🎤 بيان موت يا حمار : عام 2038 سيكون لدينا المنتخب الكروي اللي هو فووووووق

🔸 بيان موت يا حمار : عام 2038 سيكون لدينا المنتخب الكروي اللي هو فووووووق

بيان 2038.. لما الخطة تبقى أطول من عمر الأزمة

مرة تانية، الاتحاد المصري لكرة القدم يطلع علينا ببيان استراتيجي “تقيل” عن خطة 2038 لتطوير الكرة المصرية، بيان مليان وعود، عناوين رنانة، وكلام كبير… بس المشكلة إن الملعب فاضي.

البيان بيتكلم عن “منتخبات قوية”، “مشروع طويل المدى”، “تطوير شامل”، وكأننا بنتكلم عن دولة لسه مكتشفتش الكورة، مش عن اتحاد عنده أزمات حالية بتصرخ:
ملاعب؟ لا.
ناشئين؟ تايهين.
تحكيم؟ قصة لوحدها.
منتخبات؟ مشاركة مش منافسة.

شاهد الفيديو من هنا

اللي يضحك ويبكي في نفس الوقت، إن الاتحاد بيتكلم عن 2038، بينما:

• منتخب رايح بطولات “نشارك مش ننافس”.

• مدربين بيتغيروا أسرع من لوائح المسابقات.

• خطط تطوير من غير دوريات مدارس ولا جامعات.

• أندية بتصرخ من الديون، ولاعبين شباب مش لاقية فرصة.

يعني باختصار:

بنخطط للمستقبل وإحنا مش عارفين ندير الحاضر.

هاني أبو ريدة.. كلام كتير وشغل مفيش

من أيام “الملفات الدولية” و”العلاقات القوية”، لحد بيانات التطوير بعيدة المدى، نفس الأسطوانة بتتكرر:
كلام منمّق، مؤتمرات، تصريحات، لكن على الأرض؟
ولا منتخب ثابت، ولا مشروع باين، ولا منظومة ماشية.

الكرة المصرية مش محتاجة رؤية لحد 2038،
هي محتاجة:

• دوري محترم للناشئين

• كشافين شغالين بجد

• محاسبة قبل التخطيط

• إدارة تفهم إن التطوير مش بيان PDF