أشرف زكي: شيرين عبدالوهاب في بيتها ومش حابة تخرج وحالتها المزاجية مش حلوة
طمأن الدكتور أشرف زكي نقيب المهن التمثيلية، الجميع على الحالة الصحية لـ شيرين عبدالوهاب، مؤكدًا عودتها من عزلتها قريبًا بعد تدخل بعض الجهات لإنقاذها مما تعاني منه حاليًا.
الحالة الصحية لـ شيرين
وأوضح أشرف زكي في مداخلة مع الإعلامي عمرو أديب، ببرنامج الحكاية على قناة mbc مصر، أنه التقى بشيرين عبدالوهاب منذ 20 يوما في منزلها وحاول إقناعها بالخروج، ولكنها رفضت لأن حالتها المزاجية مش حلوة، وردت عليه قائلة: هكلمك وأقولك إمتى نخرج.
وأشار زكي، إلى أن الدكتورة مايا مرسي، وزيرة التضامن الاجتماعي، تدخلت في الأمر وستقدم الدعم اللازم لـ شيرين عبدالوهاب، في إطار الاهتمام بحالتها وتوفير المساندة المطلوبة لها.
مناشدات بعودة شيرين
وناشد الإعلامي عمرو أديب، جميع المسئولين بالتدخل لإنقاذ شيرين عبدالوهاب خلال برنامجه، قائلا: أنا بوجه كلامي لحد يقدر يعمل حاجة، في الدولة المصرية، شيرين محتاجة حد يتدخل، شيرين محتاج حد يعملها حاجة.
إنقاذ شيرين
وتابع: أغلبنا نعرف تقريبا إيه مشكلة شيرين، ويا نلحقها يا منلحقهاش، وأرجوك متقوليش أنا حاولت قبل كده، أنا بتكلم من واقع اتصالات اليوم، أنا مقدرش اعمل حاجة أنا عايز الحق شيرين، الكلام يضايق، وممكن يضيايق شيرين نفسها، أنا عايز اطلع كداب، وتكون شيرين كويسة.
وأضاف: في ناس عارفة شيرين فين، أنا بكلمك عن حالة إنسانية، انقذوها يا جماعة، حد ممكن يقولي ممكن ما تبقاش عايزه، هو ده بالعوز، أنا بقولك محتاجة حد يتدخل، انتوا في البلد دي متعرفوش تدخلوا، أنت فالبلد دي لو عايزين هتعملوا، نحاول يا جماعة، الحقوا شيرين، يكفيك شرف المحاولة.
واستطرد: أرجوكم، أتوسل إيدكم، مفيش وزارة مسئولة عن الكلام ده، وزارة التضامن الاجتماعي، مفيش دكتور، مستشفى، الناس ما تتسابش كده يا جماعة!!.
أين شيرين عبدالوهاب؟
وفي وقت سابق، قال الإعلامي عمرو أديب، إن شيرين مختفية، ومحدش عارف يوصل لها، ومحدش يعرف، هل هيدا عادي؟ على رأي إخوانا اللبنانيين، أنا بدق ناقوس الخطر، ولو سمعاني اتكلمي يا شيرين، ردي عليا يا شيرين، أول مرة شيرين طلعت في التليفزيون كانت معايا وآخر مرة كانت معايا، حاجة جبارة، شيرين لن تتكرر، أنا بتكلم عن القوة الناعمة المصرية، مصر ولادة، بس مش بالسهولة.
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!