هدى الإتربي تكشف عن موعد زواجها وتشارك كواليسها مع ياسر ورامز جلال
ردت الفنانة هدى الإتربي على التساؤلات المتكررة حول موعد دخولها عش الزوجية، خلال لقاء خاص مع موقع فوشيا عبر يوتيوب، مؤكدة أنها ستشارك جمهورها فرحتها في الوقت المناسب، قائلة:
"لما ألاقي الشخص المناسب هتفرحوا بيا إن شاء الله."
وفي نفس اللقاء، كشفت هدى عن كواليس تجربتها الفنية الأخيرة، وتعاونها مع ياسر جلال في مسلسل «كلهم بيحبوا مودي»، وشقيقه رامز جلال في فيلم «بيج رامي».
وقالت هدى عن انطلاق الموسم الرمضاني هذا العام: "بدأت الموسم بمسلسل كلهم بيحبوا مودي وكنت حابة أعمل عمل واحد بس السنة دي، لكن لما جالي الدور في مسلسل مناعة مقدرتش أرفضه."
وأضافت عن شخصيتها في مسلسل «كلهم بيحبوا مودي»:"المسلسل اجتماعي كوميدي عن واحد بيتجوز كتير، وأنا بقدم دور واحدة من زوجاته، وبتطارده طول الوقت في إطار كوميدي."
وحول التعاون مع ياسر جلال، أوضحت: "اشتغلت قبل كده مع ياسر في مسلسل ضل راجل، وبتفائل دايمًا بالشغل معاه.. الكيميا بينا قدام الكاميرا خطيرة، وده واضح خصوصًا إنه بقاله فترة ما قدمش كوميدي، والمفاجأة إنه دمه خفيف جدًا في الكوميدي."
أما عن شقيقه الفنان رامز جلال، فقالت: "رامز رغم إن الناس دايمًا بتشوفه بيهزر، إلا إنه جدي جدًا في شغله، وبيركز بشكل كبير في الكواليس، وده بيخلي العمل احترافي وممتع في نفس الوقت."
يُذكر أن هدى الإتربي تخوض هذا الموسم الرمضاني بمشاركة عدة أعمال متميزة، وتواصل جذب افاق عربية بأدائها المتنوع بين الكوميديا والدراما، مع الحفاظ على تفاعلها الدائم مع جمهورها عبر السوشيال ميديا. -----
