📌 "طليقي صديقي المفضل". دينا غبور تكشف معاناتها مع المرض وعلاقتها بـ"شريف"

كشفت سيدة الأعمال دينا غبور تفاصيل متعلقة بحياتها الشخصية مع طليقها، ومعاناتها مع حقن “الكورتيزون” التي تسبب زيادة وزنها بشكل مبالغ

🔸 ماذا قالت دينا غبور عن حياتها الشخصية

وقالت دينا غبور خلال استضافتها في أولى حلقات الموسم الجديد لبرنامج “هي وبس” مع الإعلامية رضوى الشربيني: “أنا اتربيت في بيت عائلة مقتدرة ماديًا والحمد لله لنا اسمنا ومشروعنا ودي نعمة أحمد ربنا عليها، وربنا يقسّم الـ24 قيراط صح على كل الناس”

🔸 مرض دينا غبور

وأضافت: “لما اتولدت كان عندي ربو ووقتها العلاج كان بطريقة مختلفة، ومن وأنا لسة عندي شهور لحد سن 20 سنة تقريبًا كنت آخد حقن كورتيزون ووصل وزني لـ 106 كيلو”

وتابعت: “عملت عملية (رينج) علشان أخس، ولكن باظت 3 مرات، وآخر مرة قالوا ماينفعش وتخنت، وأمي قالت لي مش هتعيشي حياتك كلها عبد لحتة حديدة، بعدين لعبت رياضة وخسيت 46 كيلو لوحدي"

🔸 انفصال دينا غبور

كما تحدثت دينا غبور عن حياتها الشخصية مع طليقها قائلة: “أنا انفصلت من 8 سنين والغريب في الموضوع إن طليقي شريف هو المعنى الحرفي لابن الناس”

واستكملت: “شريف هو بالنسبة لي عائلتي وصديقي المفضل ولو تعبت أو احتاجت أي حاجة بيكون أول حد بكلمه، وهو حاجة كبيرة أوي عندي وكل يوم بشكر ربنا أن ده أبو أولادي، ولو حد وحش هيبقى أنا”