عبر الفنان هشام ماجد عن حبه الكبير لـ فيلم "برشامة" الذي يعرض حاليا بدور العرض السينمائي، مؤكدًا أن “عبقرية فكرة الفيلم في بساطتها”
هشام ماجد وفيلم برشامة
وقال هشام ماجد خلال مداخلة هاتفية لبرنامج "يحدث في مصر": “ أنا من زمان بحب فيلم (برشامة) لأني أول ما اتعرفت على خالد دياب قرأت معالجة الفيلم ده ومعالجة (أشغال شقة)، وقولتله أنا هعمل الاتنين دول، وكان المفروض أصور الفيلم ده من زمان، وبعدين اتوقف وبعدين روحنا وقلنا مش هنعمله وبعدين عملناه وخد وقت كتير عقبال ما اشتغلنا عليه”
وتابع: "عبقرية الفكرة في بساطتها، قد إيه الفكرة بسيطة بتتكلم بس على لجنة امتحان وعبقرية خالد دياب والتصوير قدروا يخلوا الناس ميحسوش بالملل في الجزء ده، وكان الإيقاع سريع جدًا، فأنا بشكر خالد وشيرين دياب وأحمد الزغبي لأنهم عملوا مجهود كبير جدًا في كتابة الفيلم ده"
اختتم: “بشكر أصدقائي نجوم مصر اللي كسروا الدنيا في رمضان ريهام عبد الغفور وباسم سمرة وحاتم صلاح وفاتن سعيد وميشيل ميلاد، والفيلم مليان بالنجوم وكان في تناغم كبير بينا، أنا سعيد بالفيلم ورد فعل الناس والإيرادات وسعيد بكل حاجة”
قصة فيلم برشامة
تدور أحداث فيلم "برشامة" خلال يوم امتحان اللغة العربية في لجنة الثانوية العامة منازل، حيث تتشابك مصائر مجموعة من الشخصيات وسط فوضى وفساد وغش جماعي، يحاول بعض الأهالي مساعدة أبنائهم على الغش بطرق مختلفة، في إطار كوميدي ساخر، ما يمنح الفيلم طابعًا مرحًا ومميزًا
قصة فيلم برشامة جذبت انتباه الجمهور
“برشامة” ينتمي إلى الكوميديا الاجتماعية بتصنيف عمري +12، ويضم مجموعة من النجوم، أبرزهم هشام ماجد، مصطفى غريب، ريهام عبد الغفور، حاتم صلاح، وباسم سمرة، إلى جانب عدد كبير من الفنانين، والفيلم من تأليف أحمد الزغبي وشيرين دياب، ومن إخراج خالد دياب، ومن إنتاج شركتي “سكاي ليميت” و“فيلم سكوير”
