عدد حالات التحرش بمدرسة سيدز وصل الي عشرة كما تقول دينا سعد الملاح
تقول دينا سعد الملاح في منشور لها على فيس بوك
أكتر حاجة حرقت دمي من امبارح إن واحد من المتهمين كان اترفد من نفس المدرسة لمدة سنة ونص بسبب تحرش!
وبعد كل ده.. رجعوه يشتغل تاني وسط أطفال!
إزاى؟ مين اللى وافق؟ مين اللى سمح؟ ده إهمال يرقى لمستوى المشاركة فى الجريمة.
والكارثة الأكبر.. إن عدد الأطفال مش ٥ ولا ٦ زي ما اتقال.
إحنا دلوقتي وصلنا لـ ١٠.. ولسه العدد بيزيد.
لأن الاعتداءات بتحصل من سنين، وفى أولاد اتأذوا وسكتوا، مافتحوش بقهم .
وده اللى بيحصل مع كل طفل اتعرض لتهديد..
ما اتعلمش يحكي وخاف.
التحقيقات أظهرت ان الاعتداءات على اطفال كجى تو ابتدى من السنة اللي فاتت لحد النهارده!!
يعنى ده مسلسل جريمة مستمر.
وأنا رأيي واضح ومش هغيره:
الجريمة دي مفيهاش غير الإعدام.
هو مش انتقام
لكن ردع لكل واحد سولت ليه نفسه يعمل حاجة زى كدة وحق أطفال مش ذنبهم حاجة.
وأي أم أو أب بيقول لو القانون ما جابليش حق ابني أنا اللى هجيبه
ده مش تطاول وحق مشروع لانه موجوع و ده إحساس طبيعي لإنسان شايف ابنه أغلى من روحه أتأذى الاذى الشديد ده..
-----
