🎭 الفنانة فاتن فريد ماتت وملف التحقيقات لم يغلق بعد

🔸 الفنانة فاتن فريد ماتت وملف التحقيقات لم يغلق بعد

يوم الخميس 15 فبراير، فاتن فريد كانت في بيتها عادي..
الباب خبط، دخل واحد من اللي بيشتغلوا عند جوزها..
بعد خمس دقايق فاتن كانت جثـ.ـ.ـ.ـ.ـة على الأرض، أحشاؤها طالعة من قوة الطعنات اللي خدتها!
إيه اللي حصل بالظبط وليه حصل كل ده!؟
فاتن فريد كانت متجوزة رجل أعمال كبير كان عنده بنزينة شغال فيها ولد، كان بيبعته من وقت للتاني يجيب طلبات لفاتن ويوديها لها البيت..
الولد ده كان اسمه ياسر عبد الله وكان عنده 25 سنة..
وكان مبهور بفاتن جدًا وبيفرح أوي لما بيطلب منه جوزها إنه يروح يجيب لها طلبات ويوديها لها البيت..
مش بس علشان كان صوتها جميل وهو بيحب يسمعه، لكن علشان كانت كل مدة بتدّيه فلوس..
كل حاجة كانت تمام لحد ما ياسر فجأة اختفى أربع أيام، وحاولوا يوصلوا له بكل الطرق معرفوش..
لكنه ظهر فجأة بعدها وقال إنه سافر لأهله في بني سويف لأن كان عندهم مشاكل كبيرة، وفضل يتحايل على زوج فاتن علشان يرجعه الشغل، وفعلاً رجع…
لكنه بعدها بفترة اختفى يوم كامل برضه ومحدش عرف يوصله، وظهر تاني يوم وقال نفس الحاجة.. اضطر يسافر علشان أهله كان عندهم مشكلة..
المرة دي بقى اترفد، وزوجها رفض يرجعه تاني تمامًا..
فراح ياسر لفاتن البيت وفضل يعيط ويستسمحها إنها تخلي جوزها يرجعه الشغل لأنه محتاجه ضروري علشان بيصرف على أهله..
فاتن بقى اتعاطفت معاه جدًا لدرجة إنها دخلت الأوضة علشان تجيب له فلوس..
في الوقت ده ياسر شاف سكينة باينة من المطبخ قدامه وافتكر شكل الدهب اللي كانت لابساه فاتن..
فعلطول خد السكينة، وأول ما طلعت فاتن بدأ يطعنها طعنات كلها غل لدرجة إن أحشاؤها طلعت وحصل لها انكسار في القفص الصدري! وكل ده من سكينة!!
وخد طبعًا كل الدهب اللي كانت لابساه وهرب..
فاتن بنتها كانت ساكنة قدامها، فبعد ساعة راحت بنتها لشقتها علشان تشوفها..
وهنا لقت مامتها بالمنظر المرعب ده.. مرمية على الأرض كلها دم وأحشاؤها طالعة برا، وواخدة طعنات كتير في بطنها وصدرها!!
الشرطة قبضت على ياسر على طول لأنه ملحقش يهرب، وقال في التحقيقات
إنه ما قصدش يقتـ.ـ.ـلها لأنها كانت كويسة جدًا ودايمًا بتساعده، واللي حصل ده كان ساعة شيطان بس، لكن هو مش قا.تل!
النيابة أمرت بحبسه 4 أيام على ذمة التحقيقات، وصرحت بدفن فاتن بعد التشريح..
وسائل الإعلام وقتها قالت إن السبب المباشر للجريمة
هو طرد ياسر من العمل..
لكن بناتها رفضوا الرواية دي تمامًا..
وقالوا إن اللي عمل كده هو زوج أمهم نفسه!
وإن مش منطقي شاب يقتـ.ـ.ـل بالطريقة دي لوحده
ويكون عنده كل الغل ده ناحية حد دايمًا بيساعده وواقف معاه!
سمر بنتها قالت في حوار صحفي إن مامتها كلمتها قبل الجريمة بيومين وكانت مضايقة جدًا من جوزها وقالت لها إنها لازم تطلق منه!
الكلام ده خلّى الناس تشك أكتر، خصوصًا إن الجريمة حصلت في بيته وبسكينة من الشقة!
لكن التحقيقات الرسمية أثبتت وجود الزوج في مكان تاني
وقت وقوع الجريمة.
القضية اتقفلت قانونيًا، لكن الكلام فيها موقفش أبدًا..
هل ياسر هو الجاني الوحيد ولا في جانٍ تاني قدر يخبّي نفسه كويس؟!

🔸 منشور ‏علاء مطر‏

-----