ياسمين عز: خطيبك مش هيطلع السلم انزلي شليه من نص الشارع
أثارت الإعلامية ياسمين عز جدلًا واسعًا بتصريحاتها الأخيرة حول كيفية التعامل مع الخطيب، وذلك خلال تقديمها برنامجها «كلام الناس» على شاشة قناة MBC مصر.
وقالت عز في نصائح غير مألوفة لجمهورها: "لو خطيبك جاي يزوركم في البيت، مفيش حاجة اسمها يطلع السلم ويتعب ويخبط على الباب.. انزلي شليه من نص الشارع على أكتافك وطلعي بيه لحد شقتكم حتى لو ساكنة في الدور الخامس، لأن بر الخطيب من بر الأم كمان."
وأضافت الإعلامية: "خلاص دخلتيه ونزلتيه من على كتفك جوه باب الشقة تحفة، خطيبك جالكم البيت يشتغل بلقمته بقى، والا هتتحسب عليه خطوبة والسلام؟ بعد ما تتخطبي، خطيبك هيزوركم مرة في الأسبوع تكفي، مش مرتين ولا تلاتة."
كما قدمت ياسمين عز نصائح عملية لزيادة الدفء والمودة بين الزوجين، خاصة في فصل الشتاء، مشيرة إلى أهمية الطعام في تعزيز المشاعر الطيبة في البيت: "يا مدام، نصيحتي ليكي هاتي كرنب واعملي لجوزك حلة محشي، والشتا بيحب الكرنب. متخلصيش أنت وعيالك الحلة وتديله الباقي، ولكن إديله اللي في نص الحلة وحطيله طبق سرفيس مليان."
وأضافت: "اعملي المحشي ودفي جوزك، واعملي له سحلب ودفيه، ولو معندكيش سحلب هاتي لبن ودفيه وحطي عليه مكسرات، هيشربه وهيفكره سحلب. الشتاء زمان بيحتاج مش بس تدفئة الجسم، لكن كمان تدفئة القلب، وأكلة زي دي هتخلي جوزك يفتكر الشتاء بشكل مختلف."
وفي جانب آخر من البرنامج، أشادت ياسمين عز بالدكتور مصطفى مدبولي، رئيس مجلس الوزراء، معتبرة إياه شخصية محورية في الحكومة المصرية، مشيرة إلى خبرته الطويلة ومتابعته الدقيقة للتحديات والمشاكل التي تواجه البلاد:
"الدكتور مصطفى مدبولي معانا بقاله 8 سنين، وعارف كل مشاكلنا، اللي نعرفه أفضل من اللي مانعرفوش، وكفاية إنه فاهم الملفات وكمان مشاكلنا بشكل دقيق، وبيشتغل على حلها حتى في أصعب الظروف."
يُذكر أن تصريحات ياسمين عز عادةً ما تجذب اهتمام افاق عربية بسبب أسلوبها المباشر وغير التقليدي، سواء في النصائح الأسرية أو تحليلاتها السياسية، مما يجعل برنامج «كلام الناس» منصة حيوية للنقاشات الاجتماعية والفنية والسياسية على حد سواء.
-----
