أعلنت الفنانة ريهام حجاج عن الانتهاء من مسلسل توابع الذي عُرض في النصف الأول من رمضان 2026، والذي شهد اهتمامًا كبيرًا من الجمهور.
وكتبت الفنانة ريهام حجاج عبر حسابها الشخصي بموقع التواصل الاجتماعي فيسبوك: خلص توابع وخلصت رحلتي مع شهيرة خطاب، عايزة أقول كلمتين عن التجربة اللي استمتعت بيها جدًا، من أول ما الأقدار جمعتنا أنا ومحمد ناير ويحيى إسماعيل لقينا عوامل مشتركة في الهدف وطريقة الفكر، اللي هي السعي في محاولة الجمع بين رسالة الفن والجماهيرية.
وأضافت: الحقيقة إنه مش سهل، بس مش مستحيل. الكل عارف الخلطة السحرية للمشاهدات والتريندات، والكل كمان عارف الخلطة الفنية الهادفة اللي الأكثرية مش بيميلوا ليها، ودا طبيعة البشر، وعشان كدا كلمة (أكثرهم) في القرآن دايماً مقترنة بمفردات زي (لا يعلمون) (لا يفقهون)، وهو دا اللي بنسميه في أيامنا دي الترند والجري وراه، ودا المعنى الحقيقي للتوابع.
وتابعت: أنا بشكر محمد ناير ويحيى إسماعيل على إنهم قدروا مع كل من شارك في مسلسل توابع من كل الأقسام واحد واحد إنهم يقدموا رسايل توعي الناس وتخليهم يفكروا وهم مستمتعين بالفرجة ومتسليين ومتأثرين، الحمد لله عملنا معادلة كان نفسنا نوصلها.
