطبيق، وقولي: “يارب افتحلي بيها خير“.
وافتكري دايمًا.. آية واحدة ممكن تغيّر مزاج يومك كله، وتديكي أمل، أو ترد قلبك لحاله اللي كان محتاجه. -----
