وجهت الفنانة بدرية طلبة رسالة حادة إلى متابعيها على حسابها الشخصي بموقع التواصل الاجتماعي فيسبوك، حذرت خلالها من خطورة التعليقات المسيئة والتجاوزات عبر الإنترنت.
وقامت الفنانة بدرية طلبة بكتابة رسالة عبر حسابها الشخصي بموقع التواصل الاجتماعي وكتبت:شكلك إيه لما الأدمن يدخل يقولك هنبلغ مباحث الإنترنت بالتعليق، تعتذر وتقول دي بنتي الصغيرة أخذت التليفون وكتبت الكلام ده أو ابني الصغير اللي بعت الرسالة دي.
وأضافت: طب ليه تعمل جامد وتغلط وأنت مش قد اللي بتعمله طب شكل حضرتك إيه لما تلاقي عليك قضية حبس أو غرامة بسبب تعليق بايخ ما إحنا حذرنا مليون مرة وقولنا احترم تُحترم، وهو أنت لما تدخل تكتب تعليق بايخ الأدمن هيسمي عليك.
وتابعت: طب للمرة المليون لو الصفحة مش عاجبة حضرتك ما تتابعهاش، لو صاحبة الصفحة زعلت حضرتك روح اشتكيها في مباحث الإنترنت وهات حقك منها بالقانون، لكن تغلط تتحمل رد فعلنا وبالقانون، ودلوقتي ده متاح للجميع، لكن كام واحد يتعدوا على الصوابع شايفين نفسهم فوق القانون، فما فيش حد فوق القانون، ولو الصفحة فيك هيتعرف برضه بتاعة مين ويتجاب عادي، بس ساعتها ما فيش معلش.
