المطربة بوسي خدت براءة في قضية الشيكات
بعد ما اتمنعت من السفر لدبي وهي في مطار القاهرة من كام شهر
خلاص الفنانة والمطربة بوسي بقت حرة وينفع تسافر عادي
وده بعد ما خدت حكم من القضاء على تلت متهمين قاموا بتزوير شيك باسمها قيمته 6 مليون جنيه
بس مين دول وايه حكايتهم ومين اللي محرضهم؟
والغريبة أن بوسي قالت انا ما اعرفش ولا واحد فيهم خالص ولا عمري قابلتهم
كل اللي فاكراه بوسي أن طليقها الراحل وليد فطين كان ممضيها على شيكات بيضا
وده واحد من الشيكات اللي خدوها منه قبل رحيله وكتبوا فيها مبالغ ضخمة بتحريض
من حد ما قالوش اسمه عمل كده وحرضهم والحمدالله انها طلعت منها علي خير
بس كمان بوسي كان معاها محامي المشاهير المستشار أشرف عبدالعزيز
واللي قام بمرافعة نارية في قاعة المحكمة وجاب ليها حكم البراءة
وبكده بوسي بقت حرة ولا فيه قضايا تانية ممكن تتعرض ليها من الماضي؟
-----
