الأحد , 12 أبريل 2026 - 11:04 | اخر تحديث: الأحد , 12 أبريل 2026 - 11:04
عبرت الفنانة إلهام شاهين عن انزعاجها من توجيه أسئلة حول إن كانت تفكر في الزواج أو متى ستتزوج مجددا.
وقالت إلهام شاهين في لقاء مع ET بالعربي: "خلاص كبرت على السؤال دا زمان وإحنا صغيرين يسألوني إمتى هنشوفك عروسة وأمتى هتتجوزي بس خلاص في مرحلة وسن مينفعش يسألوني السؤال دا هو مش زعلني حسيته سؤال تافه لسه هنقول أمتى هنتجوز وأمتى هنحب كبرنا على الكلام دا".
وتابعت موضحة موقفها من فكرة الزواج قائلة: "أنا مش بقول مش من حقي لكن السؤال أتكرر وفات عليه الزمن مينفعش ودا مفيهوش أمتى دا شيء قدري يمكن بكرا تلاقيني ارتبطت لكن مينفعش يسألوني".
وتطرقت إلهام شاهين للحديث عن تعليقات الجمهور على الشبه الكبير بينها وبين "مريم" ابنة شقيقها أمير شاهين وقالت: "لما نزلت صورها معايا كل الناس قالوا شبهك مكناش واخدين بالنا للدرجة دي، عموما هي أمها وأبوها الاتنين شبهي، أبوها أخويا بس هو كمان مراته شبهة طبيعي أن الجينات غالبة جدا، هي مش واخدة من طباعي هي شقية أوي وأنا كنت طفلة هادية جدا".
وكشفت إلهام شاهين خلال اللقاء تفاصيل دورها في مسلسل "قلب شمس"، وقالت: "قدم دور عرافة في المسلسل، وأحيانا أؤمن بهم، فأحيانا يصدفون، (كذب المنجمون ولو صدفوا)، وهو مشهد وحيد، وشاركت في العمل لأني حبيت المشهد بالتأكيد، لكن أنا رايحة عشان بحب أصدقائي، عشان يسرا حبيبة قلبي وصداقة عمر، عشان محمد سامي بموت فيه طبعا كمخرج وككاتب، وعشان حبيبتي المنتجة مها سليم، هم أصدقائي جدا، وحبيت تبقى هي دي الروح بيننا، إنه ممكن نروح لبعض كضيوف شرف في أعمال".
لا يفوتك: الحلقة الثالثة من برنامج "غالب ولا مغلوب الولاد اخدوا تارهم من البنات بعد هزيمتهم في الحلقة الثانية
حمل آبلكيشن FilFan ... و(عيش وسط النجوم)
